ខេត្តឧត្ដរមាន៖ ចំណីអាហាខូចគុណភាពជាច្រើនត្រូវបានក្រុមឈ្មួញសម្រុកដឹកចេញពីប្រទេសថៃចូលមកប្រទេសកម្ពុជាតាមច្រកទ្វាអន្តរជាតិជាំសាងុាំ ក្រោមការបើកភ្លើងខៀវពីសំណាក់លោក រ៉ែម ផល្លាវី ប្រធានស្នាក់ច្រកទ្វារអន្តរជាតិជាំសាងុាំ សហការបានយ៉ាងល្អជាមួយលោក ញឹប ផល្លិក គយចល័តក្រសួង បើកអោយនាំចូលចំណីអាហារខូចគុណភាពចូលមកស្រុកអន្លង់វែងនិងចែកចាយតាមបណ្ដាខេត្តមួយចំនួនដោយមិនគិតពីផលប៉ះពាល់ដល់សុខភាពរស់នៅប្រចាំថ្ងៃរបស់ប្រជាពលរដ្ឋខ្មែរបន្តិចសោះក្នុងការបរិភោគចំណីអាហារគ្មាន គុណភាព គ្មាន ចូលមកក្នុងទីផ្សារខ្មែរ។ ចំណីអាហារដែលក្រុមឈ្មួញនាំចេញពីប្រទេសថៃ-ចូលមកប្រទេសកម្ពុជា តាមច្រកទ្វារអនន្តរជាតិជាំសាងុាំមួយចំនួន ត្រូវបានមន្រ្តីជំនាញ(ក.ប.ប)សាខាខេត្តឧត្តរមានជ័យចុះមកត្រួតពិនិត្យនៅផ្សារអន្លង់វែង ស្ថិតក្នុងភូមិអូរជញ្ជៀន ឃុំអន្លង់វែង ស្រុកអន្លង់វែង រកឃើញទីតាំងស្តុបនិងលក់ចែកចាយចំណីអាហារ ជើងមាន់ ឆ្អឹងមាន់ ស្លាបមាន់ ជង្គង់មាន់ និងគ្រឿងក្នុងសត្វគ្រប់ប្រភេទ នៅផ្សារអន្លង់វែងមួយកន្លែង ម្ចាស់ឈ្មោះ តឿ លក់ចែកចាយចំណីអាហារខូចគុណជូនដល់ប្រជាពលរដ្ឋបរិភោគស្ទើរតែរាល់ថ្ងៃទៅហើយ។ នាថ្ងៃទី៧ ខែកញ្ញា ឆ្នាំ២០២៣ មន្រ្តីជំនាញ(ក.ប.ប)បានពិនិត្យឃើញថា ទីតាំងលក់ចំណីអាហាររបស់ម្ចាស់ទីតាំងឈ្មោះតឿ មានការលក់អាហារដែលជាកោះមាន់(ខូចគុណភាពឬហៅថាហូសឌឺឡេ )ទើបមន្រ្តីជំនាញ (ក.ប.ប)លើកដាក់រថយន្តយកទៅដុតកម្ទេចចោល។ នេះហើយជាមូលហេតុធ្វើអោយពលរដ្ឋខ្មែរ សិក្សាសិស្ស កុមារតូចៗ ទាំងក្មេងទាំងចាស់បរិភោគទៅខូចសុខាភាព និងអាចកើតជម្ងឺមួយចំនួន ដូចជា៖ ជម្ងឺរាករុស ក្អួត ចង្អោរ ឈឺក្បាល ជម្ងឺដាច់សសៃឈាម និង ជម្ងឺមហារីកជាដើម្បី។ល។ បើយោងតាមការលើកឡើងពីម្ចាស់ទីតាំងលក់ចំណីអាហារឈ្មោះតឿ បានប្រាប់អ្នកសារព័ត៍មានថាមន្រ្តីជំនាញ (ក.ប.ប)សាខាខេត្តឧត្ដរមានជ័យបានផាក់ពិន័យពួកគាត់ចំនួន(5លានរៀន)តែមានការយោគយល់និងសម្រួលគ្នាចុះឡើងសល់ត្រឹម(3លានរៀលប៉ុណ្ណោះ)។ ហើយមន្រ្តីជំនាញ(ក.ប.ប)បានដឹកយកកោះមាន់ដាក់ក្នុងរថយន្តមួយចំនួនធំ។ លោក លិញ សុវឌ្ឍ នាមន្រ្តីជំនាញ( ក ប.ប)បានប្រាប់អ្នកសារព័ត៍មានបីអង្គភាពថាហាមថត ហាមចុះផ្សាយ ព្រោះកម្លាំងមន្រ្តីជំនាញកំពុងប្រត្តិបត្តិការ ខ្លាចផ្អើលដល់ទីតាំងផ្សេងទៀត បើចុះផ្សាយប្រយត្ន័ម្ចាស់ទីតាំងគេប្ដឹង។ ជុំវិញករណីខាងលើ រាល់សំណេរផ្សព្វផ្សាយព័ត៍របស់អង្គភាព គេហទំព័រ ប៉ោយប៉ែតប៉ុស្តិ៍យើងខ្ញុំគ្រាន់តែរិះគន់ក្នុងន័យស្ថាបនាប៉ុណ្ណោះមិនបានបង្កាច់ បង្ខូចអ្វីនោះឡើយ តាមវិជ្ជាជីវះ ស្ដីរពីរបបសារព័ត៍មាន ផ្សាយពីមតិ ពលរដ្ឋជូនដល់ថ្នាក់ដឹកនាំ ផ្សាយពីមតិ ថ្នាក់ដឹកជូនប្រជាពលរដ្ឋ ហើយបើសារមុីខ្លួនពាក់គិតថាអង្គភាពយើងខ្ញុំផ្សាយមិនគ្រប់ជ្រុងជ្រោយនូវប្រការណាមួយ អង្គភាពយើងខ្ញុំរងចាំការបកស្រាយបំភ្លឺជានិច្ចរាល់ម៉ោងធ្វើការ៕ ដោយ: សួន ចំណាប់ ប្រចាំខេត្តឧត្តរមានជ័យ គេហទំព័រ ប៉ោយប៉ែត ប៉ុស្តិ៍