ភ្នំវែងស្ថិតនៅក្នុងស្រុកបន្ទាយអំពិលនិងត្រូវរលាយក្លាយជាវាលរាបជាក់ជាមិនខានក្រោយពីក្រុមហ៊ុន លឿត វឌ្ឍនៈខនស្រ្តាក់សិន ឯ.ក បានលិខិតមាសមួយសន្លឹកពីក្រសួងពាក់ពន្ធ័.!!!
ខេត្តឧត្ដរមានជ័យ៖ ពលរដ្ឋហូសចិត្តនិងសោកស្ដាយយ៉ាងខ្លាំងក្រោយពីបាត់បង់ភ្នំចង្រ្កានយក្សដែលជាកេរ្ត៍ដំណែរនិងជានិមិត្តរូបមួយជិតព្រំដែនខាន់ចែកស៊ីមាត្រូវបានបាត់រូបរាងនិងបាត់ឈ្មោះជាប្រវត្តិសាស្រ្តខ្មែរដោយសារតែក្រុមហ៊ុនមួយចំនួនចូលមកដេញថ្លៃវាយកម្ទិចបំផ្លិចបំផ្លាញអោយភ្នំមួយនេះរាបដល់ដីអស់ទៅហើយ។
រហូតមកដល់បច្ចុប្បន្ននេះគេសង្កេតឃើញថាអាជ្ញាធរនិងមន្ទីពាក់ពន្ធ័រ៉ែនិងថាមពលនិងមន្ទីរបរិស្ថានក្នុងខេត្តឧត្ដរមានជ័យកំពុងអង្គុយចាំមើលថាក្រុមហ៊ុន លឿត វឌ្ឍនៈ ខន ស្រ្តាក់សិន ឯ.ក របស់លោកឧកញ្ញាម្នាក់រស់នៅខេត្តបន្ទាយមានជ័យចូលមកដេញថ្លៃរត់អាជ្ញាប័ណ្ណទៅដល់ក្រសួងរ៉ែនិងថាមពលនិងក្រសួងបរិស្ថាននិងបានលិខិតមាសមួយសន្លឹកពីក្រសួងពាក់ពន្ធ័ទាំងនោះវាយកម្ទិចបំផ្លិចបំផ្លាញ បំផ្ទុះបំបែកភ្នំវែងស្ថិតនៅក្នុងភូមិ ចង្រ្កានយក្ស ឃុំប៉េង ស្រុកបន្ទាយអំពិល ខេត្តឧត្ដរមានជ័យដល់កម្រិតណា.? ហើយភ្នំវែងមួយនេះនិងបាត់ឈ្មោះមួយទៀតបន្ទាប់ពីភ្នំចង្រ្កានយក្ស។
ភាពវិនាសសកម្មនៃភ្នំវែងដែលជាសម្បត្តិរដ្ឋនិងជាកេរ្តិ៍ដំណែរដូនតាបន្សល់ទុកនៅពេលត្រូវបានក្រុមហ៊ុន លឿត វឌ្ឍនៈខន ស្រ្តាក់សិន ឯ.ក របស់លោកឧកញ្ញាម្នាក់រស់ខេត្តបន្ទាយមានជ័យលេបត្របាក់និងបំផ្ទុះបំបែកភ្នំធ្វើអាជីវកម្មលក់និងចរាចរណ៍នៅតាមដេប៉ូខេត្តឧត្ដរមានជ័យ និងខេត្តបន្ទាយមានជ័យព្រោះតែលិខិតអនុញ្ញាតមួយសន្លឹកដែលក្រសួងពាក់ពន្ធ័បានផ្ដល់ជូនក្រុមហ៊ុន លឿត វឌ្ឍនៈខន ស្រ្តាក់សិន ឯ.ក ។ រីឯលោក ភុន ឡែន ប្រធានមន្ទីររ៉ែ និងថាមពល និងលោកភួង លីណា ប្រធានមន្ទីរបរិស្ថានខេត្តឧត្ដរមានជ័យ ក៍ធ្លាប់បញ្ជាក់ប្រាប់សារព័ត៍មានដែរថាក្រុមហ៊ុនខាងលើមានច្បាប់ត្រឹមត្រូវ និងក្រសួងពាក់ពន្ធ័បានចេញអាជ្ញារប័ណ្ណអោយធ្វើអាជីវកម្មស្រប់ច្បាប់ក្នុងការបំផ្ទុះភ្នំនិងចរាចរណ៍លក់ដូរ។
