ថ្ងៃសៅរ៍ ទី២២ ខែមិថុនា ឆ្នាំ២០៥០
លោកអគ្គនាយក ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ ( www.poipetpostnews.com ) whatsapp 092190098 / 0886606773 / Facebook ប៉ោយប៉ែតប៉ុស្តិ៍ / Page គេហទំព័រ ប៉ោយប៉ែតប៉ុស្តិ៍ / YouTube គេហទំព័រ ប៉ោយប៉ែតប៉ុស្តិ៍ / 📢 សេចក្តីជូនដំណឹងៈ គេហទំព័រ ប៉ោយប៉ែតប៉ុស្តិ៍ ត្រូវការជ្រើសរើសភ្នាក់ងារបន្ថែម ២៥ រាជធានី.ខេត្ត.ក្រុង.បើបងប្អូនមានចំណាប់អារម្មណ៍ សូមធ្វើការទំនាក់ទំនងមកការិយាល័យនិពន្ធ តាមរយៈលេខទូរស័ព្ទចំនួនពីរខ្សែTell.092 190 098 - 088 66 06 773 ) ដែលមានទីតាំងស្នាក់ការ ភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ សូមអរគុណ៕
កក្រើកសារជាថ្មីលើទឹកដីខេត្តមណ្ឌលគីរី ទៀតហើយ មេឈ្មួញឈ្មោះ រិទ្ធ រួមនិងគូកនកំពុងសម្រុក​ដឹកជញ្ជូនឈើយកទៅលក់​នៅ​ស្រុក​យួន ​តាម​ច្រក​ទ្វេភាគី​ណាំ​លា​ និង​ច្រកដាក់ដាំ បានដោយជោគជ័យ រីឯមន្ត្រីប្រចាំច្រកនាំគ្នាដេកចាំរាប់ក្បាលឡាន.!!!
Wed,20 September 2023 (Time 11:31 AM)
ដោយ ៖ គេហទំព័រ ប៉ោយប៉ែត ប៉ុស្តិ៍ (ចំនួនអ្នកអាន: 416នាក់)


