អញ្ចឹងសោះ.! មេឈ្មួញឈ្មោះ ចែ ម៉ុម ហែកខ្ទិចខ្ទីចំពោះមន្រ្តីជំនាញពាក់ពន្ធ័ជាច្រើនអង្គភាពក្នុងខេត្តឧត្ដរមានជ័យ បានទទួលសំណូករបស់ខ្លួនក្នុងការដឹកជញ្ជួានសិប្បកម្មគ្មានច្បាប់.!!!
ខេត្តឧត្ដរមានជ័យ៖ អញ្ចឹងសោះ បានមេឈ្មួញឈ្មោះចែ ម៉ុម មានអំណាចនិងឥទ្ធិពល អាចដឹកជញ្ជួានសិប្បកម្មកែច្នៃគ្មានច្បាប់អនុញ្ញាតចេញពីខេត្តព្រះវិហារ ឆ្លងកាត់ស្រុកត្រពាំងប្រាសាទនិងស្រុកអន្លង់វែងឆ្ពោះទៅចែកចាយដល់ខេត្តបន្ទាយមានជ័យបានយ៉ាងរលូនព្រោះតែមន្រ្តីជំនាញពាក់ពន្ធ័មួយចំនួន៖មានមន្រ្តី បរិស្ថាន កងរាជអាវុធហត្ថនិងមេព្រៃសុទ្ធតែទទួលសំណែនសែនថ្វាយពីមេឈ្មួញឈ្មោះចែ ម៉ុម អស់ហើយ ទើបគ្មានស្ថាប័នពាក់ពន្ធ័ណាចេញមុខធ្វើការបង្កាទប់ស្កាត់និងបង្រ្កាប។
បើយោងការបញ្ជាក់ពីមេឈ្មួញជើងខ្លាំងឈ្មោះចែ ម៉ុម បានប្រាប់ទៅអង្គភាព(គេហទំព័រនគរយស)ថានៅយប់ថ្ងៃទី៣០ ខែមីនា ឆ្នាំ២០២៣ មានមនុស្សមួយក្រុមចំនួនបីនាក់ដើរតាមកាក់យកលុយពីខ្លួនត្រូវបានលោក ធា ជាមន្រ្តីបរិស្ថានស្រុកត្រពាំងប្រាសាទ ប៉េអឹម និង លោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រាសាទប្រលះខ្លាំងលែងហ៊ានកក្រើកហើយ ហើយចំពោះការរត់ការបង់លុយតាមដងផ្លូវសម្រាប់ការដឹកជញ្ជូនសិប្បគ្មានច្បាប់អនុញ្ញាតឆ្ពោះទៅខេត្តបន្ទាយមានជ័យ បង់គ្រប់ស្ថាប័ន។
ចាំមើលថា លោក ភួង លីណា ប្រធានមន្ទីរបរិស្ថានខេត្តឧត្ដរមានជ័យ និងមានចំណាត់ការបែបណា.? ពីការបែកធ្លាយឈ្មោះធា មន្រ្តីបរិស្ថានស្រុកត្រពាំងប្រាសាទ មានការរួមចំណែកពាក់ពន្ធ័ និងមេឈ្មួញឈ្មោះចែ ម៉ុម ដែលដឹកជញ្ជូនសិប្បកម្មគ្មានច្បាប់អនុញ្ញាត និងមានមន្រ្តីកងរាជអាវុធហត្ថស្រុកត្រពាំងប្រាសាទ និងលោក ជៀល សុផល នាយសង្កាត់រដ្ឋបាលព្រៃឈើក៍មានចំណែកដែរ។ តើមន្ទីរពាក់ពន្ធ័ក្នុងខេត្តនិងមេបញ្ជាការកងរាជអាវុធហត្ថខេត្តឧត្ដរមានជ័យ និងធ្វើយ៉ាងណារចំពោះកូនចៅរបស់ខ្លួនដែលយកខ្លួនបៀត និងមានសម្ព័ន្ធយ៉ាងចិត្តស្និតជាមួយមេឈ្មួញឈ្មោះចែ ម៉ុម ដឹកសិប្បកម្មគ្មានច្បាប់អនុញ្ញាតខាងលើ។
នៅថ្ងៃទី១ ខែមេសា ឆ្នាំ២០២៣ ក្រុមការងារយើងបានខលទៅធ្វើបទសម្ភាសពីលោក ឈិន សុធា មន្រ្តីបរិស្ថានស្រុកត្រពាំងប្រាសាទ ដែលមានការពាក់ពន្ធ័ និងមេឈ្មួញដឹកជញ្ជូនសិប្បកម្មគ្មានច្បាប់អនុញ្ញាតលោកបញ្ជាក់ថា មិនដែលស្គាល់ឈ្មោះចែ ម៉ុមនោះទេ មួយរយៈនេះមិនបានមើលការតាមដងផ្លូវទេ ដោយសារជាប់ពន្ធ័ដីស្នើរសុំរបស់ប្រជាពលរដ្ឋក្នុងតំបន់សហកមន៍ក្រោមការគ្រប់គ្រងក្រសួងបរិស្ថាន និងជាប់នៅជើងភ្នំតាមច្រករបៀង។ រីឯលោក ជៀល សុផល នាយសង្កាត់រដ្ឋបាលព្រៃឈើបានបញ្ជាក់ថាមេឈ្មួញឈ្មោះចែ ម៉ុម មានឯកសារដឹកសិប្បកម្មទៅអោយសាលារៀន។ ចំណែកលោក កើត ខេមរៈ មេបញ្ជាការកងរាជអាវុធហត្ថស្រុកត្រពាំងប្រាសាទក្រុមការងារយើងខលទៅ លោកថាជាប់រវល់ប្រជុំនៅភ្នំពេញរួចចុះបិតភ្លាមតែម្ដង៕
ដោយ: សួន ចំណាប់ ប្រចាំឧត្តរមានជ័យ
គេហទំព័រ ប៉ោយប៉ែត ប៉ុស្ដិ៍
