មានវីដេអូ! លោក គាត ហ៊ុល អភិបាលក្រុងប៉ោយប៉ែត ដឹកនាំមន្ត្រីក្រោមឱវាទរួមទាំងគណៈគ្រប់គ្រងក្រុមហ៊ុនកាស៊ីណូ ហ្គ្រែនដាយអឹម៉ិនស៊ីធី និងប៉ោយប៉ែត រីសត ចុះសួរសុខទុក្ខចែកគ្រឿងឧបភោគបរិភោគដល់ប្រជាពលរដ្ឋ៥០០គ្រួសារ មកពីភូមិជាច្រើននៅក្នុងក្រុងប៉ោយប៉ែត
ខេត្តបន្ទាយមានជ័យ៖ លោក គាត ហ៊ុល អភិបាលនៃ គណៈអភិបាលក្រុងប៉ោយប៉ែត ដឹកនាំមន្ត្រីក្រោមឱវាទ រួមទាំងគណៈគ្រប់គ្រងក្រុមហ៊ុនកាស៊ីណូ ហ្គ្រែនដាយអឹម៉ិនស៊ីធី និងប៉ោយប៉ែត រីសត រួមនិងក្រុមយុវជនស្រឡាញ់សន្តិភាព បានអញ្ជើញចុះសំណេះសំណាល សួរសុខទុក្ខ និងបានចែកគ្រឿងឧបភោគបរិភោគដល់ប្រជាពលរដ្ឋ៥០០គ្រួសារ ដែលមកពីភូមិជាច្រើន ក្នុងសង្កាត់អូជ្រៅ.សង្កាត់ប៉ោយប៉ែត.ក្រុងប៉ោយប៉ែត នៅព្រឹកថ្ងៃទី០១ ខែមករា ឆ្នាំ២០២៤ នៅកាស៊ីណូហ្គ្រែនដាយអឹម៉ិនស៊ីធី។
នៅក្នុងឱកាសសំណេះសំណាលសួរសុខទុក្ខនោះដែរ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានថ្លែងកោតសរសើរ និងថ្លែងអំណរគុណ ឯកឧត្តម លោកជំទាវ លោកឧកញ៉ា សប្បុរសជនជាតិ និងអន្តរជាតិ លោកប្រធានក្រុមហ៊ុន លោកអភិបាលក្រុមហ៊ុន និងសហការីទាំងអស់ នូវការលះបង់ធនធានផ្ទាល់ខ្លួន ចូលរួមចំណែកជាមួយរដ្ឋបាលក្រុងប៉ោយប៉ែត ក្នុងការងារជួយសម្រួលលើការផ្តល់គ្រឿង ឧបភោគ បរិភោគ ដល់ប្រជាពលរដ្ឋចំនួន៥០០គ្រួសារ។
ក្នុងនេះផងដែរប្រជាពលរដ្ឋចំនួន ៥០០ គ្រួសារ ដែលរងការខ្វះខាតក៏បានសូមថ្លែងអំណរអរគុណចំពោះសប្បុរសជន និងអាជ្ញាធរក្រុងសង្កាត់ ដែលបានជួយឧបត្ថម្ភគ្រឿងឧបភោគបរិភោគជូនដល់ពួកគាត់ដើម្បីដោះស្រាយជីវភាពគ្រួសារក្នុងខណ:ដែលពួកគាត់កំពង់រងការខ្វះខាត។
ជាចុងក្រោយ: ប្រជាពលរដ្ឋ៥០០គ្រួសារសូមជូនពរដល់អាជ្ញាធរក្រុង.សង្កាត់ និងសប្បុរសជនទាំងអស់ សូមមានសុខភាពល្អបរិបូរណ៌ និងជោគជ័យគ្រប់ភារកិច្ច នៅមុខជំនួញនានា ក្នុងឱកាសឆ្នាំថ្មីនេះ៕
