ខេត្តកណ្តាល៖ នាថ្ងៃទី២៩ ខែមករា ឆ្នាំ២០២៣ វេលាម៉ោង ១៤និង៥៥នាទី កម្លាំងជំនាញនាយកដ្ឋាន ដឹកនាំដោយ លោកឧ.ត្រី ខេង ម៉េងឈាង និងលោកឧ.ត្រី កែវ រ៉េតមុន្នី អនុប្រធាន នាយកដ្ឋាន សហការ ជាមួយកម្លាំងជំនាញស្នងការដ្ឋាននគរបាល ខេត្តកោះកុង.ស្នងការដ្ឋាននគរបាល.ខេត្ត កណ្តាល.ស្នងការដ្ឋាន នគរបាល.ខេត្ត ព្រៃវែង.បានធ្វេីការបង្រ្កាប និងឃាត់ខ្លួនជនសង្ស័យឈ្មោះ ផន ចាន់ រ៉ា (ហៅ លៀន ) ភេទប្រុស អាយុ ២២ ឆ្នាំ នៅត្រង់ចំណុចភូមិដេីមអំពិល ឃុំកំពង់ភ្នំ ស្រុកលេីកដែក ខេត្ត កណ្តាល ពាក់ ព័ន្ធ ករណី ឃាតកម្ម (ចាក់សម្លាប់មនុស្ស) បណ្តាលអោយជនរងគ្រោះឈ្មោះ ឡាយ សុធារិទ្ធ ភេទប្រុស អាយុ១៨ឆ្នាំ មានទីលំនៅភូមិជីមាល ឃុំអណ្ដូងទឹក ស្រុកបូទុមសាគរ ខេត្តកោះកុង បណ្តាលអោយស្លាប់ ក្រោយបញ្ជូនទៅសង្គ្រោះនៅមណ្ឌលសុខភាពអណ្ដូងទឹក។ ប្រតិបត្តិការនេះធ្វើឡើងក្រោមការបញ្ជាពី ឯកឧត្តម នាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ. អគ្គស្នងការរងទទួលផែន.ប្រធាននាយកដ្ឋានកណ្ដាលនគរបាលយុត្តិធម៌ និងឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ។ គួររំលឹកថា នៅថ្ងៃទី២៧ ខែមករា ឆ្នាំ២០២៣ វេលាម៉ោង ២២និង៣០នាទី ត្រង់ចំណុច ភូមិអណ្ដូងទឹក ស្រុកបូទុមសាគរ ខេត្តកោះកុង មា នករណី ឃាតកម្ម (ចាក់ សម្លាប់ មនុស្ស ) ដែលបង្កដោយជនសង្ស័យឈ្មោះ ផន ចាន់រ៉ា (ហៅ លៀន) ភេទប្រុស អាយុ២៣ ឆ្នាំ ជនជាតិខ្មែរ មុខរបរ ជាងសំណង់ ស្រុកកំណើត ភូមិមុន្នីសិលា ឃុំបន្ទាយចក្រី ស្រុកព្រះស្ដេច ខេត្តព្រៃវែង ទីលំនៅ បច្ចុប្បន្ន ភូមិអណ្ដូងទឹក ស្រុកបូទុមសាគរ ខេត្តកោះកុង ដោយបានយកវត្ថុរឹងមុតស្រួចចាក់សម្លាប់លេីជនរងគ្រោះឈ្មោះ ឡាយ សុធារិទ្ធ ភេទប្រុសអាយុ១៨ឆ្នាំ ត្រង់ចំណុចចន្លោះស្លាបប្រចៀវខាងស្តាំ បណ្ដាលអោយស្លាប់ ក្រោយបញ្ជូនទៅសង្គ្រោះនៅមណ្ឌលសុខភាពអណ្ដូងទឹក។ បច្ចុប្បន្ន: ជនសង្ស័យខាងលេីបាននាំមកកាន់ នាយកដ្ឋាន ដេីម្បីប្រគល់ជូន ស្នងការដ្ឋាន នគរបាល ខេត្តកោះកុង ចាត់ការតាមច្បាប់៕