មានវីដេអូ តើចែឡែន.! មេឈ្មួញដឹកជញ្ជូនឈើខុសច្បាប់មានឥទ្ធិពលខ្លាំងជាងមន្ត្រីជំនាញស្រុកជ័យសែន និងស្រុករវៀងមេនដែរឬទេ.?ទើបអាចដឹកឈើគ្រឿងសិប្បកម្មពេញរថយន្តសាំយ៉ុង ឆ្លងកាត់ស្នាក់ការជាច្រើនកន្លែងឆ្ពោះទៅលក់ចែកចាយតាមដេប៉ូឈើនៅខេត្តកំពង់ធំបានជារៀងរាល់ថ្ងៃម្តេចមិនបង្ក្រាប.!!!
ខេត្តព្រះវិហារ៖ កាលពីរសៀលថ្ងៃទី០៥ ខែមេសា ឆ្នាំ២០២៣ មេឈ្មួញដឹកជញ្ជូនឈើគ្រឿងសិប្បកម្មខុសច្បាប់ឈ្មោះ ចែឡែន កំពុងបង្រៀនកូនប្រុសរបស់ខ្លួនអោយរត់ការនឹងដឹកជញ្ជូនឈើតាមរថយន្តសាំយ៉ុង ពណ៌ ស ដែលមានស្លាកលេខ(ភ្នំពេញ 2AS-4476) គឺដឹកចេញពីចំណុចស្រែវាល ភូមិធ្មា ឃុំធ្មា ស្រុកជ័យសែន ខេត្តព្រះវិហារ ឆ្លងកាត់ប៉ុស្តិ៍ស្នាក់ជាច្រើនកន្លែង ឆ្ពោះទៅលក់ចែកចាយតាមដេប៉ូឈើនានា នៅខេត្តកំពង់ធំ បានជារៀងរាល់ថ្ងៃ តែមិនដែលឃើញសមត្ថកិច្ចជំនាញពាក់ព័ន្ធប្រចាំការនៅតាមដងផ្លូវមានចំណាត់ការបង្ក្រាបមេឈ្មួញចែឡែន និងកូនប្រុស ម្តងនៅឡើយទេ សង្ស័យ មេ មេ បានទទួលសំណូកជាទីផ្គាប់ចិត្តហើយមើលទៅ។
បើយោងតាមការណ៍ស៊ើបអង្កេតនានារបស់សង្គមស៊ីវិល ក៏ដូចជាសក្ខីកម្មរបស់ប្រជាសហគមសហគម បានអោយដឹងថា ព្រៃឈើក្នុងតំបន់ព្រៃឡង់ ក្នុងខេត្តព្រះវិហារ នៅតែរងការបំផ្លិចបំផ្លាញជារៀងរាល់ថ្ងៃ ដោយមានមេឈ្មួញកណ្តាលច្រើនរូបជាអ្នកគៀងគរអោយពលរដ្ឋចូលទៅកាប់ឈើក្នុងដែនព្រៃឡង់ រួចដឹកឈើតាមគោយន្តកន្ត្រៃជាច្រេីនគ្រឿងយកមកស្ទុកទុកតាមផ្ទះក្នុងចំណុចស្រែវាល ភូមិធ្មា ឃុំធ្មា ស្រុកជ័យសែន ទើបក្រុមមេឈ្មួញ មានឈើទិញ ដឹកយកទៅលក់នៅខេត្តកំពង់ធំ បានជារៀងរាល់ថ្ងៃ។
ជាក់ស្តែងគឺមេឈ្មួញឈ្មោះ ចែឡែន និងកូនប្រុស នេះតែម្តង មិនត្រូវបានសមត្ថកិច្ចជំនាញពាក់ពន្ធ័នៅស្រុកជ័យសែន ធ្វើការបង្រ្កាប់នោះទេ។
រីឯក្រុមអ្នកតាមដាន និងវិភាគបញ្ហាសង្គមកម្ពុជា គេមិនអាចបណ្តែតបណ្តោយអោយបញ្ហានេះ ស្ថិតក្នុងស្ថានភាពមិនអាចគ្រប់គ្រងបានដូច្នេះទៀតទេ ដោយហេតុថា៖
ទី១. វានឹនឹងធ្វើអោយបទបញ្ជារបស់សម្ដេចតេជោ ហ៊ុន សែន នាយករដ្ឋមន្ត្រីសាបរលាបកាន់តែខ្លាំងនៅចំពោះមុខមហាជនទូទៅ។ ទី២. វានឹងបង្ករផលប៉ះពាល់យ៉ាងខ្លាំងដល់រដ្ឋាភិបាល ពីព្រោះបញ្ហានេះបាននិងកំពុងក្លាយជាប្រធានបទក្តៅមួយដែលរដ្ឋាភិបាលរងការរិះគន់ជាយូរណាស់មកហើយ។ និងទី៣.ការកាប់បំផ្លាញព្រៃឈើនឹងបង្កើតឲ្យមានវិបត្តិសង្គមធំធេងមួយនៅថ្ងៃអនាគត ពោលគឺព្រៃឈើក៏អស់ ចំណូលរដ្ឋក៏គ្មាន រីឯប្រជាសហគមន៍ក៏គ្មានទីពឹងសម្រាប់អាស្រយ័ផលទៀតដែរ។ ផលវិបាកទាំងនេះមានលក្ខណៈធ្ងន់ធ្ងរគ្រប់គ្រាន់ដែលរដ្ឋាភិបាលគួរពិចារណាឡើងវិញ ជាចាំបាច់អំពីគោលនយោបាយគ្រប់គ្រងព្រៃឈើ ពិសេសគឺព្រៃឡង់ដែលស្ថិតក្នុងទឹកដីស្រុកជ័យសែន ខេត្តព្រះវិហារនេះតែម្តង។ ចំពោះសមត្ថកិច្ចជំនាញមួយក្តាប់តូច ហាក់បីធ្វើប្រងើយ ទុក្ខអោយមេឈ្មួញដែលរកស៊ីដឹកឈើខុសច្បាប់ជាច្រើនរូប កាន់តែបានដៃ ខ្លាំងៗឡើង នៃការដឹកជញ្ជូនឈើស្ទើតែវិនាសហិនហោច គឺដឹកឆ្លងកាត់ប៉ុស្តិ៍ស្នាក់ការ ភូមិឃុំស្រុករហូតដល់ថ្នាក់ខេត្ត តែបែរជាមិនទប់ស្កាត់បងង្រ្កាបឡើយ ក្រោមលេសទុក្ខអោយរស់ផងទៅ ហេតុផលនេះតើឯកឧត្តម គីម រិទ្ធី អភិបាលនៃគណ:អភិបាលព្រះវិហារ បានជ្រាប់រឿងនេះដែលឬទេ? ព្រោះមន្ត្រីជំនាញទាំងអស់នោះដេកចាំតែទទួលលាភសក្ការៈដើម្បីប្រយោជន៍ផ្ទាល់ខ្លួនចែកគ្នាស៊ីធ្វើមានបានតែប៉ុណ្ណោះ។
ពាក់ពន្ធ័ករណីបទល្មើសដែលកំពុងកើតឡើងខាងលើនេះ សូមឯកឧត្តមរដ្ឋមន្ត្រីក្រសួង ពាកពន្ធ័ទាំងអស់គួរពិនិត្យទៅលើចំណុចខាងលើនេះ រួមនឹងមេឈ្មួញដែលកំពុងធ្វើ ទីផ្សារយ៉ាងសកម្មឈ្មោះ ចែឡែន ដែលជំនាញប្រចាំការនៅទីនោះធ្វើមើលរំលង៕
