ក្រុងប៉ោយប៉ែត៖ កាលពីម្សិលមិញ វេលាម៉ោង០៦និង០០នាទីព្រឹក ត្រូវនិងថ្ងៃទី០៧ ខែឧសភា ឆ្នាំ២០២៣ មានករណីគ្រោះថ្នាក់ចរាចរណ៍មួយ រវាង រថយន្តសេរីទំនើប ម៉ាក CHANGAN ពណ៌ ស ស្លាកលេខកម្ពុជា WILLY.SC បើកបុកម៉ូតូមួយគ្រឿង ម៉ាក ឌ្រីម ពណ៌ខ្មៅ ស្លាកលេខបន្ទាយមានជ័យ 1Y-2848 បើកបរ បញ្ច្រាសទិសគ្នា នៅចំនុចកើតហេតុ លើផ្លូវបេតុង ក្នុងបរិវេណ កាស៊ីណូផ្កាយ៥ ស្ថិតភូមិក្បាលស្ពាន សង្កាត់អូរជ្រៅ ក្រុងប៉ោយប៉ែត បណ្តាលអោយភាគីខាងម៉ូតូម្នាក់ រងរបួសបាក់ជើងងខាងស្តាំធ្ងន់ រីឯ ម៉ូតូ និងរថយន្តខូចបន្តិចបន្តួច។ គួរំលឹកផងដែរថា៖ ភ្លាមៗនោះ លោក ស៊ូ វណ្ណា អ្នកសារព័ត៌មាន ហង្សសំណាងប៉ុស្តិ៍ បានចុះយកព័ត៌មាន និងថតផ្តិតយករូបភាពជាក់ស្តែងដែលកំពុងកើតហេតុ ស្រាប់តែបុរសជនជាតិ ឥណ្ឌូណេស៊ី ម្នាក់ ដែលជាក្រុមភាគីអ្នកបើករថយន្ត បាននិយាយសម្លុតរករឿងចង់វ៉ៃ មកលើអ្នកសារព័ត៌មាន ដោយមិនខ្លាចញញើតច្បាប់ ទាំងដែលកំពុងនៅមុខ មហាជន និង សមត្ថកិច្ច ដែលកំពុងរោមចោមមើល ក្នុងអង្គហេតុគ្រោះថ្នាក់ចរាចរណ៍នេះឡើយ។ បន្ទាប់ពីកើតហេតុ សមត្ថកិច្ចនគរបាលក្រុងប៉ោយប៉ែត ផ្នែកចរាចរណ៍ផ្លូវគោក បានដឹកនាំកម្លាំងចុះ វាសវែង ធ្វើកំណត់ហេតុ ជួយសម្រួលកុំអោយមានការកកស្ទះ រួចបន្តយករថយន្ត និងម៉ូតូ ទៅរក្សាទុកនៅអធិការដ្ឋាននគរបាលក្រុងប៉ោយប៉ែត រងចាំដោះស្រាយនៅពេលក្រោយ រីឯ បុរសរងបួស ត្រូវបានជញ្ជូនទៅសង្គ្រោះនៅឯមន្ទីរពេទ្យ។ ជាមួួយគ្នានោះដែរ លោក ស៊ូ វណ្ណា អ្នកសារព័ត៌មាន ហង្សសំណាងប៉ុស្តិ៍ បានទៅដាក់ពាក្យបណ្តឹងនៅអធិការដ្ឋាននគរបាលក្រុងប៉ោយប៉ែត ដើម្បីអោយនគរបាលយុត្តិធម៌ ជួយរកយុត្តិធម៌ជូនរូបគាត់ ដែលជនជាតិ ឥណ្ឌូណេស៊ី បានគំរាមគំហែងចង់វ៉ៃរូបលោក ក្នុងពេលចុះយកព័ត៌មាន។ លោក ស៊ូ វណ្ណា បានអោយសារព័ត៌មាន ប៉ោយប៉ែត ប៉ុស្តិ៍ ដឹងថា៖ ក្នុងពាក្យបណ្តឹងនោះ ចោទពីបទ: គំរាមកំហែង "ដែលជនជាតិ ឥណ្ឌូនេស៊ី ម្នាក់នោះជាអ្នកបង្ក" ដើម្បីព្រមានអោយរាងចាល ថ្ងៃក្រោយកុំអោយចេះតែហ៊ាន គំរាមកំហែងចង់វ៉ៃ មកលើអ្នកសារព័ត៌មានដូចជារូបលោកផ្ទាល់ និងបងប្អូនមិត្តរួមអាជាជិព សារព័ត៌មានផ្សេងៗបន្តទៀត ដែលកំពុងចុះយកព័ត៌មាន។ សូមទស្សនា វីដេអូ ដែលជនជាតិ ឥណ្ឌូណេស៊ី គំរាមកំហែងចង់វ៉ៃ អ្នកសារព័ត៌មាន...ដូចតទៅនេះ៕