ខេត្តមណ្ឌល​គី​រី៖ បើយោងប្រភពពីមន្ត្រី​អង្គការ​ក្រៅ​រាជរដ្ឋាភិបាលអ្នកឃ្លាំ​មើល​បទល្មើស​ព្រៃឈើ​នៅក្នុង​ខេត្ត​មណ្ឌលគិរី បាន​ផ្តល់រូបភាពដឹកឈើប៉ុន្មានសន្លឹក និងបានលើកឡើងថា​ ជាង១សប្ដាហ៍ទៅហើយ ក្នុងពាក់កណ្តាលខែកញ្ញា ឆ្នាំ២០២៣ នេះ មិនទាន់ឃើញ លោក ហែម បូ​ណា​រ៉ែ​ល មេបញ្ជាការ​កងរាជអាវុធហត្ថ​ខេត្ត​មណ្ឌលគិរី និង​ លោក ឡោ សុខា ស្នងការដ្ឋាន​នគរបាល​ខេត្ត​មណ្ឌលគិរី ក៏ដូចជា​ លោក ថង សាវុន អភិបាលខេត្ត​មណ្ឌលគិរី ដឹកនាំកម្លាំងសហការចុះទប់ស្កាត់ និងបង្ក្រាបបទល្មើសព្រៃឈើ​ដែលកំពុងកក្រើកសារជាថ្មី សម្រុកដឹកយកទៅលក់នៅស្រុកយួនទាល់តែសោះ.! ទើប​មេឈ្មួញ​ឈ្មោះ រិទ្ធ រួមនិង​បក្សពួកគូកនផ្សេងទៀត បានដៃ នាំគ្នាធ្វើ​សសកម្មភាព គៀងគរអោយពលរដ្ឋចូលទៅកាប់​បំផ្លិចបំផ្លាញ​ព្រៃឈើ​សារជាថ្មី និងឈើដែលនៅសល់ចាស់ នៅចំណុច ស្រែ​ប៊ូ​ម ភូមិ​រ៉ា​យោង​ ឃុំ​ប៊ូ​ស្រា ស្រុក​ពេជ្រា​ដា រួចដឹក​តាម​ប្រភេទ​រថយន្ត​ធុន​ត្រា​ជា​ច្រើ​ន​គ្រឿង សម្រុ​កចូលទៅ​ស្រុក​យួន តាម​ច្រក​ទ្វេភាគី​​ព្រំដែន​ណាំ​លា​ និងច្រកដាក់ដាំ ជារៀងរាល់ថ្ងៃយប់ បានដោយជោគជ័យក្នុងមុខជំនួញរបស់ខ្លួន។ ប្រភពបន្តថា រឺឯ អាជ្ញាធរមានមត្ថកិច្ច​ជំនាញ​ពាក់​ពន្ធ័​ ដែលមានស្នាក់ការប្រចាំតាមគោលដៅនិងច្រកទ្វេភាគីក្នុង​ខេត្ត​មណ្ឌលគីរី វិញ សង្ស័យអស់លោក ត្រូវថ្នាំសណ្ដំ ពីមេឈ្មួញដ៏ល្បី ឈ្មោះ រិទ្ធ រួមនិងឈ្មួញផ្សេងទៀតនោះអស់ហើយដែរ.! ទើបបានជាអស់លោកនាំគ្នារក្សា​ភាព​ស្ងៀមស្ងាត់ ជាថ្នូរមិនបង្ក្រាប។ ​ប្រការ​នេះ​ កំពង់បណ្តាលអោយឈើ​តូចធំក្នុង​តំបន់​ព្រៃ​ការពារ ព្រៃ​អភិរក្ស ព្រៃ​សហគមន៍​ក្នុង​ស្រុក​កោះ​ញ៉ែ​ក ស្រុក​ពេជ្រា​ដា ស្រុក​កែវ​សីមា​ រងការវិនាស​សាប​សូន្យ នៅក្នុង​ពេល​ឆាប់ៗ​ខាងមុខ​ជាក់ជាពុំខានឡើយ។ ដោយឡែក: បើយោប្រភព​ពីជ្រុងមួយពី​មន្ត្រីពីររូប ដែលនៅ​ច្រក​ទ្វេភាគី​ព្រំដែន​ណាំ​លា និងច្រកដាក់ដាំ សុំមិនបញ្ចេញឈ្មោះ បានអោយដឹងថា ជាង១​សប្ដាហ៍​កន្លងទៅ​នេះ​ មានមេឈ្មួញ​ជាច្រើន​នាក់​ ដែលជាគូកនលោក រិទ្ធ បាន​សម្រុក​ដឹកជញ្ជូន​ឈើ​ប្រណីត និង​ឈើ​ប្រភេទ​លេខ​១ គឺដឹកចេញពី​ចំណុច​ស្រែ​ប៊ូ​ម ក្នុង​ស្រុក​កោះ​ញែក ស្រុក​ពេជ្រា​ដា ដឹកយកទៅ​លក់អោយមេឈ្មួញធំៗនៅស្រុក​យួន តាម​ច្រក​ណាំ​លា យ៉ាងគគ្រឹកគគ្រេងបានដោយជោគជ័យ ក៏ព្រោះម្ចាស់ស្រុកជាអ្នកបើកដៃអោយចរាចរណ៍ក្នុងរយៈពេល៥ខែ ឯណោះ.! ទើបមេឈ្មួញទាំងនោះហ៊ានរកស៊ីមុខជំនួញដឹកឈើនេះ។ ប្រភពពីមន្ត្រីពីររូបដែលស្រលាញ់ ផលអនុផល ធនធានធម្មជាតិ បានបង្ហើយថា ក្នុងនោះ​មាន លោក យូ សុធា នាយ​ប៉ុស្តិ៍​នគរបាល​អន្តោប្រវេសន៍​ប្រចាំច្រក​ទ្វេភាគី​ព្រំដែន​ដាក់​ដាំ​ ស្រុក​អូររាំង កំពង់សម្ងំប្រមូលសេដ្ឋកិច្ចពីក្រុមមេឈ្មួញឈ្មោះ រិទ្ធ ដែលបានកំពង់ដឹកជញ្ជូន​ឈើ​យកទៅ​លក់នៅស្រុក​យួន យ៉ាង​ត្រជាក់ចិត្ត ប្រហែលជាលោក យូ សុធា ជាអ្នកដើរតួយ៉ាងសំខាន់ក្នុងការប្រមូលសេដ្ឋកិច្ចអោយថ្នាក់ដឹកនាំក្នុងខេត្តមណ្ឌលគិរីហើយ ទើបសកម្មភាពក្រុមឈ្មួញដឹកឈើរបស់លោក រិទ្ធ អាចដំណើរការទៅបានយ៉ាងរលូនដូច្នេះ.!។ ​ទោះជា​យ៉ាងណា​បើ​គ្មាន​ការបើក​បា​រ៉ាស់​ពី​សំណាក់​លោក យូ សុធា នាយ​ប៉ុស្តិ៍​នគរបាល​អន្តោប្រវេសន៍​ច្រក​ទ្វេភាគី​ព្រំដែន​ណាំ​លា​ទេនោះ គឺ​គ្មាន​ឈ្មួញ​ណា​ម្នាក់អាច​ដឹក​ជញ្ជូន​ឈើ​ពី​ទឹកដី​ខ្មែរ​ ឆ្លង​ដែនចូល​ទៅទឹកដី​យួន តាម​អំពើ​​ចិត្ត​បាននោះឡើយ។​ ​ប្រជា​សហសហគមន៍ក៏ដូចជា​ប្រជាពលរដ្ឋ​ ក្នុង​ភូមិ​រ៉ា​យោង ឃុំ​ប៊ូ​ស្រា ស្រុក​ពេជ្រា​ដា ស្រុក​កោះ​ញ៉ែ​ក សូមអំពាវនាវទៅដល់ នាយ​ឧត្ដមសេនីយ៍ សៅ សុខា មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស និង​ជា​ប្រធាន​គណៈកម្មការ​ថ្នាក់​ជាតិ ដើ​ម្បី​ទប់ស្កាត់​បទល្មើស​ព្រៃឈើ​ធនធានធម្មជាតិ ព្រមទាំង លោក ឌិ​ត ទីណា រដ្ឋមន្ត្រី​ក្រសួង​កសិកម្ម​រុក្ខា​ប្រមាញ់នេសាទ សូមមេត្តា​ចាត់​មន្ត្រី​ក្រោម​ឱវាទ​ ដាក់ការស៊ើបអង្កេតអោយបានស៊ីជម្រៅ ទៅលើមន្ត្រីគ្រាប់ល្ពៅមួយចំនួនតូចប្រចាំការនៅច្រកទ្វេភាគីខាងលើនោះផងទាន៕

