កម្លាំងអាជ្ញាធរជាតិអប្សរាមកពី០៨នាយកដ្ឋានបានចុះមកដាំស្មៅ ដាំកូនឈើជាច្រើនប្រភេទនៅមុខប្រាសាទអង្គរ
ខេត្តសៀមរាប៖ ថ្ងៃ១៥ រោច ខែផល្គុន ឆ្នាំ ខាល ចត្វាស័ក ព. ស ២៥៦៦ ត្រូវនឹងថ្ងៃ អង្គារ ទី២១ ខែមីនា ឆ្នាំ២០២៣ វេលាម៉ោង ០៧និង៣៥នាទីព្រឹកម្លាំងអាជ្ញាធរជាតិអប្សរា មកពី ០៨នាយកដ្ឋាន បានចុះមកដាំស្មៅ ដាំកូនឈើមានដូចជា៖ ឈើ បេង, នាងនួន, គគីរ, ធ្នង់, កកោះ, ឈើ ទាល និង កូន ឈើ ជាច្រើនប្រភេទទៀត និង ធ្វើការថែទាំស្ថិតនៅចំណុច ច្រមុះជ្រូក ជិត បញ្ឈរលក់សំបុត្រ ប្រាសាទអង្គរ ក្នុងភូមិ ទក្សិណត្បូង សង្កាត់ ត្រពាំងសេះ ក្រុង/ខេត្ត សៀមរាប។
ក្រោយពីពលរដ្ឋដែលរស់នៅតំបន់អង្គរ បានស្ម័គ្រចិត្ត រុះរើ ប្តូរលំនៅឋាន ទៅកាន់ ភូមិ ធម្មជាតិ រុនតាឯក ក្នុងស្រុកបន្ទាយស្រី ខេត្ត សៀមរាប ។
បុគ្គលិកអាជ្ញាធរជាតិអប្សរាបានប្រាប់ភ្នាក់ងារសារព័ត៌មាន ប៉ោយប៉ែត ប៉ុស្តិ៍ ថា សកម្មភាពភាពកម្លាំងអប្សរាចុុះមកធ្វើការដាំកូនឈើនេះ ដើម្បីចូលរួម ថែរក្សា និង អភិរក្សឡើងវិញនូវព្រៃឈើធម្មជាតិ និង បរិស្ថានឲ្យកាន់តែស្រស់បំព្រង ក្នុងតំបន់រមណីយដ្ឋានអង្គរ និង តំបន់ដទៃៗទៀតដែលជាស្នាដៃ និង កេរ្តិ៍តំណែលដ៏មហាសាល មិនអាចកាត់ថ្លៃបាន ដែលមានកិត្តិនាម ខ្ទរខ្ទារក្នុងពិភពលោក។
ប្រភពដដែលបានបញ្ជាក់ទៀតថា ក៏ក្នុងគោលបំណងដើម្បី ចូលរួមទាក់ទាញ ភ្ញៀវជាតិ និង ភ្ញៀវអន្តរជាតិអោយចូលមកទស្សនាកម្សាន្តនៅ រមណីយដ្ឋានអង្គរ នៃ ខេត្តសៀមរាបយើងនេះអោយកាន់តែ
ទាក់ទាញច្រើនថែមទៀត...៕
