ខេត្តបាត់ដំបង៖ បើយោងប្រភពព័ត៌មានពីអ្នកច្បាប់ ក៏ដូចជាមហាជនបានអោយដឹងថា គម្រោងសំណង់នេះត្រូវបានចាត់ទុកថា រំលោភមាត់ស្ទឹង ឬច្រាំងស្ទឹងហេីយ បេីទោះបីម្ចាស់គម្រោងសំណង់អះអាងថាខ្លួនមានប្លង់គ្រប់គ្រាន់ក៏ដោយ។ ពីព្រោះច្បាប់ស្តីពីធនធានទឹក ច្បាប់ស្តីពីសំណង់ និងអនុក្រឹត្យស្តីពីការគ្រប់គ្រងចំណីស្ទឹង បាននិរាករណ៍ដោយតុណ្ហីភាពនូវប្លង់ដី និងប្លង់សំណង់ណាក៏ដោយជាស្ថាពរហេីយ ទោះបីប្លង់នេះចេញមុន ឬចេញក្រោយច្បាប់ក៏ដោយ។ បេីយោងច្បាប់ មន្ត្រីចេញប្លង់នេះ នឹងអាចត្រូវទទួលវិន័យរដ្ឋបាល និងទណ្ឌកម្មព្រហ្មទណ្ឌថែមទៀតបេីរកឃេីញចេតនាទុច្ចរិតក្នុងការចេញប្លង់នេះ។ ដោយឡែក បើយោងប្រភពពីអ្នករស់នៅខេត្តបាត់ដំបង បានអោយដឹងថា ម្ចាស់សំណង់ខាងលើ គឺជាសប្បុរសជនមានសន្ដានចិត្តល្អ ហើយបានជួយកសាងហេដ្ឋារចនាសម្ព័ន្ធមួយចំនួននៅក្នុងតំបន់ខាងលើ បានយ៉ាងច្រើនផងដែរ។ ប្រភពដ៏ដែលបន្តថា នៅពេលដែលម្ចាស់សំណង់ខាងលើសាងសង់ផ្ទះរួចគាត់ នឹងកាយដីដែលចូលមាត់ស្ទឹងនោះចេញវិញ។ ដោយឡែក មតិមហាជនក្រុងបាត់ដំបងបាននសំគ្នាធ្វើការរិះគន់តាម ហាងគុយទាវ រានកាហ្វេ យ៉ាងចាស់ដៃថា ពិតជាអាជ្ញាធរមូលដ្ឋានបើកដៃអោយសាងសង់ហើយ មិនដឹងថា បានទទួលលាភសក្ការៈពីម្ចាស់សំណងប៉ុន្មាននោះទេ? ទើបរដ្ឋបាលខេត្តបាត់ដំបង ចេញសេចក្តីបំភ្លឺព័ត៌មានខាងលើដូច្នេះនោះ។ ប្រភពរិះគន់បន្ថែមថា អ្នកកាន់ច្បាប់សួមកុំបំពានលើច្បាប់ អ្នកណាៗក៏គេដឹងដែរពីច្បាប់សាងសង់ ត្រូវដកថយពីការសាងសង់ប៉ុន្មានម៉ែត្រពីមាត់ស្ទឹង.ព្រែក.អូរ.ទន្លេ.ចុះបើបាក់ដីច្រាំងស្ទឹង បណ្តាលអោយគ្រោះថ្នាក់អាយុជីវិតមនុស្ស ឬខូចខាតផ្ទះខាងលើនោះ មិនលំបាកដល់រាជរដ្ឋាភិបាល ក្នុងការជួយ ឧបត្ថម្ភហើយទេអី.! ដូចដែលកន្លងមកចឹង មានហេតុការកើតឡើង បាក់ច្រាំងស្ទឹង.ទន្លេ.ជាច្រើនលើកមកហើយដែរ។ ជុំវិញនៃការចុះខាងលើ បើសាម៉ីខ្លួនដែលជាប់ពាក់ព័ន្ធគិតថាមិនមានភាពសុក្រិតនិងយុត្តិធម៌សម្រាប់ខ្លួនទេនោះ អង្គភាពយើងខ្ញុំរងចាំបកស្រាយបំរៀងរាល់ម៉ោងធ្វើការ តាមរយៈលេខទូរស័ព្ទចំនួនពីរខ្សែ៖📲Tell.092 19 00 98 / 088 66 06 773៕