ព័ត៌មានគួរចាប់អារម្មណ៍

កម្លាំងជំនាញសង្កាត់រដ្ឋបាលជលផលស្រុក ក្នុងខេត្តកំពង់ធំបន្តចុះបង្ក្រាបនិងទប់ស្កាត់បទល្មើសនេសាទក្នុងបឹងទន្លេសាប ខណ:បិទឡូនេសាទនៅរដូវត្រីពងកូន.!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូមាតុភូមិនិវត្តន៍ បន្ទាប់ពីបំពេញទស្សនកិច្ចដោយជោគជ័យ នៅប្រទេសអូស្ត្រាលី (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប ប្រកាសឡើងជាប្រធានគណៈកម្មាធិការសមាគមអតីតយុទ្ធជនកម្ពុជាខេត្តសៀមរាប ជំនួស ឯកឧត្តម សុិន ភាត់ ដែលត្រូវផ្លាស់ប្តូរភារកិច្ច.!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញដឹកនាំកិច្ចប្រជុំស្តីពីការពិនិត្យវឌ្ឍនភាពនៃការប្រយុទ្ធប្រឆាំងគ្រឿងញៀនឆ្លងដែនខុសច្បាប់ និងចុះពិនិត្យមើលទីតាំងភូមិសាស្ត្រខេត្តបន្ទាយមានជ័យ (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

កក្រើកសារជាថ្មីលើទឹកដីតំបន់៣ដែលជាតំបន់ហាមឃាត់ ដោយមានបុគ្គលឈ្មោះ សេង មង្គល កំពុងដាក់អេស្កាវ៉ាទរ័២គ្រឿងទន្ទ្រាន់ជីកអាចម៍ដីយកទៅលក់ ព្រោះសំអាងលិខិតអនុញ្ញាតិ "ស្តារឃ្លាំងទឹកចាស់មួយច្បាប់ដែលផុតសុពលភាពតាំងពីឆ្នាំ២០២៣" មកបិទបាំងមុខជំនួញរបស់ខ្លួន.!!! (វគ្គ១) (គេហទំព័រ ប៉ោយប៉ែត ប៉ុស្តិ៍)

វីដែអូ

ចំនួនអ្នកទស្សនា

ថ្ងៃនេះ :
128 នាក់
ម្សិលមិញ :
145 នាក់
សប្តាហ៍នេះ :
2043 នាក់
ខែនេះ :
16888 នាក់
3 ខែនេះ :
40956 នាក់
សរុប :
1439240 នាក់