ខេត្តឧត្តរមានជ័យ៖ ក្រោយពីស្ងាត់មួយរយៈរឿងក្រុមឈ្មួញដឹកជញ្ជួានបទល្មើសផលអនុផលព្រៃឈើជាប្រភេទធ្យូងឆ្លងដែនខុសច្បាប់នោះ ពេលនេះចាប់ផ្ដើមកក្រើកឡើងវិញខណ: លោក រ៉ែម ផល្លាវី ប្រធានស្នាក់ការច្រកទ្វារព្រំដែនអន្តរជាតិជាំ ហ៊ានបើកដៃអោយមេឈ្មួញឈ្មោះ (តាស្បូវ) ដឹកឆ្លងកាត់ទៅលក់ក្នុងទឹកដីប្រទេសថៃជារាងរាល់ថ្ងៃ។ បើយោងតាមប្រភពពីប្រជាពលរដ្ឋបានអោយដឹងថាមេខ្លោងឈ្មោះ យន្ត័ ជា បានប្រមូលទិញធ្យូងតាម(ឡ)យកទៅអោយ ឈ្មោះតាស្បូវ ជាឪពុករបស់ខ្លួន ដែលជាមេឈ្មួញដឹកធ្យូងឆ្លងដែនតាមច្រកទ្វារអន្តរជាតិជាំ យកទៅលក់ក្នុងទឹកដីថៃ ក្នុងមួយថ្ងៃបីជើង ដោយមានការត្រូវរ៉ូវពីសំណាក់មន្រ្តីឈរជើងតាមមាត់ច្រក។ ជាពិសេសគឺ លោក រ៉ែម ផល្លាវី ប្រធានស្នាក់ការច្រកទ្វារអន្តរជាតិជាំ(ដូចពាក្យចាស់ពោលថា ខ្មោចស្រុក មិនអោយដៃខ្មោចព្រៃក៏មិនហ៊ានដែរ)។ មហាជនដាក់ការសង្ស័យថា លោក រ៉ែម ផល្លាវី ប្រធានស្នាក់ការច្រកទ្វាអន្តរជាតិអាចហ្នឹងទទួលលាភសក្ការៈពីមេឈ្មួញឧក្រិដ្ឋកម្មដឹកជញ្ជួានផលអនុផលព្រៃឈើជាប្រភេទធ្យូងឆ្លងដែនឈ្មោះ (តាស្បូវ) យ៉ាងក្រាស់ក្រែងហើយមើលទៅ.! ទើបមេឈ្មួញរូបនេះចេញចូលតាមអំពើរចិត្ត។ ទោះជាប្រមុខរាជរដ្ឋាភិបាលប្រកាសយ៉ាងដាច់ខាត់មិនអោយមានការចរាចរណ៍បទល្មើសខុសច្បាប់ឆ្លងដែនបែរជាលោក រ៉ែម ផល្លាវី ប្រធានស្នាក់ច្រកទ្វារព្រំដែនអន្តរជាតិជាំ មិនក្រែងញញើត ឬធ្វើតាមគោលនយោបាយរាជរដ្ឋាភិបាលឡើយ។ សូមបញ្ជាក់ផងដែរថា៖ លោក រ៉ែម ផល្លាវីអតីតកាលជានាយករងសាលាខេត្តឧត្ដរមានជ័យ តែត្រូវបានផ្លាស់ប្ដូរតួនាទីតែងតាំងទៅជាប្រធានស្នាក់ការច្រកទ្វារអន្តរជាតិជាំ ស្រុកអន្លង់វែង មុខមាត់រីកដូចគ្រាប់ជី។ មហាជនស្នើរសុំដល់មន្ទីរអង្គភាពពាក់ពន្ធ័ក្នុងខេត្តឧត្តរមានជ័យ ជាពិសេស ឯកឧត្តម ប៉ែន កុសល្យ អភិបាលនៃគណ:អភិបាលខេត្តនិងជាគណ:បញ្ជាការឯកភាពខេត្តមេត្តាចាត់វិធានការដាក់កម្លាំងជំនាញចុះត្រួតពិនិត្យនិងធ្វើការបង្រ្កាបក្រុមមេខ្លោងឧក្រិដ្ឋកម្មដឹកជញ្ជូនផលអនុផលព្រៃឈើជាប្រភេទធ្យូងឆ្លងដែនខុសច្បាប់ឈ្មោះតាស្បូវ និងបក្ខពួកផងទាន.! ព្រោះមន្រ្តីឈរជើងតាមមាត់ច្រកនិងលោក រ៉ែម ផល្លាវី ប្រធានស្នាក់ការច្រកទ្វារអន្តរជាតិជាំ មិនចាត់ការ បង្ការ ទប់ស្កាត់និងបង្រ្កាបឡើយ។ សូមសម្ដេច មហាបវរធិបតី ហ៊ុន ម៉ាណែតប្រមុខរាជរដ្ឋាភិបាលអាណត្តិថ្មីបន្តវេន គួរដល់ពេលប្រើកណ្ដាប់ដៃដែកនៃអភិក្រមទាំង៥! ឆ្លុះកញ្ចាក់ ងូតទឹក ដុះក្អែល ព្យាបាលនិងវះកាត់មន្រ្តីមួយចំនួនហើយទាន.! ដែលកំពុងបណ្ដែរបណ្ដោយអោយក្រុមឈ្មួញដឹកជញ្ជូនផលអនុផលព្រៃឈើជាប្រភេទធ្យូង ឆ្លងដែនទៅលក់ក្រៅប្រទេស តាមច្រកទ្វារព្រំដែនអន្តរជាតិជាំ ស្រុកអន្លង់វែង ខេត្តឧត្ដរមានជ័យ មិនយូមិនឆាប់ព្រៃឈើតូចធំ និងត្រូវរាយអស់ជាក់ជាមិនខាន។ នៅថ្ងៃទី៥ ខែវិច្ឆិការ ឆ្នាំ២០២៣នេះក្រុមការងារយើងបានខលទៅលោក រ៉ែម ផល្លាវី ប្រធានស្នាក់ការច្រកទ្វាព្រំដែនអន្តរជាតិជាំដែរពាក់ពន្ធ័និងបទល្មើសធ្យូងឆ្លងដែនខុសច្បាប់ តែខលចូលជាប់រវល់រហូត។ រីឯប្រពន្ធលោកយន្ត័ ដែលត្រូវជាកូនមេឈ្មួញឈ្មោះតាស្បូវ បានបញ្ជាក់តាមទូរសព្ទ័ថា ឪពុកខ្លួនពិតជាបានដឹកធ្យូងតាមរថយន្តទៅលក់នៅឯប្រទេសថៃតាមច្រកទ្វារព្រំដែនអន្តរជាតិជាំពិតមែន តែពេលខ្លះដឹកស្បូវ ពេលខ្លះដឹកធ្យូង។ អង្គភាពយើងខ្ញុំផ្សព្វផ្សាយនេះទៅតាមវីជ្ជាជីវៈ គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់បុគ្គលស្ថាប័ន ឬអង្គភាពណាមួយឡើយ៕ ដោយ៖ សួន ចំណាប់ អ្នកយកព័ត៌មាន គេហទំព័រប៉ោយប៉ែតប៉ុស្តិ៍