មានវីដេអូ.! ល្បែងឆ្នោតឡូតូកំពុងតែពង្រីកក្នុងអាណាចក្រខេត្តឧត្ដរមានជ័យ ស៊ីផ្ដាច់ពាក្យថាភូមិឃុំសង្កាត់មានសុវត្ថិភាព៧ចំណុច របស់ថ្នាក់ដឹកនាំកម្ពុជា.!!!
ខេត្តឧត្ដរមានជ័យ៖ ពុទ្ធោលោកអើយមានអ្វីគួរអោយថ្លែងបើល្បែងស៊ីសងឆ្នោតឡូតូកើតពេញភូមិស្រុកអស់ហើយ ខណៈមន្រ្តីអាជ្ញាធរមានសម្ថតកិច្ចមិនហ៊ានធ្វើការបង្រ្កាប ព្រោះតែក្រុមហ៊ុនភីអេច វីស៊ីធី (អេ2888)ឬឡូតូ(8888)មានច្បាប់អាជីវកម្មសម្រាប់បើកបនល្បែងស៊ីសង ក្នុងការប្រមូលលុយពីប្រជាពលរដ្ឋ,,,សង្ស័យថាល្បែងស៊ីសងទាំងនេះជាចំណូលសេដ្ឋកិច្ចរបស់ប្រទេសជាតិ មាតុភូមិ ឫយ៉ាងណា.! បានជាក្រសួងពាណិជ្ជកម្ម ក្រសួងពាក់ពន្ធ័ ជាពិសេស គេឃើញលិខិតមួយសន្លឹកចំណាពីសម្ដេច ក្រឡា ហោម សខេង ឧបនាយករដ្ឋមន្រ្តីក្រសួងមហាផ្ទៃ ផ្ដល់ឲ្យក្រុមហ៊ុនភីអេចវីស៊ីធី (អេ2888)ឫ(8888)ក្នុងការបើកអាជ្ញាបណ្ណ័ឡូតូតាមហាងលក់កាហ្វេ ហាងលក់បាយ ហាងគុយទាវ និងនៅតាមផ្ទះប្រជាពលរដ្ឋស្រប់ច្បាប់ដឹងតែគ្រប់ទឹកហើយ។
សូមជម្រាបថា៖ កាលថ្ងៃទី១៧ ខែកញ្ញា ឆ្នាំ ២០២២ កន្លងទៅនេះ សម្ដេចតេជោ ហ៊ុន សែន បានចេញបទបញ្ជាដាច់ណាត់មមួយអោយលោកអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទ ទាំងអស់ឲ្យខាន់តែបាន។ សម្តេចតេជោ ហ៊ុន សែន បានបញ្ជាក់យ៉ាងច្បាស់ដាច់ណាត់ទៀតថា អាជ្ញាធរនិងសមត្ថកិច្ចស្រុក ក្រុង ខេត្តណា ដែលមិននាំគ្នាទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ? អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង។
សម្ដេចបានបញ្ជាក់ទៀតថា ល្បែស៊ីសងទាំងនោះមិនមែនជាកំណើនសេដ្ឋកិច្ចនោះទេក៍ប៉ុន្តែធ្វើឲ្យមនុស្សជាច្រើនលាននាក់ត្រូវខូចខាត់ ខ្លះត្រូវលក់គោ ក្របី ដីធ្លី លក់ផ្ទះដើម្បីបញ្ជាំ ឫលក់ទៅចាក់ភ្នាល់ល្បែង បណ្ដាលអធិការ ស្រុក ឫប៉ុស្តិ៍នគរបាល នៅតាមភូមិ តាមតាមឃុំ មិនព្រមអើរពើរបង្រ្កាបទីតាំងបនល្បែងទាំងឡាយដែលមានការធ្វើអាជីវកម្មដូចជាលក់គុយទាវ លក់បាយ ហាងលក់កាហ្វេ ដែលបង្កប់ដោយល្បែងចាំបាច់ត្រូវតែបិតចោល មិនអនុញ្ញាតឲ្យប្រកបមុខរបរកស៊ី តទៅទៀត ត្រូវធ្វើវិធានការនេះឲ្យដាច់ម៉ាត់បំផុត។
ពលរដ្ឋនិងមជ្ឃដ្ឋានទូទៅរងចាំមើលថាលោកឧត្ដមសេនីយ៍ទោ ហួត សុធី ស្នងការនគរបាលខេត្តលោក.ឧត្ដមសេនីយ៍ត្រី លី ដារិទ្ធ មេបញ្ជាការកងរាជអាវុធហត្ថខេត្ត និងឯកឧត្ដម ប៉ែន កុសល្យ អភិបាលខេត្តឧត្ដរមានជ័យ អស់លោកនិងយកអនុសាសន៍សម្ដេចតេជោ ហ៊ុន សែន ប្រមុខរាជរដ្ឋាភិបាលនៃព្រះរាជាណាចក្រកម្ពុជាទៅអនុវត្តដែរឫយ៉ាងណា.!។
ជុំវិញករណីខាងលើក្រុមការងារយើងក៍ធ្លាប់រាយការណ៍ជូន លោកឧត្ដមសេនីយ៍ទោ ហួត សុធី ស្នងការនគរបាលខេត្តដែរពាក់ពន្ធ័ទៅនឹងបនល្បែងឆ្នោតឡូតូរបស់ក្រុមហ៊ុន ភីអេច វីស៊ីធី (អេ 2888)ឆ្នោតឡូតូ(8888)ក្រុមហ៊ុនគេមានច្បាប់។ រីឯលោកឧត្ដមសេនីយ៍ត្រី លី ដារិទ្ធ មេបញ្ជាការកងរាជអាវុធហត្ថខេត្តខលចូលគ្មានអ្នកទទួល។ ចំណែក ឯកឧត្ដម ប៉ែន កុសល្យ អភិបាលខេត្តឧត្ដរមានជ័យ មិនដែលធ្វើការឆ្លើយតបទៅលើអ្នកសារព័ត៌មានដែលរាយការណ៍ជូនលោកម្ដងណាឡើយ ខលចូលអត់លើក ដាក់តាម whatsapp telegram ក៏មិនឆ្លើយតប៕
ដោយ: សួន ចំណាប់ ប្រចាំខេត្តឧត្តរមានជ័យ
គេហទំព័រ ប៉ោយប៉ែត ប៉ុស្តិ៍
