កម្លាំងកងរាជអាវុធហត្ថខេត្តកំពង់ធំបង្ក្រាបរថយន្តសាំយ៉ុងដឹកឈើឈ្មោះ ម៉ៅ បាន១គ្រឿង និងដកហូតឈើទាំងនោះទៅផ្នែករដ្ឋបាលព្រៃឈើស្ទោង.!!!
ខេត្តកំពង់ធំ៖ កាលពីថ្ងៃទី១៩ ខែកុម្ភៈ ឆ្នាំ២០២៣ រថយន្តម៉ាកសាំយ៉ុងមួយគ្រឿងកំពុងដឹកជញ្ជូនឈើខុសច្បាប់ពេញប្រៀប ដឹកចេញពីភូមិពោធិ ឃុំពោធិ ស្រុកត្បែងមានជ័យ ខេត្តព្រះវិហារ ឆ្ពោះមកកាន់ខេត្តកំពង់ធំ តែត្រូវបានកម្លាំងកងរាជអាវុធហត្ថខេត្តបង្ក្រាបបាន និងដកហូតឈើទាំងនោះ នាវេលាម៉ោង ១១និង០០នាទី នៅចំណុចភូមិថ្នល់បំបែក ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ។
ប្រតិបត្តិការនេះធ្វើឡើងក្រោមបទបញ្ជាលោក សាយ វាសនា ព្រះរាជអាជ្ញារងអមសាលាដំបូងខេត្តកំពង់ធំ បញ្ជាអោយសមត្ថកិច្ចកងរាជអាវុធហត្ថខេត្តធ្វើការឃាត់ទុក និងបញ្ជូនទៅផ្នែករដ្ឋបាលព្រៃឈើស្ទោង ដើម្បីចាត់ការតាមនីតិវិធីច្បាប់។
រថយន្តនោះពាក់ស្លាកលេខ ភ្នំពេញ 2j-0290 បើកបរដោយបុរសម្នាក់ឈ្មោះ ម៉ៅ និងស្ត្រីម្នាក់ទៀតមិនស្គាល់ឈ្មោះ។
បច្ចុប្បន្ននេះ ជាទូទៅមហាជនសង្កេតឃើញថា បទល្មើសដឹកជញ្ជូនឈើនៅតាមដងផ្លូវក្នុងខេត្តព្រះវិហារ ឆ្លងកាត់ខេត្តកំពង់ធំ តាមផ្លូវជាតិលេខ៦២ ហាក់មានសកម្មភាពផុលផុស ដោយឈ្មួញបានធ្វើការដឹកឈើតាមមធ្យោបាយរថយន្តសាំងយ៉ុង និងរថយន្តកែឆ្នៃ រថយន្តស៊ីណា រថយន្ត ធុនត្រា ដឹកទាំងថ្ងៃ ទាំងយប់ ដឹកដោយចំហរខ្លះ និងឈ្មួញខ្លះទៀតដឹកមានការបិទបាំង។ កត្តាដែលឈ្មួញអាចដឹកជញ្ជូនឈើដោយរលូនបែបនេះ មហាជនគ្របើមជ្ឈដ្ឋានដាក់ការសង្ស័យថា ទាល់តែតែមានការត្រូវរ៉ូវគ្នាជាមួយសមត្ថកិច្ចជំនាញពាក់ព័ន្ធដែរឈរជើងនៅតានមដងផ្លូវអស់ហើយ ទើបក្រុមឈ្មួញអាចដឹកជញ្ជូនឈើទាំងនោះនៅលើដងងផ្លូវជាតិលេខ ៦២ បាន ព្រោះស្នាក់ការត្រួតពិនិត្យរបស់ជំនាញមានច្រើនហូរហែរមកជាប់ព្រំប្រទល់ខេត្តកំពុងធំ៕
