ខេត្តបាត់ដំបង៖ ក្រុមការងារចុះជួយភូមិបឹងក្រសារ ឃុំស្នឹង ស្រុកបាណន់ ខេត្តបាត់ដំបង បានកម្មវិធីប្រកាសប្រធានក្រុមបក្ស និងពិសារនំបញ្ចុកសាមគ្គី ក្រោមវត្តមានលោក ឆោម ភ័ព្វ.លោកស្រី កឹម គឹមអាន មេឃុំស្នឹង. លោក ឈិន សារិទ្ធ មេភូមិបឹងក្រសារ.បូកសរុបនៃការអញ្ជើញចូលរួមចំនួន៤០០នាក់ រួននិងវត្តមានបងប្អូនខ្មែរឥស្លាមចូលរួមផងដែរ។ ឆ្លៀតក្នុងឱកាសនោះដែរ លោក ឆោម ភ័ព្វ តំណាងប្រធានក្រុមបក្ស ចុះជួយភូមិបឹងក្រសារ ឃុំស្នឹង បានថ្លែងថា សូមសមាជិក សមាជិការ ភូមិ.ឃុំ ក្រុមព្រឹក្សាបក្ស ធ្វើយ៉ាងណាបន្តកិច្ចសហប្រតិបត្តិការអោយកាន់តែល្អបន្ថែមទៅមុខទៀត ត្រូវយកចិត្តទុកដាក់រាល់កិច្ចការស្នូលរស់យើង និងដើម្បីភូមិឃុំមានសុវត្ថិភាព ស្ថេរភាព វឌ្ឍនភាព ជូនជាតិមាតុភូមិ មានការអភិវឌ្ឍបន្តជូនប្រជាពលរដ្ឋ សូមតាមដានភាពអសកម្មមួយចំនួនដែលធ្វើមិនទាន់រួច និងពុំទាន់បានធ្វើ ហើយម្យ៉ាងវិញទៀត រាល់ការទទួលបានរបាយការណ៍ពីទុកលំបាករបស់បងប្អូនប្រជាពលរដ្ឋ ធ្វើយ៉ាងត្រូវពន្លឿនជួយក្នុងការដោះស្រាយជូនពួកគាត់អោយទាន់សភាពការជាក់ស្តែង។ លោក ឆោម ភ័ព្វ តំណាងប្រធានក្រុមបក្ស ចុះជួយ ភូមិបឹងក្រសារ បានលើកគោលដៅត្រូវបន្តមាន៥ចំនុច៖ ១-ក្រុមការងារចុះជួយភូមិបឹងក្រសារ ឃុំស្នឹង ត្រូវបើកកិច្ចពិភាក្សា ក្រុមការងារ លើរៀបចំរាល់ការងារផ្សេងៗ ដើម្បីបង្កើនភាពស្និទ្ធស្នាល រួបរួមគ្នាសហការ បន្តទិសដៅចុះជួយក្នុងឃុំស្នឹង ស្រុកបាណន់ បន្តទៀត។ ២-ទិសដៅបន្តក្រុមការងារកំពុងត្រៀមលេីការងារគ្រប់គ្រងក្រុមបក្ស។ ៣-ក្រុមការងារត្រៀមដេីម្បីចុះតាមខ្នងផ្ទះប្រចាំខែតាមផែនការ។ ៤-តាមដានបញ្ហា​ ចំណាកស្រុក​។ ៥-ដាក់ផែនការ​ ការងារជូនអង្គភាពភូមិ ដេីម្បី​ ពិនិត្យ​ តាមដាន​ និងរាយការណ៏សភាពការណ៍ទូទៅជាប់ជាប្រចាំ។ មុននឹងបិទអង្គពិធី៖ លោក ឆោម ភ័ព្វ តំណាងប្រធានក្រុមបក្ស ចុះជួយភូមិបឹងក្រសារ ឃុំស្នឹង សូមថ្លែងអំណរអរគុណ ចំពោះវត្តមានក្រុមការងារ និងបងប្អូនប្រជាពលរដ្ឋដែលបានចូលរួមនាពេលនេះ ប្រកបដោយស្នាមញញឹម ប្រទេសជាតិយើងមានសុខសន្តិភាពមកដល់ថ្ងៃនេះក៏ដោយសារ ការខិតខំប្រឹងប្រែងរបស់ថ្នាក់ដឹកនាំគ្រប់ជាន់ថ្នាក់ ទាំងថ្នាក់ក្រោមជាតិ និងថ្នាក់ជាតិ ដែលមាន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលសម្តេចខំយកអាយុជីវិតទៅប្តូរធ្វើជាដើមទុន ដើម្បីរើបម្រាស់ពីរបបប្រល័យពូជសាសន៍ នៃរបបខ្មែរក្រហម។ យើងពិតជាមាន មោទនភាពក្រៃលែងខ្លាំងណាស់ ដែលប្រទេសកម្ពុជាយើងមាន វឌ្ឍនភាព ស្ថេរភាព សុខសន្តិភាព មានការអភិវឌ្ឍ ហេដ្ឋារចនាសម្ព័ន្ធ គ្រប់ទីកន្លែង ទាំងនៅខេត្ត.ក្រុង និងជនបទ មានការរីកចម្រើនលើគ្រប់វិស័យ៕