ប្រទេសអាល្លឺម៉ង់បាននិយាយកាលពីថ្ងៃអង្គារថា ជម្លោះរវាងអ៊ីស្រាអែល និងក្រុមប្រដាប់អាវុធប៉ាឡេស្ទីនហាម៉ាស់ គឺជាការធ្វើតេស្តទៅដល់សហគមន៍អន្តរជាតិ ហើយការឈឺចាប់ណាមួយអាចនឹងបញ្ចប់ទៅបាន លុះត្រាតែភាគីពាក់ព័ន្ធទាំងអស់បញ្ឈប់សកម្មភាពរបស់ពួកគេដែរ ។ ការថ្លែងក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិស្តីពីស្ថានភាពនៅមជ្ឈិមបូព៌ា រដ្ឋមន្ត្រីការបរទេសអាល្លឺម៉ង់លោកស្រី Annalena Baerbock បាននិយាយថា “មនុស្សគ្រប់រូបត្រូវតែស្វែងយល់ពីការឈឺចាប់របស់គ្នាទៅវិញទៅមក ទើបដឹងថា វាលំបាកប៉ុនណា ហើយក្នុងនាមជារដ្ឋមន្ត្រីការបរទេស នឹងទទួលខុសត្រូវជាប្រវត្តិសាស្ត្រសម្រាប់ឧក្រិដ្ឋកម្មដ៏អាក្រក់បំផុតមួយនេះ” ។ ដោយសំដៅទៅលើការសម្លាប់រង្គាលនេះផងដែរ លោកស្រី Baerbock បាននិយាយថា “សូមកុំអោយរឿងនេះកើតឡើងម្តងទៀត ។ សម្រាប់ខ្ញុំក្នុងនាមជាជនជាតិអាល្លឺម៉ង់ យើងនឹងមិនហត់នឿយនោះទេ នៅពេលដែលដឹងថា ចៅ ៗរបស់អ្នកដែលរស់រានមានជីវិតពីការសម្លាប់រង្គាល ឥឡូវនេះត្រូវបានចាប់ធ្វើជាចំណាប់ខ្មាំងដោយក្រុមប្រដាប់អាវុធនៅតំបន់ហ្គាហ្សា” ។ ទន្ទឹមនោះ លោកស្រីបានលើកឡើងទៀតថា “សន្តិសុខរបស់អ៊ីស្រាអែលគឺ “មិនអាចចរចារ” បាននោះទេ ។ ដូច្នេះអ៊ីស្រាអែលដូចរដ្ឋដទៃទៀតក្នុងពិភពលោកដែរ គឺមានសិទ្ធិការពារខ្លួនប្រឆាំងនឹងអំពើភេរវកម្មក្នុងក្របខ័ណ្ឌច្បាប់អន្តរជាតិ ។ យ៉ាងណាក៏ដោយ អ្នកស្រីបានកត់សម្គាល់ថា ការដោះស្រាយបញ្ហារបស់ប៉ាឡេស្ទីន ក៏មិនផ្ទុយពីជំហរនេះនោះដែរ ព្រោះថា ការការពារផ្នែកសំខាន់ៗណាមួយរបស់ពួកគេ ក៏ជាសិទ្ធិការពារខ្លួន” ។ លោកស្រី Baerbock បានបញ្ជាក់ថា “ជីវិតរបស់ជនស៊ីវិលទាំងអស់គឺដូចគ្នា ។ មនុស្សជាតិគឺជាសកលលោករបស់យើង ដូច្នេះហើយអ៊ីស្រាអែលគួរតែដាក់ចិត្តគិតថា ការប្រយុទ្ធគឺសំដៅ “ប្រឆាំងនឹងក្រុមហាម៉ាស់ មិនមែនប្រឆាំងនឹងជនស៊ីវិល” នោះទេ ហេតុដូច្នេះហើយបានជាត្រូវការ “បង្អួចមនុស្សធម៌” ដើម្បីឲ្យអ្នកដែលរងគ្រោះនៅហ្គាហ្សាអាចទទួលបានជំនួយ” ។ គួរបញ្ជាក់ថា ភាពតានតឹងថ្មីដែលបានផ្ទុះឡើងនៅមជ្ឈិមបូព៌ាបានអូសបន្លាយពេលដល់សប្ដាហ៍ទី២ហើយ បន្ទាប់ពីក្រុមហាម៉ាស់បានបើកការវាយប្រហារមកលើទឹកដីអ៊ីស្រាអែល ចេញពីតំបន់ហ្គាហ្សាស្ទ្រីបកាលពីព្រឹកព្រលឹមថ្ងៃទី០៧ ខែតុលា ដោយបានសម្លាប់មនុស្សជាង ១,៤០០ នាក់ ដែលភាគច្រើនជាជនស៊ីវិល ។ ចំណែកនៅតំបន់ហ្គាហ្សាវិញក្រសួងសុខាភិបាលដែលគ្រប់គ្រងដោយក្រុមហាម៉ាស់បាននិយាយថា ការឆ្លើយតបរបស់អ៊ីស្រាអែលបានសម្លាប់មនុស្សជាង ៥,៨០០ នាក់ ហើយក្នុងនោះមានក្រុមសកម្មប្រយុទ្ធហាម៉ាស់ជាង ១,៥០០នាក់ នៅក្នុងទឹកដីអ៊ីស្រាអែល ខណៈប្រជាជន ២.៣ លាននាក់កំពុងខ្វះជំនួយមនុស្សធម៌៕
ព័ត៌មានគួរចាប់អារម្មណ៍
ឯកឧត្តម អង មង្គល រដ្ឋលេខាធិការ ក្រសួងមហាផ្ទៃបើកកិច្ចប្រជុំពិភាក្សាពិនិត្យវឌ្ឍនភាពការងារប្រចាំឆមាសទី១ និងលើកទិសដៅការងារអនុវត្តបន្តសម្រាប់ឆមាសទី២ ឆ្នាំ២០២៤ (គេហទំព័រ ប៉ោយប៉ែត ប៉ុស្តិ៍)
នាយឧត្តមសេនីយ៍ ជា សុគន្ធា រដ្ឋលេខាធិការក្រសួងមហាផ្ទៃ នាំយកគ្រឿងឧបភោគ បរិភោគ សម្ភារ ឧបនាយករដ្ឋមន្ត្រីក្រសួងមហាផ្ទៃ ទៅប្រគល់ជូនរដ្ឋបាលខេត្តពោធិ៍សាត់ ដើម្បីឧបត្ថម្ភគាំទ្រដល់បេសកកម្មរុករកឧទ្ធម្ភាគចក្រដែលបានបាត់.! (គេហទំព័រ ប៉ោយប៉ែត ប៉ុស្តិ៍)
រដូវភ្លៀងធ្លាក់ជោកជាំ បង្កអោយផ្លូវមួយខ្សែរងការខូចខាត់ ប្រជាពលរដ្ឋលំបាកធ្វើដំណើតឆ្លងកាត់ ឯកឧត្តមបណ្ឌិត ប៉ាន់ ខែមប៊ុនថន នាំយកគ្រឿងចក្រ៦ទៅ៧គ្រឿង ឈូសឆាយសម្រួលផ្លូវនេះឡើងវិញ!!! (គេហទំព័រ ប៉ោយប៉ែត ប៉ុស្តិ៍)
លោក សូ សុធាន អនុប្រធាន ស.ស.យ.ក. ខេត្តបន្ទាយមានជ័យ ជាតំណាងលោក កែ សួន សុភាព នាំយកទេយ្យទាន គ្រឿងបរិក្ខារ និងបច្ច័យឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី ស សុខា ប្រគេនដល់ព្រះសង្ឃនៅវត្តសមាធិគិរីខ្លែងពណ៌ (គេហទំព័រ ប៉ោយប៉ែត ប៉ុស្តិ៍)
លោកបណ្ឌិត ទូច វណ្ណៈ ប្រធានក្រុមការងារចុះជួយ ស.ស.យ.ក. ស្រុកមេសាង និងលោក ហ៊ន សុផាត ប្រធាន ស.ស.យ.ក. ស្រុកមេសាង ព្រមទាំងក្រុមការងារ បាននាំយកទៀនព្រះវស្សា និងទេយ្យទានរបស់ឯកឧត្តមអភិសន្តិបណ្ឌិត ស សុខា អនុប្រធាន ស.ស.យ.ក. ទទួលបន្ទុកខេត្តព្រៃវែង (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា