មានវីដេអូ លោក អាត ជាមន្ត្រីនគរបាលនៅស្រុកជីក្រែង កំពុងយកតួនាទីខ្លួនទៅរកស៊ីមុខជំនួញដឹកជញ្ជូនឈើលក់យ៉ាងសកម្ម ព្រោះតែលោកអធិការស្រុកជាអ្នកបើកដៃ តើលោក តេង ចន្ទណាត ស្នងការខេត្តសៀមរាបបានជ្រាបរឿងនេះដែរឬទេ.!!!
ខេត្តសៀមរាប៖ កាលពីយប់ថ្ងៃទី១៣-១៥ ខែមេសា ឆ្នាំ២០២៣ នាពេលថ្មីៗនេះ ប្រភពនៃព័ត៌មានបានរាយការណ៍មក និងរូបភាពជាច្រើនសន្លឹក ដែលមានបុគ្គលម្នាក់ ឈ្មោះ អាត (ហៅតាអាត) និងមានតួនាទីជាមន្ត្រីនគរបាលប្រចាំនៅស្រុកជីក្រែងម្នាក់ បែរជាហ៊ានរកស៊ីមុខជំនួញដឹកជញ្ជូនឈើចេញពីភូមិអូរ ឃុំខ្វាវ ឆ្លងកាត់ស្នាក់ការបរិស្ថានព្រៃអភិរក្សបឹងពែ ស្នាក់ការរដ្ឋបាលព្រៃឈើខ្វាវ យកមកលក់ចែកចាយនៅតាមដេប៉ូឈើនានានៅស្រុកជីក្រែង បានយ៉ាងរលូន អស់រយៈពេលជាច្រើនឆ្នាំមកដល់បច្ចុប្បន្ននេះ គឺដោយសារលោកអធិការស្រុកជីក្រែងជាអ្នកបើកដៃ ទើបគ្មានមន្ត្រីជំនាញរដ្ឋបាលព្រៃឈើ ជំនាញបរិស្ថាន ជំនាញកងរាជអាវុធហត្ថ ស្រុកជីក្រែង បើកកិច្ចប្រតិបត្តិការបង្ក្រាបមេឈ្មួញឈ្មោះរូបនេះឡើយ។
ប្រភពនៃព័ត៌មានបានបញ្ជាក់ថា៖ កាលពីយប់ថ្ងៃទី១៣ នឹងយប់ថ្ងៃទី១៥ ខែមេសា ឆ្នាំ២០២៣ មានក្រុមអ្នកសារព័ត៌មានមួយក្រុម ប្រទះឃើញរថយន្តដឹកឈើពេញឡាន ដែលជារបស់លោក អាត (ហៅតាអាត) បានយកឈើចង្រឹង ឈើដុំខ្លីៗ ដាក់បាំងពីក្រោយ ខាងលើជិត ខណ:នោះ គេបានឃើញ តាអាត បើកឡានគេចចុះឡើង ប៉ុន្តែ.! ចៃដន្យអី បើកគេចចំផ្លូវទាល់ ក៏បានបើករថយន្តបកក្រោយ ហើយបន្តបើកឡានចូលក្នុងអធិការដ្ឋាននគរបាលស្រុកជីក្រែងតែម្តង,,,, នេះសបញ្ជាក់អោយឃើញថា លោកអធិការស្រុកជីក្រែង ជាអ្នកបើកដៃអោយ តាអាត ដែលជាកូនចៅខ្លួន រកស៊ីបទល្មើសព្រៃឈើប្រាកដណាស់ ព្រោះតែផលប្រយោជន៍ផ្ទាល់ខ្លួន។
បើយោងប្រភពពីប្រជាពលរដ្ឋបាននាំគ្នារិះគន់ថា លោក អាត (ហៅតាអាត) ជាសមត្តកិច្ចនគរបាលយុត្តិធម៌ម្នាក់ប្រចាំការនៅស្រុកជីក្រែង ស៊ីប្រាក់ខែពីរដ្ឋ តែបែជាយកតួនាទីខ្លួនមករកស៊ីដឹកជញ្ជូន ផលអនុផលព្រៃឈើខុសច្បាប់ទៅវិញ។
ប្រភពបន្ថែមអោយដឹងថា៖ មិនតែប៉ុណ្ណោះនោះទេ លោក អាត (ហៅតាអាត) មានឃ្លាំង ដេប៉ូ ស្តុបឈើ ទុកអោយកូនស្រីខ្លួនជាអ្នកលក់ទៀតផង ដែលមានទីតាំងស្ថិតនៅខាងជើងស្ពានបូរាណ ចម្ងាយ៧០ម៉ែត្រ,,,, ហើយបើ លោក តេង ចន្ទណាត ស្នងការខេត្តសៀមរាប លោកបានដឹងថា លោក អាត និងលោកអធិការស្រុក ផ្សំគំនិតគ្នា ច្បាស់ជាលោកស្នងការខេត្ត មិនទុកអោយស្អុយឈ្មោះមន្ត្រីនគរបាលថ្នាក់ក្រោមជាតិ និងថ្នាក់ជាតិនោះទេ។
ជុំវិញនៃការចុះផ្សាយពាក់ព័ន្ធនៃការដឹកជញ្ជូនឈើខុសច្បាប់ខាងលើ សារព័ត៌មានយើងខ្ញុំចុះផ្សាយទៅនេះ គ្រាន់តែជាកញ្ចក់ឆ្លុះបញ្ចាំងរឿងអាក្រក់ និង រឿងល្អ ក្នុងសង្គមតែប៉ុណ្ណោះ ដើម្បីជូនដល់ថ្នាក់ដឹកនាំគ្រប់ចាន់ថ្នាក់បានជ្រាបជាព័ត៌មាន នឹងដាក់ការស៊ើបអង្កេតចាត់ការទៅលើបុគ្គល ឈ្មោះ អាត (ហៅតាអាត) ដែលខ្លួនមានតួនាទីជាមន្ត្រីនគរបាលយុត្តិធម៌ម្នាក់នៅស្រុកជីក្រែង តែមកលួចប្រកបមុខរបរដឹកជញ្ជូនឈើនៅពេលយប់ទៅវិញនេះផងទាន៕
