បទល្មើសនេសាទកើតក្នុងផ្ទៃបឹងទន្លេសាបក្នុងឃុំផាត់សណ្តាយ ប្រភេទឡុករបាំងរាប់រយខ្សែរប្រវែងរាប់រយម៉ែត្រ នឹងមានថៅកែឈ្មោះ ភ័ណ ភាព ដែលជាថាៅកែបទល្មើសដាក់យកត្រីនឹងមានម្ចាស់ឡុកជាច្រើននាក់ទៀតដែលមិនស្គាល់ឈ្មោះ ជំនាញពាក់ពន្ធ័នៅទីនោះបែរជាមិនបង្រ្កាប ចាប់ពីថ្នាក់មូលរដ្ឋានរហូតដល់ថ្នាក់ស្រុក.!!!
ខេត្តកំពង់ធំ៖ បទល្មើសនេសាទដាក់ចាប់ត្រីខុសច្បាប់នៅតែបន្តកើតឡើងយ៉ាងគគ្លើន នៅផ្ទៃបឹងទន្លេសាប បើទោះបីថ្នាក់លើបានបញ្ជាអោយរឹតបន្តឹងយ៉ាងណាក៏ដោយ ក៏មិនចេះចប់ដែរនាពេលបច្ចុប្បន្ននេះ។ បើយោងប្រភពពីប្រជានេសាទ តូចតាចលក្ខណៈគ្រួសារបានអោយសារព័ត៌មានដឹងថា សព្វថ្ងៃនេះនៅក្នុង ភូមិ ផាត់សណ្តាយ ឃុំផាតសណ្តាយ ស្រុក កំពង់ស្វាយ ខេត្តកំពង់ធំ កំពុងមានបទល្មើស នេសាទ ខុសច្បាប់ដាក់ឧបករណ៍ចាប់ត្រីទាំងតូចធំ ជាប្រភេទឡុករបាំងរាប់រយខ្សែរដែលមានប្រវែងរាប់រយម៉ែត្រ ពិតជាមានពិតប្រាកដមេន បន្ទាប់ពីក្រុមសារព័ត៌មានយើងខ្ញុំជាច្រើនអង្គភាពចុះទៅដល់ទីតាំង និងបានថតផ្តិតយករូបភាពជាក់ស្តែង ស្ថិតក្នុងភូមិ ផាត់សណ្តាយ ឃុំ ផាត់សណ្តាយ ឃើញមានដាក់ឧបករណ៍ចាប់ត្រីខុសច្បាប់យ៉ាងអាណាធិបតេយ្យ តែពុំឃើញមានមន្ត្រីជំនាញពាក់ពន្ធ័ ចាប់ពីមូលរហូតរហូលដល់ស្រុកខេត្ត បែជាមិនបង្ក្រាបសោះ បើទោះបីមានបទល្មើសជាក់ស្តែងយ៉ាងនេះហើយ ឬមួយក៏អស់លោក បានទទួលលាភសក្ការៈ ពីក្រុមថៅកែនេសាទខុសច្បាប់អស់ហើយទេដឹង។
ប្រភពពីប្រជានេសាទលក្ខណៈគ្រួសារ
បានលើកឡើង និងរិះគន់ថា បើមិនមានការបើកដៃពីសំណាក់ អាជ្ញាធរ និងមន្ត្រីជំនាញជល់ផល ក្នុងមូលរដ្ឋាន បើកអោយរកទេ ក៏មិនអាចកើតមានឡើងពេញលើផ្ទៃបឹងទន្លេ សាបដែរ។
ជាក់ស្តែងកម្មករចំនួនពីរនាក់សុំមិនបញ្ចេញឈ្មោះ បានរៀបរាប់ប្រាប់ក្រុមអ្នកសារព័ត៌មានអោយដឹងថា៖ ខ្លួនបានមកសុីឈ្នួលមើលថែនឹងយាម ឡុកអោយ ថៅកែ ឈ្មោះ ភ័ណ ភាព ! រស់នៅភូមិឃុំខាងលើនេះ ហើយពួកគាត់ មានឧបករណ៍ ដាក់ចាប់យកត្រីតូចធំ ជាប្រភេទឡុករបាំង ចំនួនប្រាំមួយខ្សែរ ដែលមានប្រវែងគីឡូម៉ែត្រឯណ្ណោះ.! ហើយនៅចំណុចនេះក៏នៅមានថៅកែជាច្រើននាក់ទៀតដែលដាក់ឧបករណ៍ចាប់យកត្រីដូចគ្នា មិនក្រោមពី១០ឡុកនោះទេ។
