នៅរសៀលថ្ងៃអាទិត្យ ទី២៤ ខែកញ្ញា ឆ្នាំ២០២៣នេះ ឃើញមានអង្គភាពសារព័ត៌មានជាច្រើនអង្គភាព រួមអង្គភាពគេហទំព័រ«ដើមរាំង»ផងដែរ បាននាំគ្នាប្រតិកម្ម និងប្រកាសថ្កោលទោស! ចំពោះបុគ្គលឈ្មោះ ផែង វណ្ណៈ ដែលជាចាងហ្វាងការផ្សាយ Pheng Vannak News។ ដែលបានប្រើគណនីហ្វេសប៊ុកឈ្មោះ ផែង វណ្ណៈ និងឈ្មោះ Pheng Vannak News ដែលបានចេញវីដេអូផ្សាយរិះគន់ក្នុងន័យប្រមាថតិះដៀលមាក់ងាយ បំពានសិទ្ធិមកលើ បងប្អូនអ្នកសារព័ត៌មានមួយប្រទេសកម្ពុជាយ៉ាងធ្ងន់ធ្ងរ ដែលពួកគាត់មិនអាចទទួលយកបាន។ ដូចជាការប្រើពាក្យថា«ពួកអាកាសែតខ្ចប់មមីសមាន់មួយរៀលៗ ពាក់កាតដើរសុំលុយគេ ពាក់កាតដើរឡាយតាមផ្ទះគេអ្នករកស៊ី ដេញចាប់រថយន្តដឹកជ្រូកដឹកឈើដឹកគោក្របី ដូចពួកចាប់ជំរិត។ ឈ្មោះ ផែង វណ្ណៈ បន្តថា ដឹងព័ត៌មានហើយមិនផ្សាយ បែរជាយកព័ត៌មាននោះទៅគោះសុំលុយគេ ក៏ស្មើនឹងពួកចាប់ជំរិតដែរ ។ ឈ្មោះ ផែង វណ្ណៈ អះអាងទៀតថា សមត្ថភាពប៉ុនខ្លួន តើឱ្យទៅពាក់កាតដើរឡាយ តាមចិញ្ចើមផ្លូវដូចពួកអាឆ្កួតអស់នឹង ម្ដេចនឹងកើត។ មិនតែប៉ុណ្ណោះបុគ្គល ផែង វណ្ណៈ "ក៏បានចាត់ទុកបងប្អូនអ្នកសារព័ត៌មានទាំងពូជ មិនស្មើនិងចុងក្រចកជើងរបស់ខ្លួន"និងបានបង្ហោះភ្ជាប់រូបភាព ដោយសរសេរសំណេរថា ពួកអាកាសែតរហេមរហាមទៀតផង»។ ការប្រមាថមកលើអ្នកសារព័ត៌មានយ៉ាងធ្ងន់ធ្ងរពីសំណាក់បុគ្គល ផែង វណ្ណៈ ត្រូវបានគេចែកចាយតាមបណ្ដាញសង្គមនៅពេលថ្មីៗនេះ ។ ទង្វើរបស់បុគ្គលឈ្មោះ ផែង វណ្ណៈ ខាងលើនេះពុំមែនជាការរិះគន់ក្នុងន័យស្ថាបនានោះឡើយ លោកកំពុងតែបំពានសិទ្ធិសេរីភាពមកលើអ្នកសារព័ត៌មានហើយ។ ហើយការរិះគន់របស់បុគ្គល ផែង វណ្ណៈ ទៀតសោត គឺមានចរឹតញុះញង់ បង្កអោយមានការរើសអើង និង បង្កភាពវឹកវរដល់សង្គម ធ្វើអោយប្រជាពលរដ្ឋមានការភ័ន្តច្រឡំ បាត់បង់ជំនឿទុក្ខចិត្តមកលើស្ថាប័នព័ត៌មាន ដែលជាស្ថាប័នអ្នកនាំពាក្យរបស់ជាតិ ក៏ដូចជាបងប្អូនអ្នកសារព័ត៌មានផ្ទាល់ដែលកំពុងតែប្រកាន់ភ្ជាប់ វិជ្ជាជីវៈ បម្រើដល់សង្គមជាតិ។ អាស្រ័យហេតុនេះ ទើបបងប្អូនអ្នកសារព័ត៌មានជាច្រើនអង្គភាព រួមនិងខ្ញុំបាទ ជួង វណ្ណអាង ចាងហ្វាងការផ្សាយ «គេហទំព័រ ប៉ោយប៉ែត ប៉ុស្តិ៍ / Kehaktompor Poipet post » សូមទទូចស្នើសុំទៅដល់ ឯកឧត្តម នេត្រ ភក្ត្រា រដ្ឋមន្ត្រី ក្រសួងព័ត៌មាន ជាពិសេស សូមសំណូមពរទៅដល់ សម្តេចបរវធិបតី ហ៊ុន ម៉ាណែតនាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តមអភិសន្តិបណ្ឌិត ស សុខា ឧបនាយក រដ្ឋមន្ត្រី រដ្ឋមន្ត្រីក្រសួងមហាផ្ទៃ សូមមេត្តាចាត់វិធានការទៅលើបុគ្គលឈ្មោះ ផែង វណ្ណៈ អោយធ្ងន់ធ្ងរ ដើម្បីរកភាពយុត្តិធម៌ដល់ស្ថាប័ន ព័ត៌មាន ស្អាតស្អំផងទាន បើពុំដូច្នោះទេ បុគ្គលរូបនេះ និងបន្តភាពវឹកវរក្នុងសង្គមបន្តថែមទៀតជាក់ជាពុំខាន...(សូមទស្សនាវីដេអូ លោក ផែង វណ្ណៈ ប្រមាថតិះដៀលមាក់ងាយ បំពានសិទ្ធិមកលើ បងប្អូនអ្នកសារព័ត៌មានមួយប្រទេសកម្ពុជា)៕