មានវីដេអូ.តាំងពីលោក ញិប ផល្លិក គយតំបន់៥ផ្ទេរមកកាត់តំណែងជាគយចល័តក្រសួងនៅខេត្តឧត្ដរមានជ័យមុខរីកដូចគ្រាប់ជីនិងដាក់កូនចៅជាជនស៊ីវុិលអង្គុយចាំកត់ក្បាល់រថយន្តប្រមូលលុយតាមរបៀបអំពើរពុករលួយ.!!!
ខេត្តឧត្ដរមានជ័យ៖ ពិតជាមានអំណាចមែនលោក ញិប ផល្លិក គយតំបន់៥ល្បីយូឆ្នាំរឿងប្រព្រឹត្តអំពើរពុករលួយគៀបសង្កត់ជំរិតទាលុយពីក្រុមឈ្មួញដឹកទំនិញចេញពីប្រទេសថៃចូលមកប្រទេសកម្ពុជាកិបកេងលុយរដ្ឋដាក់ចូលហោប៉ៅនឹងគ្នីគ្នាធ្វើមានបាន ព្រោះនាំដើម្បីបិតបាំងនូវរឿងអាស្រូវរបស់ខ្លួនធ្វើអោយបាត់ប្រាក់ចំណូលរបស់រដ្ឋ ដែលបានមកពីការបង់ពន្ធ។
បើយោងតាមប្រភពពីក្រុមឈ្មួញដឹកទំនិញចេញចូលប្រទេសថៃបានលួចខ្សិបដាក់ត្រចៀកអ្នកសារព័ត៍មានថាក្រោយពី លោកញិប ផល្លិក ឡើងមកកាន់តំណែងកាន់កាប់គយចល័យក្រសួងនៅចំណុចភូមិជើងភ្នំ ឃុំត្រពាំងប្រិយ៍បើ ស្រុកអន្លង់វែងមក កាន់តែរិតត្បិតនិងតម្រូវអោយពួកឈ្មួញបង់លុយមួយក្បាល់រថយន្ត ច្រើនទ្វេដងជាងអ្នកកាន់កាប់ពីមុនទៀត។ បើសិនជាបុគ្គលណាហ៊ានដឹកទំនិញហួសគោលដៅមិនព្រមចូលបង់លុយកន្លែងដឹងតែអាសន្នធំហើយ ចាប់អនុវត្តឆែកឆេនូវមុខទំនិញ និងបង្រ្កាបតែម្ដង។
ទោះជាកន្លងមកប្រមុខរាជរដ្ឋាភិបាល សម្ដេច តេជោ ហ៊ុន សែន បានប្រមានធ្ងន់ៗនិងប្រើវិធានការក្ដៅនៅអភិក្រមទី ៥ វះកាត់មន្ត្រី ពុករលួយ សម្ដេច នឹង សហការជាមួយ អង្គភាពប្រឆាំងអំពើពុករលួយ ចាប់ត្រង់ៗម៉ង មន្ត្រីណាដែរប្រព្រឹត្តអំពើរពុករលួយធ្វើអោយសង្គមជាតិបាត់ប្រាក់ចំណូលដែលបានមកពីការប្រមូលពន្ធ។
តែហាក់បីដូចជាលោក ញិប ផល្លិក គយចល័តក្រសួងមិនញញើតខ្លាចរអាថែមទាំងបានផ្គើនលើសដើមនិងបានសហការជាមួយលោក រ៉ែម ផល្លាវី ប្រធានស្នាក់ការច្រកទ្វារអន្តរជាតិជាំ បើកអោយមានការនាំនូវទំនិញនិងម្ហូបអាហារកាកសំណល់ពីប្រទេសថៃចូលមកប្រទេសកម្ពុជាយ៉ាងសន្ធឹកសន្ធាប់ចូលមកស្រុកអន្លង់វែង ដើមចែកចាយដល់ពលរដ្ឋបរិភោគប្រចាំថ្ងៃ និងខេត្តមួយចំនួនទៀត។ ក្នុងនោះមានដូចជាប្រហិត ជើងមាន់ ស្លាប់មាន់ ជង្គង់មាន់ គ្រឿងក្នុងសត្វ គោ សត្វជ្រូកនិងសាច់ផ្លាសសេរមួយចំនួនបានផ្អាប់ទុកសង្ស័យថាមានសារធាតុគីមី ធ្វើអោយប៉ះពាល់សុខាភាពពលរដ្ឋទាំងក្មេងទាំងក្នុងការរស់ប្រចាំថ្ងៃ ព្រោះមកពីការបរិភោគអាហារគ្មានគុណភាគ គ្មានការកំណត់បរិមាណត្រឹមត្រូវ គ្មានស្តង់ដា ពីមន្ទីរពាក់ពន្ធ័ នេះជាមូលហេតុធ្វើអោយពលរដ្ឋខ្មែរមានហានិភ័យ និងកើតជំង្ងឺមហារីក ដាច់សសៃសាម ក្អួត រាក់រុះ និងបណ្ដាយអោយមានការបាត់បង់ជីវិតក៍មាន។
ពលរដ្ឋសង្ឃឹមនិងជឿកជាក់ថា ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាជាតិគាំពារសង្គម និងដាក់កម្លាំងក្រោមឱវាទចុះ
ស៊ើបអង្កេតទៅលើលោក ញិប ផល្លិក គយចល័តក្រសួង ដែលកំពុងប្រព្រឹត្តអំពើ ពុករលួយផងទាន! ដើម្បីអោយពលរដ្ឋក៍ដូចជាក្រុមឈ្មួញរកស៊ីសុច្ចរិតតាមច្រកទ្វារអន្តរជាតិជាំ មានភាពជឿរជាក់ និងមិនត្រូវលើកលែងទៅលើក្រុមឈ្មួញណាដែលមានឥទ្ធិពលបក្ខពួកនិយម អាងខ្សែរ អាងអំណាច គេចវេសមិនព្រមបង់ពន្ធចូលរដ្ឋ តែក្រុមនោះនៅតែអាចដឹកជញ្ជូនទំនិញគេចពន្ធ ទំនិញបង់ពន្ធមិនគ្រប់រួចខ្លួនបានដដែរ។
កាលពីថ្ងៃទី២ ខែសីហា ឆ្នាំ២០២៣ ក្រុមការងារយើងបានធ្វើបទសម្ភាសតាមរយៈទូរសព្ទ័ទៅ លោក រ៉ែម ផល្លាវី ប្រធាស្នាក់ការច្រកទ្វារអន្តរជាតិជាំ អំពីទំនិញដែលក្រុមឈ្មួញដឹកជញ្ជូនចេញពីប្រទេសថៃចូលមកប្រទេសកម្ពុជា និងអាហារកាកសំណល សល់ពីប្រទេសថៃមិនបរិភោគនាំចូលមកស្រុកអន្លង់វែងនោះ លោក រ៉ែម ផល្លាវី បានបញ្ជាក់ថាបើចង់ដឹង ចង់សួរមកសួរនៅមាត់ច្រកមក ។រីឯលោក ញិប ផល្លិក គយចល័តក្រសួងវិញក្រុមការងយើងមិនអាចទំនាក់ទំនងសុំការបកស្រាយបំភ្លឺបាននៅឡើយព្រោះគ្មានលេខទូរសព្ទ័យ៉ាងណាមុិញ ក្រុមការងារយើងនិងព្យាយាមស្វែងរកទំនាក់ទំនងបន្តទៀតដើម្បីលម្អិតព័ត៍មានអោយបានជាក់លក្ខគ្រប់ជ្រុងជ្រោយ៕
ដោយ៖ សួន ចំណាប់ ប្រចាំឧត្តរមានជ័យ
គេហទំព័រ ប៉ោយប៉ែត ប៉ុស្តិ៍
