មានវីដេអូ.! កម្លាំរដ្ឋបាលព្រៃឈើសណ្តាន់បង្ក្រាបបានរថយន្តដឹកឈើលេខ១សុក្រំមួយគ្រឿង នៅចំណុច ភូមិរន្ទះ ឃុំទំរីង តែស្តាយ.?.?.?
ខេត្តកំពង់ធំ៖ បទល្មើសថ្មីចេះ កម្លាំងផ្នែករដ្ឋបាលព្រៃឈើ សណ្តាន់ ដឹកនាំដោយ លោក ឃិន វណ្ណៈ រួមសហការជាមួយកម្លាំងសង្កាត់រដ្ឋបាលព្រៃឈើ ទំរីង បានស្ទាក់ចាប់បានរថយន្ត ម៉ាក ហាយលែនឌ័រ មួយគ្រឿង ពណ៌ ទឹកមាស ពាក់ស្លាកលេខ (ភ្នំពេញ 2A 7347) ដឹកជញ្ជូនឈើប្រភេទលេខ ១សុក្រំ នៅចំណុច ភូមិរន្ទះ ឃុំទំរីង ស្រុកសណ្តាន់ ខេត្តកកំពង់ធំ កាលពីវេលាម៉ោង២០និង៤០០នាទីយប់ ថ្ងៃទី១៩ ខែមិថុនា ឆ្នាំ ២០២៣។
តាមសេចក្តីរាយការណ៍ បានអោយដឹងថា រថយន្តនេះបានដឹកឈើចេញពីតំបន់ស្មងអន អូរផ្អាវ ឃុំសុចិត្រ ស្រុកសណ្តាន់ ខេត្តកំពង់ធំ លុះមកដល់ចំណុច ភូមិរន្ទះ ឃុំទំរីង ត្រូវកម្លាំងសមត្ថកិច្ច ផ្នែករដ្ឋបាលព្រៃឈើសណ្តាន់ ធ្វើការស្ទាក់ចាប់ រីឯតៃកុងរថយន្តឃើញកម្លាំងជំនាញព្រោងព្រាត បើកទ្វារឡាឡានដាក់មេប្រូចបាត់ស្រម៉ោល...។
ជុំវិញនៃការបង្ក្រាបបទល្មើសឈើខាងលើ មហាជនមានការងឿយឆ្ងល់ថា ខណៈពេល ដែល នាយឧត្តមសេនីយ៍ សៅ សុខា អគ្គមេបញ្ជាការរងក្រសួងការពារជាតិ និងជាមេបញ្ជាការកងរាជអាវុធហត្ថលើផ្ទៃប្រទេស បានដាក់បទបញ្ជា រឹតបន្តឹងយ៉ាងក្តៅគគុក ពាក់ព័ន្ធ ការដឹកជញ្ជូនបទល្មើសផលអនុផលព្រៃឈើ តែមិនបានមួយចំអិនកំពិសផង..ក៏មានឈ្មួញ ឧក្រិដ្ឋជន ហ៊ានលួចដឹកឈើចេញតាមច្រកអូរផ្អាវ បានទៀត តើមេខ្លោងរូបណាជាអ្នកបើកភ្លើងខៀវអោយឈ្មួញ នេះជាចម្ងល់.? ។
គួរជំរាបថា៖ ការដឹកនាំកម្លាំងស្ទាក់បង្ក្រាប របស់ លោក ឃិន វណ្ណៈ រដ្ឋបាលព្រៃឈើ សណ្តាន់ និងកម្លាំងសង្កាត់រដ្ឋបាលព្រៃឈើ ទំរីង ខណៈនេះដែរ ប្រជាពលរដ្ឋ សូមអរគុណយ៉ាងជ្រាលជ្រៅ ដែលបានសហការជាមួយអ្នកសារព័ត៌មាន ចុះបង្ក្រាបទាន់ពេលវេលា៕
