ព្រៃអភិរក្សសត្វព្រៃគូលែនព្រម្មទេពនៅចំណុចអូរអំបិល ភូមិអូតាម៉េង ឃុំអន្លង់វែង ត្រូវបានរលាយជាបណ្ដើរៗហើយដោយមានមន្ត្រីខិលខិតមួយក្ដាបតូចបើកដៃអោយចូលទៅបំផ្លិចបំផ្លាញ.!!!
ខេត្តឧត្ដរមានជ័យ៖ នាថ្ងៃទី៣០ ខែមករា ឆ្នាំ២០២៣នេះ ក្រោយពីមានសេចក្ដីរាយការណ៍ពីពលរដ្ឋថាព្រៃអភិរក្សសត្វព្រៃគូលែនព្រហ្មទេព ត្រូវបានជនខិលខូលមួយក្ដាបតូចឃុបឃិតត្រូវរ៉ូវជាមួយមន្រ្តីអភិរក្សដែលឈជើងនៅទីនោះប្រព្រឹត្តបទល្មើសចូលកាប់អាជ្រៀកឈើយ៉ាងអនាធិបតេយ្យ ដោយមិនក្រោយក្រែងញញើតច្បាប់។
បើយោងតាមការការបញ្ជាក់ពីបុគ្គលឈ្មោះដូរ បានអះអាងថា ខ្លួនជាអ្នកស៊ីឈ្នួលអាជ្រៀកឈើទៅអោយឈ្មោះ ហ៊ារ ជាមន្រ្តីអភិរក្សសត្វព្រៃគូលែនព្រហ្មទេព ស្ថិតនៅចំណុចអូរអំបិល ភូមិអូតាម៉េង ឃុំអន្លង់វែង ស្រុកអន្លង់វែង ក្នុងមួយ១ម៉ែត្រគូបចំនួន៤០០០០០(សែសិបមុឺនរៀល) ហើយរូបគាត់និងបក្ខពួកបានធ្វើសកម្មភាពអាជ្រៀកឈើបានរយៈពេលពីថ្ងៃហើយ។
ប្រភពដដែលបានអះអាងបន្ថែមថា ការអាជ្រៀកឈើនេះគឺលោក ហ៊ារ មន្រ្តីអភិរក្សសត្វព្រៃគូលែនជាអ្នកជួលរូបគាត់។
ហើយឈើទាំងនេះយកទៅធ្វើកន្លែងស្នាក់ការឫប៉មសម្រាប់ឈើមើលព្រៃនិងសត្វ!ម្យ៉ាងទៀតក្នុងការអាជ្រៀកឈើគឺថ្នាក់លើនិងប្រធានអង្គការគ្រប់ព្រៃឈើគូលែនព្រហ្មទេពបានដឹងលឺទាំងអស់។
នៅថ្ងៃខែដដែលក្រុមការងារយើងក៏បានខលទៅលោក ហ៊ារ មន្រ្តីអភិរក្សសត្វព្រៃគូលែនព្រហ្មទេព ដែលប្រចាំការនៅទីនោះ តែខលទៅជាប់រវល់ជានិច្ច។
ជុំវិញករណីខាងលើបើសារមុីខ្លួនពាក់ពន្ធ័ចង់បកស្រាយបំភ្លឺអង្គភាពយើងរងចាំជានិច្ចរាល់ម៉ោងធ្វើការ៕
ដោយ៖ សួន ចំណាប់ ប៉ោយប៉ែត ប៉ុស្តិ៍
