ខេត្តសៀមរាប៖ បើយោងតាមរបាយការណ៍ធ្វើឡើងដោយមន្ត្រីរដ្ឋបាលជលផលខេត្តសៀមរាប បានរាយការណ៍ ជូនឯកឧត្តមរដ្ឋលេខាធិការបញ្ជាក់ថានៅថ្ងៃទី២០ ខែតុលា ឆ្នាំ២០២២៣ បានសហការចុះបង្ក្រាបបទល្មើសជលផល: ១-លោក ធិននី សុទ្ធី នាយខណ្ឌរដ្ឋបាលជលផល ផ្នែករដ្ឋបាលជលផលចុងឃ្នៀស ផ្នែករដ្ឋបាលជលផលដំដែក សង្កាត់រដ្ឋបាលជលផលសូទ្រនិគម សង្កាត់អន្លង់សំណរ និងមន្រ្តីខណ្ឌ សហការជាមួយអធិការដ្ឋានរដ្ឋបាលជលផលខាងជើងបឹងទន្លេសាប និងកងកម្លាំងអន្តរាគមន៍ទប់ស្កាត់បង្រ្កាបបទល្មើសជលផលបឹងទន្លេសាបប្រចាំការកន្លែងអភិរក្សជលផលកំពង់ភ្លុក ដឹកនាំដោយលោក សោម សុវណ្ណ នាយរងអធិការដ្ឋានរដ្ឋបាលជលផលខាងជើងបឹងទន្លេសាប ចុះប្រតិបត្តិការទប់ស្កាត់ និងបង្ក្រាបបទល្មើសនេសាទក្នុងដែននេសាទសហគមន៍កំពង់ឃ្លាំង នៅចំណុចពពាច ឃុំកំពង់ឃ្លាំង ស្រុកសូទ្រនិគម បានចំនួន០១ករណី ដោយកាប់បំផ្លាញចោលនៅនឹងកន្លែងរួមមាន៖ ១-នេសាទដោយឧបករណ៍ ប - ក្បាល ប ចំនួន១៥គ្រឿង - របាំងសាច់អួនប្រវែង ១.៤០០ ម៉ែត្រ - ចម្រឹង ចំនួន៧០០ ដើម - លែងត្រី ចំនួន ៣០ គីឡូ ដែលមានកម្លាំងចូលរួមចំនួន២៥នាក់ កាណូតចំនួន០២គ្រឿង ។ ២.ផ្នែករដ្ឋបាលជលផលដំដែក និងសង្កាត់រដ្ឋបាលជលផលសូទ្រនិគម សហការជាមួយប៉ុស្តិ៍នគរបាលរដ្ឋបាលកំពង់ឃ្លាំង ចុះទប់ស្កាត់ និងបង្ក្រាបបទល្មើសនេសាទដោយឧបករណ៍ឈ្នក់រួមផ្សំភ្លើងពណ៌ ឮចំនួន ០១ករណី នៅចំណុច កងមាស ឃុំកំពង់ឃ្លាំង ដោយបានកាប់បំផ្លាញចោលនៅនឹងកន្លែងរួមមាន៖ - សាច់ឈ្នក់ទំហំ ១៥មx១៥មx៤ម ក្រឡា ០,៨ សង្ទីម៉ែត្រ ចំនួន០២គ្រឿង ។ - អាគុយ៤០អំពែរ ចំនួន០៥គ្រឿង។ - កាប់បង្គោល ០៧កន្លែង បង្គោល២៨ បង្គោល។ ៣.សង្កាត់រដ្ឋបាលជលផលកំពង់ក្តី សហការជាមួយកម្លាំង គណៈបញ្ជាការឯកភាពស្រុកជីក្រែង ដឹកនាំកម្លាំងដោយលោក ម៉ូវ ជា អភិបាលរង នៃគណៈអភិ បាលស្រុកជីក្រែងបានចុះត្រួតពិនិត្យទប់ស្កាត់និងបង្ក្រាប បទល្មើសជលផលស្ថិតក្នុងភូមិសាស្រ្តឃុំស្ពានត្នោត ស្រុកជីក្រែង ខេត្តសៀមរាប។ ជាលលទ្ធផលក្រុម ការងារបានជួបប្រទះបទល្មើសនេសាទនិងកាប់បំផ្លាញនូវនិងកន្លែងបានចំនួន០២ករណី៖ ១.ឧបករណ៍ស្បៃមុង ក្បាលស្បៃមុងចំនួ១២គ្រឿង.របាំងស្បៃមុងប្រវែង៥០០ម៉ែត្រ.ចម្រឹងចំនួន៣០០ដើម ២.ឧបករណ៍ ប ក្បាលប ចំនួន៦គ្រឿង.របាំងសាច់អួនប្រវែង៣០០ម៉ែត្រ.ចម្រឹងចំនួន១៥០ដើម.លែងកូនត្រីចម្រុះចំនួន២៥គីឡូក.មធ្យោបាយ ការណូតចំនួន៣គ្រឿង។ វត្តមានកម្លាំងចូលរួមសរុប១១នាក់៕ ដោយ: លោក ខៀវ សុថាត