តើល្បែងស៊ីសងជល់មាន់តាមប្រព័ន្ធអនឡាញនៅក្នុងភូមិស្ទឹងជ្រៅ សង្កាត់ដើមមៀន ក្រុងតាខ្មៅ សមត្ថកិច្ចមូលដ្ឋានជ្រាបហើយឬនៅ.???
ក្រុងតាខ្មៅ៖ បើយោងប្រភពរាយការណ៍ពីប្រជាពលរដ្ឋនិងបានផ្ដល់រូបភាពជាច្រើនសន្លឹកមកកាន់អង្គភាពយើងខ្ញុំអោយដឹងថា មានទីតាំងល្បែងស៊ីសងជល់មាន់តាមទូរទស្សន៍អនឡាញនៅក្នុងផ្ទះវីឡាមួយកន្លែងកំពុងបើកលេងលក្ខណៈទ្រង់ទ្រាយធំ ភ្នាល់ដាក់លុយក្នុងមួយគូរៗរាប់លានរៀល តែមកដល់ថ្ងៃទី២០ ខែកុម្ភៈ ឆ្នាំ២០២៣នេះ មិនទាន់ឃើញកម្លាំងអាជ្ញាធរមត្ថកិច្ចក្នុងមូលដ្ឋានចុះបង្ក្រាបនៅឡើយទេ។
ប្រភពបានបញ្ជាក់ថា៖ ទីតាំងដែលកំពុងបើកលេងក្នុងផ្ទះវីឡា គឺម្ចាស់ផ្ទះនោះរត់ការបានយ៉ាងល្អ ហើយផ្ទះនោះគឺស្ថិតនៅក្នុងភូមិស្ទឹងជ្រៅ សង្កាត់ដើមមៀន ក្រុងតាខ្មៅ ខេត្តកណ្ដាល។
ប្រភពពីប្រជាពលរដ្ឋបន្ថែមថា៖ រីឯក្រុមអ្នកដែលចូលមកលេងល្បែងស៊ីសងជល់មាន់តាមទូរទស្សន៍អនឡាញនៅក្នុងផ្ទះវីឡាមួយកន្លែងនោះជិះរថយន្តសុទ្ធតែស៊េរីទំនើប (ស្លាកលេខ ខ.ម)។
អាស្រ័យហេតុដូច្នេះ ប្រជាពលរដ្ឋរស់នៅភូមិឃុំខាងលើ សូមសំណូមពរទៅដល់អាជ្ញាធរសមត្ថកិច្ចជំនាញពាក់ព័ន្ធក្នុងមូលដ្ឋាន និងជាពិសេសសូមលោកស្នងការខេត្តកណ្ដាល ដឹកនាំកម្លាំងចុះត្រួតពិនិត្យបង្ការទប់ស្កាត់និងបង្ក្រាប់ទីតាំងល្បែងស៊ីសងនៅក្នុងផ្ទះវីឡាមួយកន្លែងនេះផងទាន.! ព្រោះម្ចាស់ផ្ទះនោះកំពុងសប្បាយកើបលុយពីក្រុមអ្នកញៀនភ្នាល់ល្បែងស៊ីសង ដែលហ៊ានផ្គើនទៅនិងបទបញ្ជារប្រសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន យ៉ាងគគ្លើន ដែលមានខ្លឹមសារថា៖ កម្ពុជា មិនត្រូវរាប់បញ្ចូលល្បែងស៊ីសងគ្រប់ប្រភេទជាសេដ្ឋកិច្ចនោះទេ ផ្ទុយមកវិញវាមិនអាចកាត់បន្ថយភាពក្រីក្ររបស់ប្រជាពលរដ្ឋបានទេ រាល់ម្ចាស់អាជីកម្មទាំងឡាយណា នៅតែហ៊ានលួចបើកល្បែងស៊ីសង និងផ្តល់ទីតាំងអោយប្រព្រឹត្តលេងល្បែងស៊ីសង ម្ចាស់នោះនឹងប្រឈមមុខក្នុងការបិទអាជីវកម្មរបស់ខ្លួនជារៀងរហូត...៕
