ខេត្តឧត្ដរមានជ័យ៖ កាលពីកន្លងទៅថ្មីៗនេះប្រមុខរាជរដ្ឋាភិបាល បានដាស់តឿនដល់មន្រ្តីថ្នាក់ក្រោមជាតិ អោយយកទុកដាក់ក្នុងការបង្រ្កាបបទល្មើសល្បែងស៊ីសងខុសច្បាប់គ្រប់ប្រទេសទូរទាំងប្រទេសអោយខានតែបាន និងពង្រឹងសណ្ដាប់ធ្នាប់គោលនយោបាយភូមិឃុំសង្កាត់មានសុវត្ថិភាពទាំង៧ចំណុច តែបែរជាលោកវរសេនីយ៍ឯក ស៊ូ នូវ អធិការស្រុកអន្លង់វែង ធ្វើជាដេកលក់ ឬមួយលោកអធិការ មានភាគហ៊ុន ជាមួយក្រុមហ៊ុនឆ្នោតវៀតណាម ម៉ែនដែលឫទេ ទើបបានជាមិនឃើញដឹកនាំកម្លាំងចុះធ្វើការបង្កាទប់ស្កាត់ និងបង្រ្កាបសោះ។ សូមបញ្ជាក់ផងដែរថាកាលពីថ្ងៃទី១៨ ខែមីនា កន្លងទៅក្រុមសារព័ត៌មានយើងខ្ញុំបានរាយការណ៍ជូនលោកវរសេនីយ៍ឯក ស៊ូ នូវអធិការស្រុកអន្លង់វែងដែរ ពាក់ព័ន្ធទៅនិងទីតាំងកត់កន្ទុយលេខឆ្នោតវៀតណាម របស់ក្រុមហ៊ុន៩០០០ ដែលស្ថិតនៅជាប់ច្រកទ្វារព្រំដែនអន្តរជាតិជាំ ប្រហែល២០ម៉ែត្រ បង្កប់នៅកន្លែងលក់ចាបហួយ ក្នុងភូមិជាំ ឃុំត្រពាំងប្រិយ៍ ស្រុកអន្លង់វែង។ខណ:នោះដែរ លោកអធិការបានបញ្ជាក់ថា បានហៅសារមុីខ្លួន មកធ្វើកិច្ចសន្យាអប់រំ និងម្ដងថា បានបញ្ជូនទៅស្នងការដ្ឋាននគរបាលខេត្តឧត្ដរមានជ័យរួចហើយ។ ជាក់ស្ដែងនៅថ្ងៃទី២៥ ខែមីនា ឆ្នាំ២០២៣ គេបានប្រទះឃើញថា មេកត់ឆ្នោតកន្ទុយលេខវៀតណាមឡើងអោយក្រុមហ៊ុន៩០០០ នៅទីតាំងភូមិសាស្រ្តខាងលើបែជានូវប្រព្រឹត្តបានយ៉ាងរលូនដោយមិនញញើតនិងច្បាប់ ហើយគេមិនដឹងក្រុមហ៊ុន៩០០០ មានអំណាចឥទ្ធិពលប៉ុណ្ណានោះទេ.! បានជាអាជ្ញាធរមានសមត្ថកិច្ចជំនាញពាក់ពន្ធ័ ប្រចាំការនៅទីនោះ នាំគ្នារក្សាភាពស្ងៀមស្ងាត់ទៅវិញ។ យ៉ាងណាមុិញពលរដ្ឋក៏ដូចជាមហាជនដែលស្អប់ខ្ពើមល្បែងចាក់កន្ទុយលេខ សូមសំណូមពរទៅដល់ លោកឧត្ដមសេនីយ៍ទោ ហួត សុធី ស្នងការការនគរបាលខេត្ត និង លោកឧត្ដមសេនីយ៍ត្រី លី ដារិទ្ធ មេបញ្ជាការកងរាជអាវុធហត្ថខេត្តឧត្ដរមានជ័យ និងជាពិសេស ឯកឧត្ដម ប៉ែន កុសល្យ អភិបាលខេត្តឧត្ដរមានជ័យ សូមមេត្តាចាត់កម្លាំងដាក់ចុះបង្រ្កាបទីតាំងកត់ឆ្នោតវៀតណាមខុសច្បាប់របស់ក្រុមហ៊ុន៩០០០ខាងលើផងទាន.! បើពុំដូច្នោះទេ និងមានពលរដ្ឋខ្មែរជាច្រើនដែលកំពុងវីវក់ឈ្លួកវង្វេងនិងល្បែងមួយប្រភេទនេះ ក្លាយជាទាសកល្បែងស៊ីសងជាក់ជាមិនខាន។ ជុំវិញករណីខាងលើក្រុមការងារយើងមិនអាចសុំការបំភ្លឺបកស្រាយពីអ្នកគ្រប់គ្រង ល្បែងឆ្នោតកន្ទុយលេខវៀតណាមរបស់ក្រុមហ៊ុន៩០០០ បាននៅឡើយទេ៕ ដោយ: សួន ចំណាប់ ប្រចាំខេត្តឧត្ដរមានជ័យ គេហទំព័រ ប៉ោយប៉ែត ប៉ុស្តិ៍