ការបាតុកម្មបានកើតឡើងនៅទូទាំងពិភពលោក ទាមទារឲ្យអ៊ីស្រាអែល បញ្ឈប់ការវាយប្រហាររបស់ខ្លួនលើតំបន់ហ្គាហ្សា ដែលបានសម្លាប់ជនជាតិប៉ាឡេស្ទីនជាង ៤,៣៨០នាក់។ នៅឯទីក្រុងឡុងដ៍ ប៉ូលិសប៉ាន់ប្រមាណថា បាតុកររហូតដល់១០ម៉ឺននាក់ បានដើរដង្ហែតាមដងផ្លូវដោយគ្រវីទង់ប៉ាឡេស្ទីន និងស្រែកថា “បញ្ឈប់ការទម្លាក់គ្រាប់បែកលើតំបន់ហ្គាហ្សាទៅ”។ បាតុករគាំទ្រប៉ាឡេស្ទីនរាប់រយនាក់ ក៏បានប្រមូលផ្តុំគ្នាផងដែរនៅទីក្រុង Belfast និង Londonderry របស់ប្រទេសអៀរឡង់ខាងជើង ខណៈរាប់ពាន់នាក់បានដើរកាត់ទីក្រុង Dublin ដោយអំពាវនាវអោយអ៊ីស្រាអែល បញ្ចប់ការទម្លាក់គ្រាប់បែក។ ចំណែកនៅប្រទេសបារាំង បាតុករគាំទ្រប៉ាឡេស្ទីន បានប្រមូលផ្តុំគ្នាក្នុងទីក្រុងជាច្រើន រួមមាន Rennes, Montpellier, Dijon, Marseille និង Lyon។ នៅទីនោះ មនុស្សរាប់ពាន់នាក់នាំគ្នាស្រែកថា “យើងទាំងអស់គ្នាជាជនជាតិប៉ាឡេស្ទីន”។ ដោយឡែក នៅអាល្លឺម៉ង់ ប៉ូលិសនិយាយថា មនុស្សជិត ៧,០០០នាក់ បានចូលរួមក្នុងបាតុកម្មដោយសន្តិវិធីដែលគាំទ្រប៉ាឡេស្ទីន នៅទីក្រុង Dusseldorf។ លើសពីនេះ មនុស្សរាប់រយនាក់ចូលរួមបាតុកម្មនៅទីក្រុង Rome, Barcelona, Toronto, New York, Los Angeles និង Washington។ នៅអាស៊ីអាគ្នេយ៍ ក៏មានបាតុកម្មផងដែរ ដោយក្នុងប្រទេសថៃ ជនមូស្លីមនិងប៉ាឡេស្ទីនប្រហែល៣០០នាក់ បានប្រមូលផ្តុំគ្នាមានទាំងដុតទង់ជាតិអ៊ីស្រាអែល ទៀតផង នៅខាងក្រៅស្ថានទូតអ៊ីស្រាអែល ក្នុងទីក្រុងបាងកក៕
ព័ត៌មានគួរចាប់អារម្មណ៍
ស.ស.យ.ក. ស្នើអ្នកសារព័ត៌មាន អ្នកផលិតមាតិការ និងមគ្គុទ្ទេសក៍ទេសចរណ៍ជួយជំរុញការផ្សព្វផ្សាយអំពីអង្គរសង្ក្រាន្តដើម្បីផ្សព្វផ្សាយគោលដៅទេចរណ៍របស់ខេត្តសៀមរាប និង សិល្បៈវប្បធម៌របស់ខ្មែរ (ប៉ោយប៉ែតប៉ុស្តិ៍)
ប្រមុខក្រសួងមហាផ្ទៃ ដាស់តឿនមន្ត្រីពាក់ព័ន្ធបទល្មើសគ្រឿងញៀន ប្រញាប់ដកខ្លួន បើមិនចង់ក្លាយជាសាច់ស្អុយ! (ប៉ោយប៉ែតប៉ុស្តិ៍)
អ្នកនាំពាក្យរងក្រសួងមហាផ្ទៃ ចាត់ទុកការបង្ក្រាបករណីគ្រឿងញៀន ក្បែរបឋមសិក្សាជម្ពូវ័ន ជាសកម្មភាពគំរូ និងលើកទឹកចិត្តខ្ពស់! (ប៉ោយប៉ែតប៉ុស្តិ៍)
ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីប្រុងពលី បើកការដ្ឋានសាងសង់សំណង់នៃព្រឹត្តិការណ៍អង្គរសង្ក្រាន្ត ឆ្នាំ២០២៥ (ប៉ោយប៉ែតប៉ុស្តិ៍)
អនុវត្តគោលការណ៍ឯកឧត្តមអភិសន្តិបណ្ឌិត៖ នគរបាលស្រុកលើកដែកឃាត់តៃកុងរថយន្តក្រុង ភ្នំពេញ-វៀតណាម ធ្វើកិច្ចសន្យា! (ប៉ោយប៉ែតប៉ុស្តិ៍)
វីដែអូ
ចំនួនអ្នកទស្សនា