ខេត្តឧត្ដរមានជ័យ៖ មេឈ្មួញដឹកជញ្ជួានបង្គោលគ្រាក់តាមរថយន្តសំពីងសំរោងរាល់យប់ឈ្មោះយាយ មុំ កំពុងល្បីថាមានខ្នងបង្អែកធំចាំកាងរាល់ពេលធ្វើសកម្មភាពដឹកជញ្ជូនឈើចេញពីខេត្តព្រះវិហារ ឆ្លង់កាត់ខេត្តឧត្ដរមានជ័យ តែគ្មានមន្រ្តីជំនាញស្ថាប័នណាធ្វើការបង្រ្កាបសោះ សង្ស័យបានទទួលសំណូកពីយាយ មុំ អស់ហើយ។ ជាក់ស្ដែងកាលពីថ្ងៃទី១០ ខែមិថុនា ឆ្នាំ២០២៣ ក្រុមអ្នកសារព័ត៌មានបានថតផ្ដិតយករូប និងសកម្មភាពរថយន្តដឹកបង្គោលគ្រាក់របស់មេឈ្មួញដុះស្លែរឈ្មោះយាយ មុំ នៅចំណុចភូមិ ពពេល ឃុំផ្អាវ ស្រុកត្រពាំងប្រាសាទ ដឹកបានយ៉ាងរលូនឆ្ពោះទៅខេត្តបន្ទាយមានជ័យ និងខេត្តបាត់ដំបង គ្មានសម្ថតកិច្ច ឫក៏នាយសង្កាត់រដ្ឋបាលព្រៃឈើទាំងពីស្រុកធ្វើការបង្រ្កាបឡើយ។ មហាជនដាក់ការសង្ស័យថា លោក ជៀល សុផលនាយសង្កាត់រដ្ឋបាលព្រៃឈើស្រុកត្រពាំងប្រាសាទ និងលោក វ៉ុន ប៊ុនធឿន នាយសង្កាត់រដ្ឋបាលព្រៃឈើស្រុកអន្លង់វែងសុទ្ធតែទទួលលាភសក្ការៈពីមេឈ្មួញឈ្មោះយាយ មុំ អស់ទៅហើយ ចង់ដឹកអីដឹកទៅ ចង់ដឹកក្រឡាប់ផ្ងាជើងមុខស្នាក់ការក៏មិនបង្ក្រសបដែរ។ ដូច្នេះហើយមហាជននិងប្រជាពលរដ្ឋស្នើរសុំដល់ លោក អ៊ឹម សៅវរិទ្ធ នាយខណ្ឌរដ្ឋបាលព្រៃឈើខេត្តឧត្ដរមានជ័យ សូមមេត្តាជួយទប់ស្កាត់និងបង្រ្កាបរាល់បទល្មើសដែលបានធ្វើសកម្មភាពក្នុងការដឹកជញ្ជូនឈើគ្រាក់តាមរថយន្តរបស់មេឈ្មួញឈ្មោះយាយ មុំ ក៏ដូចជាទប់ស្កាត់រាល់បទល្មើសដែលកំពុងកើតឡើងថ្មីៗនេះ ព្រោះកូនចៅរបស់លោក លោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រាសាទ និងលោក វ៉ុន ប៊ុនធឿ នាយសង្កាត់រដ្ឋបាលព្រៃឈើស្រុកអន្លង់វែង សុទ្ធតែខ្វះឆន្ទះក្នុងការបង្រ្កាប មានតែឆន្ទះក្នុងការបើកភ្លើងខៀវប៉ុណ្ណោះ។ ជាពិសេសសូមឯកឧត្ដម ប៉ែន កុសល្យអភិបាលខេត្តឧត្ដរមានជ័យ មេត្តាពិនិត្យមើលមេឈ្មួញឈ្មោះយាយ មុំ ផងទាន.! ព្រោះល្បីថាមានខ្នងបង្អែកធំណាស់ចាំការពាររាល់សកម្មភាពដឹកជញ្ជូនឈើបង្គោលគ្រាក់តាមរថយន្តរាល់យប់ គ្មានសម្ថតកិច្ចនិងស្ថាប័នជំនាញពាក់ពន្ធ័ក្នុងខេត្តហ៊ានធ្វើការបង្រ្កាបឡើយ៕ ដោយ: លោក សួន ចំណាប់ ឧត្តរមានជ័យ គេហទំព័រ ប៉ោយប៉ែត ប៉ុស្តិ៍