ខេត្តបន្ទាយមានជ័យ៖ នារសៀលថ្ងៃចន្ទ ទី២៥ ខែកញ្ញា ឆ្នាំ២០២៣ វេលាម៉ោង០២ និង៣០ នាទីរសៀល ឯកឧត្ដម អ៊ុំ រាត្រី អភិបាលនៃគណៈអភិបាលនៃគណអភិបាលខេត្ត​បន្ទាយមានជ័យ ដឹកនាំប្រតិភូខេត្តបន្ទាយមានជ័យ ជួបជាមួយ​ ឯកឧត្តម ឧបនាយករដ្ឋមន្រ្តី​ រដ្ឋមន្រ្តីក្រសួងការបរទេស​ និងប្រតិភូ​ នៃព្រះរាជាណាចក្រថៃ បានចុះត្រួតពិនិត្យទីស្នាក់ការប៉ុស្តិ៍នគរបាលច្រកទ្វារព្រំដែនអន្តរជាតិស្ទឹងបត់ នៅចំណុចស្ពានមិត្តភាពកម្ពុជា-ថៃ​ (ណងអៀង-ស្ទឹងបត់) ក្រុងប៉ោយប៉ែត​ ខេត្តបន្ទាយមានជ័យ។ ក្នុងជំនួបទស្សនកិច្ចនោះផងដែរ លោកវរសេនីយ៍ឯក ឆោម ភ័ព្វ នាយយប៉ុស្តិ៍ច្រកស្ទឹងបត់ បានដឹកនាំកងកម្លាំងរៀបចំសណ្តាប់ធ្នាប់ ការពារសុវត្ថិភាព និងទទួលស្វាគមន៍បដិសណ្ឋារកិច្ច គណៈប្រតិភូជាន់ខ្ពស់ នៃព្រះរាជាណាចក្រថៃ ដឹកនាំដោយ ឯកឧត្ដម ប៉ានព្រី ផាហិថានុកន ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស ព្រមទាំងសហការី ដោយមានការទទួលស្វាគមន៍បដិសណ្ឋារកិច្ច ដែលមានវត្តមាន ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ ព្រមទាំងប្រតិភូសហការី បានអញ្ជើញមកទស្សនកិច្ចស្វែងយល់អំពីលំហូរចូល-ចេញ របស់យានយន្តដឹកទំនិញ និងពិនិត្យលើវឌ្ឍនភាពហេដ្ឋានរចនាសម្ព័ន្ធនានា នៅក្នុងច្រកទ្វារព្រំដែនអន្តរជាតិស្ទឹងបត់ (ណងអៀង-ស្ទឹងបត់) ក្រុងប៉ោយប៉ែត​។ ក្នុងការទស្សនកិច្ច របស់គណៈប្រតិភូជាន់ខ្ពស់ នៃព្រះរាជាណាចក្រថៃ នារសៀលនេះផងដែរ នៃការវិលត្រលប់ទៅកាន់ប្រទេសថៃវិញ ឃើញថា ឯកឧត្ដម ប៉ានព្រី ផាហិថានុកន ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស ព្រមទាំងសហការី ប្រកបដោយទឹកមុខស្នាមញញឹមយ៉ាងកក់ក្តៅ ប្រកបដោយសុវត្ថិភាព នឹងបានថតរូបជាមួយថ្នាក់ដឹកនាំប្រតិភូខេត្តបន្ទាយមានជ័យ ទុកជាអនុស្សាវរីយ៍ផងដែរ៕