ពួកគាត់បានបន្តទៀតថា កន្លងមកបានឃើញមន្ត្រីជំនាញបានចុះមកមើលដែល តែអត់បានបង្រ្កាបនោះទេ ប្រហែលជាថៅកែរបស់ខ្ញុំគាត់ សម្រួលគ្នារួចហើយ ខ្ញុំក៏មិនអាចនិងនិយាយច្រើនលើសពីនេះបានទេ។
ចំណែក ថៅកែ ឡុកផ្សែងៗទៀតក៏បានរៀបរាប់ថា ខ្លួនពិតជាល្មើសច្បាប់ពិតប្រាកដមែន តែដោយសារ ជីវភាពខ្វះខាត គឺចេះតែបិទភ្នែកបិទច្រមុះទៅ រីឯ អ្នកផ្សែងទៀតថាខ្លួនដាក់នេះបានបង់ប្រាក់អោយគ្រប់ជំនាញអស់ហើយ ទើបពួកខ្ញុំដាក់បាន។
ជុំវិញបទល្មើសនេសាទដែលបានកើតឡើងនៅក្នុងស្រុកកំពង់ស្វាយ ភូមិ ផាត់សណ្តាយ ឃុំ ផាត់សណ្តាយ បណ្តាញសារព័ត៌មានជាច្រើនអង្គភាព នៅមិនអាចធ្វើការទំនាក់ទំនង ទៅនិងអាជ្ញាធរមន្ត្រីជំនាញក្នុងមូលរដ្ឋានបាននៅឡើយទេ ដោយពុំស្គាល់លេខទូរស័ព្ទ។
នាព្រឹកថ្ងៃទី១១ ខែមករា ឆ្នាំ២០២៣ វេលា ម៉ោង០៩នឹង១៩នាទីព្រឹក បណ្តាញសារព័ត៌មានយើងខ្ញុំបានបន្តធ្វើការទំនាក់ទំនង តភ្ជាប់ជាមួយនិង ឯកឧត្តម ងួន រតនៈ អភិបាលនៃគណៈអភិបាលខេត្តកំពង់ធំ ដើម្បីសុំធ្វើបទសម្ភាសន៍ ជុំវិញបទល្មើសនេសាទដែលកើតមានខាងលើ តែគួរអោយសោកស្តាយ ខលចូលចំនួនពីរដងដែរ តែពុំមានអ្នកទទួលទូរស័ព្ទនោះទេ។
ប្រជានេសាទជាលក្ខណៈគ្រួសារ សូម សំណូមពរ ឯកឧត្តម ងួន រតនៈអភិបាលខេត្តកំពង់ធំ នឹងមន្ត្រីជំនាញពាក់ពន្ធ័ទាំងអស់ គួរតែចុះត្រួតពិនិត្យបទល្មើសនេសាទដែលកំពុងតែកើតមាននៅក្នុងផ្ទៃបឹងទន្លេសាប ក្នុងភូមិ ផាត់សណ្តាយ ឃុំ ផាត់សណ្តាយ នេះផងទាន ព្រោះក្រុមថៅកែរទាំងនោះ បាននឹងកំពុងប្រើទឹកប្រាក់ក្រោមតុ លើតុ ជូនមន្ត្រីជំនាញក្នុងមូលដ្ឋានអស់ហើយ គឺដើម្បីជួយបិទបាំង ទង្វើរបស់ខ្លួន ដែលកំពុងដាក់ ឧបករណ៍នេសាទ ល្មើសនិងច្បាប់។
ទោះជាយ៉ាងណា.! អង្គភាពយើងខ្ញុំចុះផ្សាយទៅនេះ រិះគន់ក្នុងន័យស្ថាបនា មិនបង្អាប់បង្អោន ឬជាន់ពន្លិចអោយបុគ្គលណាម្នាក់រើសអើងឡើយ ហើយអង្គភាពយើងខ្ញុំរង់ចាំស្រាយបំភ្លឺឡើងវិញរៀងរាល់ម៉ោងធ្វើការ បើសាមីខ្លួនដែលជាប់ពាក់ព័ន្ធគិតថាមិនមានភាព សុក្រឹត និងយុត្តិធម៌ សម្រាប់ខ្លួនទេនោះ៕
