ឯកឧត្តមបណ្ឌិត ប៉ាន់ខែម ប៊ុនថន ដឹកនាំក្រុមការងារចុះសួរសុខទុក្ខបងប្អូនប្រជាពលរដ្ឋ១៣គ្រួសារកំពុងសាងសង់ផ្ទះនឹងពិនិស្ថានភាពការរស់នៅជាក់ស្តែងរបស់ពួកគាត់ ដែលដោះស្រាយតាមគោលនយោបាយឈ្នះឈ្នះបញ្ចប់វិវាទដីធ្លីដ៏រ៉ាំរ៉ៃនាពេលកន្លងមកនៅកណ្ដាលក្រុងប៉ោយប៉ែត.!!!
ខេត្តបន្ទាយមានជ័យ៖ នៅព្រឹកនៅថ្ងៃសុក្រ ៣ រោច ខែទុតិយាសាឍ ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៤ ខែសីហា ឆ្នាំ២០២៣នេះ ឯកឧត្តមបណ្ឌិត ប៉ាន់ខែម ប៊ុនថន នាយករងខុទ្ទកាល័យ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា អមដំណើរដោយ ឯកឧត្តម ង៉ោ ម៉េងជ្រួន អភិបាលនៃគណៈអភិបាលរងខេត្តបន្ទាយមានជ័យ និងលោក ភោគ លន ចៅសង្កាត់ប៉ោយប៉ែត រួមទាំងកម្លាំងនគរបាលប៉ុស្តិ៍រដ្ឋបាលប៉ោយប៉ែត បានដឹកនាំក្រុមការងារ ចុះសំណេះសំណាលសួរសុខទុក្ខបងប្អូនប្រជាពលរដ្ឋទាំង១៣គ្រួសារ នឹងពិនិត្យស្ថានភាពការរស់នៅជាក់ស្តែង របស់ពួកគាត់ ដែលដោះស្រាយតតាមគោលនយោបាយឈ្នះឈ្នះបញ្ចប់វិវាទដីធ្លីរ៉ាំរ៉ៃនាពេលកន្លងមក ស្ថិតនៅក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែតខេត្តបន្ទាយមានជ័យ។
ឯកឧត្តមបណ្ឌិត ប៉ាន់ខែម ប៊ុនថន នាយករង ខុទ្ទកាល័យ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ក៏បានសាងសង់ផ្ទះជូនបងប្អូនប្រជាពលរដ្ឋ០៩គ្រួសារ ក្នុងចំណោម ១៣គ្រួសារ មករស់នៅទីតាំងថ្មី ស្ថិតនៅក្នុងភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
ក្នុងឱកាសនោះដែរ លោក ចាន់ ពុធ តំណាងអោយបងប្អូនប្រជាពលរដ្ឋ១៣គ្រួសារ សូមថ្លែអំណរគុណ និងសូមអរគុណដល់ ឯកឧត្តម បណ្ឌិត ប៉ាន់ខែម ប៊ុនថន ដែលបានយកចិត្តទុកដាក់ដល់ពួកយើងខ្ញុំ សូមជូនពរ ឯកឧត្តម បណ្ឌិត ប៉ាន់ខែម ប៊ុនថន និងលោកជំទាវ ព្រមទាំងបុត្រត្រី សូមជួបតែសេចក្ដីសុខចម្រើន កម្លាំងមាំមួន អាយុយឺនយូរ និងជួបតែសំណាងល្អក្នុងជីវិតជោគជ័យគ្រប់ភារកិច្ច សូមបានប្រកតែពុទ្ធិពរ៤ប្រការគឺ: អាយុវណ្ណៈ សុខៈ ពលៈ កុំបីឃ្លៀតឃ្លាតឡើយ៕