ពលរដ្ឋក៍ដូចជាមហាជនមានការសោកស្ដាយចំពោះការបាត់បង់ភ្នំចង្រ្កានយក្សនិងភ្នំវែងដែលជាកេរ្តិ័ដំណែរដូនតាជាសម្បត្តិរដ្ឋធ្លាប់មានឈ្មោះហៅតកូនតចៅតែពេលនេះភ្នំដែលស្ថិតនៅភូមិចង្រ្កានយក្ស ឃុំប៉េង ស្រុកបន្ទាយអំពិល ខេត្តឧត្ដរមានជ័យ បានបាត់ឈ្មោះលែងមាននៅក្នុងដែនខាន់សីមាក្នុងភូមិភាគឧត្ដរទៀតហើយ ដោយសារតែលិខិតមាសមួយសន្លឹករបស់ឯកឧត្ដមស៊ុយ សែមរដ្ឋមន្រ្តីក្រសួងរ៉ែនិងថាមពលនិងឯកឧត្ដម សាយ សំអាល់ រដ្ឋមន្រ្តីក្រសួងបរិស្ថានជាអ្នកផ្ដល់អាជ្ញារប័ណ្ណជូនក្រុមហ៊ុន លឿត វឌ្ឍនៈ ខន ស្រ្តាក់ សិនឯ.កខេត្តឧត្ដរមានជ័យដើម្បីវាយបំបែកបំផ្ទុះភ្នំយកថ្មលក់។
នៅថ្ងៃទី២៥ ខែមីនា ឆ្នាំ២០២៣នេះក្រុមការងារយើងក៍បានសុំធ្វើបទសម្ភាសពីលោក ភុន ឡែន ប្រធានមន្ទីររ៉ែនិងថាមពលខេត្តឧត្ដរមានជ័យ តាមរយៈទូរសព្ទ័លោកបានបញ្ជាក់ថា ក្រុមហ៊ុន លឿត វឌ្ឍនៈ ខន ស្រ្តាក់សិន ឯ.ក ខេត្តឧត្ដរមានជ័យ គឺមានច្បាប់អាជីវកម្មគ្រប់គ្រាន់ហើយក្រសួងរ៉ែនិងថាមពលនិងក្រសួងបរិស្ថានជាអ្នកផ្ដល់អាជ្ញារប័ណ្ណជូនក្រុមហ៊ុន។ ហើយកាលពីថ្ងៃទី២៤ ខែមីនា ម្សិលមុិញនេះ លោក និងខាងក្រសួងបានចុះដល់ទីតាំងខាងលើឃើញថាគ្មានអ្វីប៉ះពាល់ខ្លាំងឡើយ ក្រុមហ៊ុនបានធ្វើតាមការណែនាំរបស់ក្រសួងយ៉ាងតិច៨០ភាគ និងបានបើកដំណើរការពីខែមករា ដល់ខែមីនាប៉ុណ្ណោះ។
ជុំវិញករណីខាងលើក្រុមការងារយើងរងចាំការបកស្រាយបំភ្លឺជូនសារមុីខ្លួនពាក់ពន្ធ័និងក្រុមហ៊ុនលឿតវឌ្ឍនៈខន ស្រ្តាក់ សិន ឯ.ក ខេត្តឧត្ដរមានជ័យជានិច្ចរាល់ម៉ោងធ្វើការ បើគិតថាមិនមានភាពប្រក្រតីលើសំណេរក្នុងអត្ថបទខាងលើ៕
ដោយ៖ សួន ចំណាប់ ប្រចាំខេត្តឧត្តរមានជ័យ
គេហទំព័រ ប៉ោយប៉ែត ប៉ុស្តិ៍
