ខេត្តបន្ទាយមានជ័យ៖ នាព្រឹកថ្ងៃច័ន្ទ ៨រោច ខែមាឃ ឆ្នាំខាល ចត្វាស័កពុទ្ធសករាជ២៥៦៦ ត្រូវនឹងថ្ងៃទី១៣ ខែកុម្ភៈ ឆ្នាំ២០២៣ វេលាម៉ោង០៦និង១០នាទីព្រឹក មានករណីអគីភ័យឆាបឆេះនៅចំណុចមុខ សណ្ឋាគាអូរមាស បែកខាងត្បូង នៅបណ្តោយផ្លូវជាតិលេខ៥ ស្ថិតក្នុងភូមិអូរជ្រៅ សង្កាត់អូរជ្រៅ ក្រុងប៉ោយប៉ែត ក៏ឃើញមានវត្តមាន ឯកឧត្ដម អ៊ុំ រាត្រី អភិបាលខេត្តដឹកនាំកម្លាំងបញ្ជាផ្ទាល់ លោក គាត ហ៊ុល អភិបាលក្រុង.លោក សៅ សារឿន អធិការក្រុងប៉ោយប៉ែត រួមនិងកម្លាំងសហការចម្រុះចុះជួយអន្តរាគមន៍ពន្លត់ភ្លើងឆេះនោះភ្លាមៗផងងដែរ។ បើយោងតាមរបាយការណ៍ពីសមត្ថកិច្ចបានអោយដឹងថា ភ្លើងដែលបានឆេះផ្ទះពលរដ្ឋរងការខួចខាតចំនួន ៥ល្វែង រួមមាន៖ ១-ហាងម៉ាត BPA 24h មួយល្វែង ម្ចាស់ផ្ទះឈ្មោះ យ៉ាំ សីវលីន ភេទស្រី អាយុ ៣៣ឆ្នាំ (ខួចខាតផ្ទះមួយកំណាត់ខាងក្រោយ)។ ២-ហាងលក់សំបកកង់រថយន្ត ស៊ីណាត ម្ចាស់ផ្ទះឈ្មោះ អ៊ុង ស៊ីមាណាត ភេទប្រុស អាយុ ៣៦ឆ្នាំ (ខួចខាងផ្ទះទាំងស្រុង)។ ៣-ហាង លី សៀងផេង លក់សំភារៈគ្រឿងអគ្គិសនី ម្ចាស់ផ្ទះឈ្មោះ លី សៀងផេង ភេទប្រុស អាយុ ៣៨ឆ្នាំ (ផ្ទះខួចខាតទាំងស្រុង)។ ៤-ហាង ទ្រី ស្រីពៅ លក់គ្រឿងអេឡិចត្រូនិច ម្ចាស់ផ្ទះឈ្មោះ សារ៉ាយ ទី ភេទប្រុស អាយុ ៣១ឆ្នាំ (ការខូចខាតក្តាប់មិនទាន់បាន)។ ៥- ហាង អិន ធី ស៊ី កំទ្យូទ័រ មម្ចាស់ផ្ទះឈ្មោះ ឈី សូវៀត ភេទប្រុស អាយុ ៤១ឆ្នាំ (ការខូចខាតក្តាប់មិនទាន់បាន) ក្នុងកិច្ចសហប្រតិបត្តិការនេះកម្លាំងចូលរួមអន្តរាគមន៍រួមមាន៖ -កម្លាំងរបស់ស្នងការដ្ឋានខេត្តបន្ទាយមានជ័យចំនួន ៣៩៨ នាក់។ -កម្លាំងរដ្ឋបាលក្រុងប៉ោយប៉ែតចំនួន ៤២នាក់ -កម្លាំងរដ្ឋបាលសង្កាត់ប៉ោយប៉ែត ១៥នាក់។ -កម្លាំងរដ្ឋបាលសង្កាត់អូរជ្រៅចំនួន ២១នាក់។ -កម្លាំងអធិការដ្ឋាននគរបាលក្រុងប៉ោយប៉ែតចំនួន ១២០នាក់។ -កម្លាំងវីរ:ការពារព្រំដែន ៨៩១ ចំនួន ១០០នាក់។ -កម្លាំងវីរ:ការពារព្រំដែន៩១១ ចំនួន ៩០នាក់។ -កម្លាំងអាវុធហត្ថក្រុង ៦៥នាក់។ -កម្លាំងកងពលលេខ៥១ ចំនួន ៦០នាក់។ -កម្លាំងសឹករងក្រុង ៣២នាក់។ -កម្លាំងជួយអន្តរាគមន៍របស់អង្គភាពថៃចំនួន ៧១នាក់។ -កម្លាំងផ្សេងៗចំនួនប្រមាណ ១០០នាក់។ ដោយប្រើប្រាស់រថយន្តពន្លត់អគ្គីភ័យ និងរថយន្តសង្គ្រោះរួមមាន៖ -រថយន្តពន្លត់អគ្គីភ័យរបស់ស្នងការដ្ឋានខេត្តបន្ទាយមានជ័យ ១១គ្រឿង រថយន្ត១គ្រឿង ប្រើកម្លាំង ៨នាក់ សរុប ៨៨នាក់។ -ឡានទឹកសាលាក្រុងចំនួន ០១គ្រឿង -ឡានទឹករបស់ក្រុមហ៊ុន កាស៊ីណូ ត្រូពីកាណា ចំនួន ០២គ្រឿង -ឡានទឹកក្រុមហ៊ុន កាស៊ីណូ ហ្គ្រេនដាយម៉ិន ចំនួន ០១គ្រឿង។ ក្នុងហេតុការណ៍នោះផងដែរក៏មានការចូលរួម អន្តរាគមន៍ពីអាជ្ញាធរភាគីថៃ និងបានបញ្ជូនរថយន្តពន្លត់អគ្គីភ័យចំនួន ៩គ្រឿង បូករួមនិងរថយន្តចាំសង្គ្រោះបន្ទាន់ ២៤ គ្រឿង។ សរុបកម្លាំងរួមដែលជួយអន្តរាគមន៍ចំនួន ១១១៤ នាក់។ រីឯកម្លាំងកងពលលេខ៥១ រងរបួសស្រាលចំនួន ១នាក់ ក្នុងពេលជួយអន្តរាគមន៍ពន្លត់អគ្គីភ័យខាងលើ។ ចំពោះព័ត៌មានបឋម:ខាងលើនេះ គិតត្រឹមម៉ោង១០និង២៤នាទីនាព្រឹក ថ្ងៃខែឆ្នាំដដែល ទើបភ្លើងរលត់ទាំងស្រុង សូមរងចាំតាមដានទស្សនាព័ត៌មានលម្អិតនូវវគ្គបន្ត នាពេលក្រោយពីអង្គភាព ប៉ោយប៉ែត ប៉ុស្តិ៍ សូមអរគុណ៕