ខេត្តបន្ទាយមានជ័យ៖ សូមកោតសរសើរនូវទឹកចិត្តដ៏ថ្លៃថ្លារបស់ ឯកឧត្តមបណ្ឌិត ប៉ាន់ខែម ប៊ុនថន នាយករងខុទ្ទកាល័យសម្តេចបវរធិបតី ហ៊ុន ម៉ាណែត នាយករដ្ឋមន្រ្តី និងប្រធានក្រុមការងាររាជរដ្ឋាភិបាលចុះជួយមូលដ្ឋានក្រុងប៉ោយប៉ែត និងលោក គាត ហ៊ុល អភិបាលក្រុងប៉ោយប៉ែតបានជួយ ឧបត្ថម ថវិកាចំនួន (៤០ម៉ឺនរៀល) ដល់អ្នករងរបួសធ្ងន់ម្នាក់ ដែលកំពុងជួបគ្រោះថ្នាក់ចរាចរណ៍ ក្នុងហេតុការណ៍នោះផងដែរ ឯកឧត្តមបណ្ឌិត ប៉ាន់ខែម ប៊ុនថន ក៏បានទំនាក់ទំនងអន្តរាគមន៍ ហៅរថយន្តសង្គ្រោះមកយកអ្នករងរបួសធ្ងន់នោះទៅសង្គ្រោះនិងសម្រាកព្យាបាលនៅឯមន្ទីរពេទ្យ។ សូមបញ្ជាក់ផងដែរថា៖ នៅព្រឹកថ្ងៃសៅរ៍ ទី២៨ ខែធ្នូ ឆ្នាំ២០២៤ ខណៈដែល ឯកឧត្តមបណ្ឌិត ប៉ាន់ខែម ប៊ុនថន និងលោក គាត ហ៊ុល រួមនិងក្រុមការងារបានធ្វើដំណើរ ចេញពីក្រុងប៉ោយប៉ែតលើដងផ្លូវជាតិលេខ៥ ឆ្ពោះទៅប្រជុំនៅសាលាខេត្តបន្ទាយមានជ័យ ស្រាប់តែដល់ចំណុចស្រុកអូរជ្រៅ បានប្រទះឃើញហេតុការណ៍គ្រោះថ្នាក់ចរាចរណ៍ មួយបានកើតឡើង ក៏ផ្អាកបន្តដំណើរសិន ចុះសួរនាំទៅកាន់សាច់ញាតិជនរងគ្រោះ ដែលបើកបរដោយម៉ូតូជួបគ្រោះថ្នាក់ នៅខណៈនោះផងដែរ ជនរងគ្រោះដែលរបួសធ្ងន់ បានទទួលការជួយសង្គ្រោះយ៉ាងយកចិត្តទុក្ខដាក់ ក្រោមវត្តមាន ឯកឧត្តមបណ្ឌិត ប៉ាន់ ខែមប៊ុនថន និងក្រោមវត្តមាន លោក គាត ហ៊ុល អភិបាលក្រុងប៉ោយប៉ែត។ នេះសបញ្ជាក់ឲ្យឃើញថា ឯកឧត្តមបណ្ឌិត ប៉ាន់ខែម ប៊ុនថន និងលោក គាត ហ៊ុល ជាថ្នាក់ដឹកនាំដ៏ល្អមួយរូប និងជាថ្នាក់ដឹកនាំគំរូផងដែរ បើទោះបីជារវល់ការងារបន្ទាន់យ៉ាងណាក្នុងការបំពេញភារកិច្ចក្តី ក៏ផ្អាកដំណើរសិន ដើម្បីជួយសង្គ្រោះអាយុជីវិតមនុស្សដែលកំពុងជួបគ្រោះថ្នាក់ចរាចរណ៍លើដងផ្លូង។ មិនតែប៉ុណ្ណោះ ថែមទាំង ឧបត្ថម្ភ ថវិកា មួយចំនួន ជូនដល់អ្នករងរបួស ដើម្បីយកទៅដោះស្រាយតាមតម្រូវការបានមួយគ្រាផងដែរ៕