មានវីដេអូ ខ្មាន់កាំភ្លើងម្នាក់បើកថយន្តចូលដល់ផ្ទះបាញ់ប្ដីប្រពន្ធ នៅស្រុកជើងព្រៃ បណ្តាលអោយ ប្រពន្ធស្លាប់ និងប្ដីរបួសធ្ងន់.!!!
ខេត្តកំពង់ចាម៖ ជនសង្ស័យខ្មាន់កាំភ្លើងម្នាក់ មិនដឹងមានជម្លោះ ឬកំហឹងរឿងអីនោះទេ ហ៊ានបើករថយន្តមួយគ្រឿង ទៅឈប់មុខផ្ទះ រួចចូលបាញ់ប្រហារប្ដីប្រពន្ធដល់ក្នុងផ្ទះ បណ្តាលអោយជនរងគ្រោះ ប្រពន្ធ សម្លាប់ និង ប្ដីរងរបួសធ្ងន់ ដែលហេតុការណ៍នេះ កើតឡើងកាលពី វេលាម៉ោងប្រមាណ១២ថ្ងៃត្រង់ ត្រូវនឹងថ្ងៃទី១១ ខែឧសភា ឆ្នាំ២០២៣នេះ។
ករណីខាងលើ ស្ថិតនៅក្នុងភូមិ ទន្សោងស្លាប់ ឃុំស្រម៉រ ស្រុកជើងព្រៃ ខេត្តកំពង់ចាម។
យើងយោងសេចក្ដីរាយការណ៍ពីកន្លែងកើតហេតុបានអោយដឹងថា ដើមឡើយគេឃើញជនសង្ស័យម្នាក់ចុះពីរថយន្ដមួយគ្រឿង ដើរចូលផ្ទះរបស់ជនរងគ្រោះ ក្រោយមកស្រាប់តែលើសំឡេងស្នូរផ្ទុះកាំភ្លើងផ្ទួនៗជាច្រើនគ្រាប់ បង្កអោយមានការភ្ញាក់ផ្អើលដល់ប្រជាពលរដ្ឋក្បែខាងចេលមកមើល ឈូឆរ រីឯខ្មាន់កាំភ្លើងម្នាក់នោះបានឡើងបើករថយន្តគេចខ្លួនបាត់។
បច្ចុប្បន្ន: កម្លាំងនគរបាលមូលដ្ឋាន និងកម្លាំងនគរបាលជំនាញ នៃស្នងការដ្ឋាននគរបាលខេត្ដកំពង់ចាម បានចុះមកដល់កន្លែងកើតហេតុ ដើម្បីធ្វើការស្រាវជ្រាវបន្តដើម្បីកំណត់មុខសញ្ញាជនសង្ស័យ យកមកចាត់ការតាមច្បាប់..(រាយការណ៍បឋម:)៕
