ខេត្តព្រះវិហារ៖ កាលពីថ្ងៃ១ ខែធ្នូ ឆ្នាំ២០២៣ មានសេចក្តីរាយការណ៍មកអង្គភាពយើងខ្ញុំថា៖ មានបនល្បែងស៊ីសងជល់មាន់តាមកញ្ចាក់ទូរស្សន៍អនឡាញ មានទាំងឡូតូ និងយូគី ខុសច្បាប់ កំពុងបើកលេងយ៉ាងរលូន ដែលមានមេការឈ្មោះ វិចិត្រ ដើរដាក់ពង្រាយគ្រប់ជាច្រើនភូមិ.ស្រុក ខណ:មន្រ្តីអាជ្ញាធរមានសម្ថកិច្ចក្នុងមូលដ្ឋានរក្សាភាពស្ងៀមស្ងាត់,,, តើលោកវរសេនីយ៍ឯក ឃី ម៉េងឆែ អធិការស្រុកជាំក្សាន្ត និងលោកឧត្ដមសេនីយ៍ទោ សួស សុខដារា ស្នងការនគរបាលខេត្តព្រះវិហារ បានជ្រាបដែរឬទេ? ឬមួយក៏បានជ្រាបហើយធ្វើមិនដឹងមិនលឺ។ បើយោងតាមប្រភពពីពលរដ្ឋបានអោយដឹងថា៖ ទីតាំងល្បែងស៊ីសងជល់ល់មាន់តាមកញ្ចាក់ទូរទស្សន៍អនឡាញខុសច្បាប់មានដល់ទៅបួនទីតាំង៖ ទីតាំងទី១-ស្ថិតជិតរង្វង់មូលស្រអែម ភូមិស្រអែមខាងជើង ឃុំស្រអែម ស្រុកជាំក្សាន្ត។ ទីតាំងទី២-ស្ថិតនៅភូមិស្រអែមខាងកើត ឃុំកន្ទួត ស្រុកជាំក្សាន្ដ។ទីតាំងទី៣-ស្ថិតនៅភូមិអូរជុញ ឃុំទឹកក្រហមស្រុកជាំក្សាន្ត។ ទីតាំងទី៤-ផ្លូវបំបែកបន្ទាយកងពលលេខ៨ប្រហែលជិត៣ទៅ៤រយម៉ែត្រ។ ហើយទីតាំងនិមួយៗ កំពុងប្រមូលផ្ដុំដោយក្រុមអ្នកញៀនល្បែង ចូលលេងស្រែកហ៊ោរកញ្ជៀវ ដោយមិនក្រែងញញើតអាជ្ញាធរមានសម្ថតកិច្ចអនុវត្តច្បាប់ឡើយ រឺក៏ដូចដូចពាក្យចាស់ពោលថា៖ បើខ្មោចស្រុកមិនអោយដៃ ខ្មោចព្រៃក៏មិនហ៊ានដែរ។ ប្រជាពលរដ្ឋរស់នៅក្បែរនោះ មានការព្រួយបារម្ភ សុខទុក្ខ សុវត្ថិភាព គ្រួសារ ណាមួយទៀតភ័យខ្លាច កើតនូវអំពើចោរកម្ម និងបទល្មើសផ្សេងៗដូចជា: ចោរលួច ឆក់ ប្លន់ និងកើតអំពើហិង្សាជាដើម។ល។ ហេតុនេះហើយពួកគាត់បានលើកឡើងថា៖ឯណាទៅ ភូមិ.ឃុំ.មានសុវត្ថិភាពទាំង៧ចំណុច របស់រាជរដ្ឋាភិបាល ដែលបានកំណត់ និងដាក់ចេញអោយមន្ត្រីថ្នាក់ក្រោមជាតិ អនុវត្តទប់ស្កាត់ និងបង្ក្រាបរាល់បទល្មើសល្បែងសុីសង គ្រប់ប្រភេទ នៅក្នុងមូលដ្ឋានរបស់ខ្លួនកន្លងមកនោះ។ ប្រជាពលរដ្ឋសូមសំណូមពរទៅដល់ លោកឧត្ដមសេនីយ៍ទោ សួស សុខដារា ស្នងការនគរបាលខេត្តព្រះវិហារ និង ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ សូមមេត្តាចាត់កម្លាំងក្រោមឱវាទ ចុះត្រួតពិនិត្យទីតាំងជល់មាន់តាមកញ្ចក់ទូរទស្សន៍អនឡាញទាំង៤កន្លែងខាងលើផងទាន.! ដើម្បីធានាបាននូវភូមិឃុំមានសុវត្ថិភាព។ សូមរំលឹកផងដែរថា៖ កន្លងមកមកក្រុមការងារយើងបានរាយការណ៍ជូនលោកវរសេនីយ៍ឯក ឃី ម៉េងឆែ អធិការស្រុកជាំក្សាន្ត តាមប្រពន្ធ័ទូរសព្ទ័ដែរ ពាក់ពន្ធ័ទៅនឹងទីតាំងជល់មាន់អនឡាញ ហើយលោកបានបញ្ជាក់ថា លោកធ្លាប់បានហៅម្ចាស់ទីតាំងមកអប់រំណែនាំម្ដងរួចមកហើយ,,, រីឯទីតាំងឡូតូគឺមានអាជ្ញាប័ណ្ណ លោកមិនហ៊ានប៉ះពាល់នោះទេ៕ ដោយ: សួន ចំណាប់ គេហទំព័រ ប៉ោយប៉ែតប៉ុស្តិ៍