មានវីដេអូ! ប្រជាពលរដ្ឋមានជីវភាពខ្វះខាតជួបការលំបាក៥០គ្រួសារទទួលគ្រឿងឧបភោគ បរិភោគពីសប្បុរសជនជាតិឥណ្ឌូនេស៊ី តាមរយៈព្រះគ្រូចៅអធិការវត្តរតនៈសុខសាន្តហៅវត្តអូរខៃដន
ខេត្តបន្ទាយមានជ័យ៖ ប្រជាពលរដ្ឋមានជីវភាពខ្វះខាតជួបការលំបាក៥០គ្រួសារទទួលគ្រឿងឧបភោគ បរិភោគពីសប្បុរសជនជាតិឥណ្ឌូនេស៊ី តាមរយៈព្រះគ្រូចៅអធិការវត្តរតនសុខសាន្តហៅវត្តអូរខៃដន ដែលចែកនៅរសៀលថ្ងៃទី០១ ខែមករា ឆ្នាំ២០២៤ នៅបរិវេនវត្តរតនៈសុខសាន្ត (ហៅវត្តអូរខៃដន) ក្នុងភូមិរតនសុខសាន្ត សង្កាត់និមិត្ត ក្រុងប៉ោយប៉ែត។
ព្រះគ្រូ ណយ ណេត ព្រះចៅអធិការវត្តរតនសុខសាន្ត មានសង្ឍដីកាថា៖ គ្រឿងឧបភោគ បរិភោគ ដែលយកមកចែកជូនប្រជាពលរដ្ឋជួបការលំបាកមានជីវភាពខ្វះខាត ចំនួន៥០គ្រួសាររស់នៅក្នុងភូមិរតនសុខសាន្ត ទទួលបានការឧបត្ថម្ភពីសប្បុរសជន ជាតិឥណ្ឌូនេស៊ី គឺ លោក អាលី រួមជាមួយក្រុមគ្រួសារដែលជាអាជីវករនៅក្រុងប៉ោយប៉ែត ដែលមានសទ្ធាជ្រះថ្លា តាមរយៈព្រះអង្គ យកមកចែកជូនដល់ពួកគាត់ដែលកំពុងមានជីវភាពខ្វះខាត។
ព្រះគ្រូ ណយ ណេត ព្រះចៅអធិការវត្តរតន:សុខសាន្ត មានសង្ឃដីកាថ្លែងអំណរគុណចំពោះ សប្បុរសជនជាតិឥណ្ឌូនេស៊ី លោក អាលី និងក្រុមគ្រួសារដែលមានសទ្ធាជ្រះថ្លាជួយដល់ប្រជាពលរដ្ឋដែលកំពុងតែជួបការលំបាក ដើម្បីដោះស្រាយជីវភាពបានមួយគ្រា ដែលជានិច្ចជាកាលលោកអាលី និងក្រុមគ្រួសារតែងតែជួយឧបត្ថម្ភដល់ប្រជាពលរដ្ឋជារឿយៗផងដែរ៕
