ខេត្តឧត្ដរមានជ័យ៖ ក្រុមឈ្មួញតូចធំបានធ្វើសកម្មភាពដឹកជញ្ជូនធ្យូងដោយគ្មានច្បាប់អនុញ្ញាតដូចភ្លៀងរលឹមរីឯមន្រ្តីជំនាញពាក់ពន្ធ័ស្រុកខេត្តកំពុងត្រូវប៉ាន់ និងមានទឹកមាត់លេបសារជាថ្មីក្រោយពីក្រុមឈ្មួញទាំងនោះធ្វើការបង់លុយគ្រប់ជើង។ ជាក់ស្ដែងមួយរយៈនេះគេសង្កេតឃើញថាក្រុមឈ្មួញមមាញឹកធ្វើសកម្មភាពប្រមូលទិញធ្យូងគ្រប់តំបន់ក្នុងស្រុកត្រពាំងប្រាសាទ ស្រុកអន្លង់វែង និងស្រុកចុងកាល់ យ៉ាងសន្លឹកសន្ធាប់ ដឹកយ៉ាងអនាធិបតេយ្យដោយមិនញញើតច្បាប់ក៏ព្រោះតែមន្រ្តីជំនាញពាក់ពន្ធ័ស្រុកខេត្តមួយចំនួនដែលឈរជើងនៅតាមដងផ្លូវប្រហែលបានទទួលសំណែនសែនថ្វាយពីក្រុមរកស៊ីបទល្មើសហើយមើលទៅបានជាមិនចាត់វិធានការបង្រ្កាបដូច្នេះ។ បើយោងរាមប្រភពការអះអាងពីអ្នករកស៊ីដឹកជញ្ជូនបទល្មើសធ្យូងគ្មានច្បាប់អនុញ្ញាតម្នាក់បានបញ្ជាក់ប្រាប់អ្នកសារព័ត៌មានយើងថា ការដឹកជញ្ជូនធ្យូងតាមរថយន្តក្នុងមួយជើងបានបង់លុយជូនមន្រ្តីសម្ថតកិច្ចជំនាញពាកពន្ធ័នៅតាមដងផ្លូវអស់ចាប់ពី(១០០០០០)រៀលឡើងទៅ ក្នុងការ រត់ការផ្លូវដឹកជញ្ជូនធ្យូងដល់គោលដៅ។ ពាក់ព័ន្ធករណីដឹកជញ្ជូនធ្យូងខាងលើចាំមើលថា លោក អ៊ឹម សៅវរិទ្ធ នាយខណ្ឌរដ្ឋបាលព្រៃឈើប្រចាំខេត្តឧត្ដរមានជ័យ មានចំណាត់ការយ៉ាងណាចំពោះក្រុមឈ្មួញដឹកជញ្ជូនធ្យូងគ្មានច្បាប់អនុញ្ញាត ដែលកំពុងនាំគ្នាសម្រុកដឹកធ្យូងចេញពីខេត្តឧត្ដរមានជ័យ ឆ្ពោះទៅចែកចាយទៅតាមបណ្ដាលខេត្តនានា និងដឹកជញ្ជូនចូលទៅប្រទេសថៃ រួមទាំងប្រទេសវៀតណាមផងដែរ។ ជាងនេះទៅទៀត លោក ខន ខែម នាយផ្នែករដ្ឋបាលព្រៃឈើក្រុងសំរោងក៏ពូកែនិងល្បីឈ្មោះដែរ ខាងពុករលួយរឿងលុយក្រោមតុ លើតុ ពីក្រុមឈ្មួញដឹកបទល្មើសធ្យូងរាប់ឆ្នាំមកហើយរហូតមកដល់បច្ចុប្បន្ន តែអង្គភាពយើងខ្ញុំមិនអាចសុំការបំភ្លឺពីលោកបាននៅឡើយទេ...សូមរងចាំភាគបន្ត៕ ដោយ៖ លោក សួន ចំណាប់ គេហទំព័រ ប៉ោយប៉ែត ប៉ុស្ដិ៍