ថ្ងៃសុក្រ ទី០៤ ខែមេសា ឆ្នាំ២០៥០
លោកអគ្គនាយក ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ ( www.poipetpostnews.com ) whatsapp 092190098_ 0886606773 / Facebook ប៉ោយប៉ែតប៉ុស្តិ៍ / Page គេហទំព័រ ប៉ោយប៉ែតប៉ុស្តិ៍ / YouTube គេហទំព័រ ប៉ោយប៉ែតប៉ុស្តិ៍ / 📢 សេចក្តីជូនដំណឹងៈ គេហទំព័រ ប៉ោយប៉ែតប៉ុស្តិ៍ ត្រូវការជ្រើសរើសភ្នាក់ងារបន្ថែម ២៥ រាជធានី.ខេត្ត.ក្រុង.បើបងប្អូនមានចំណាប់អារម្មណ៍ សូមធ្វើការទំនាក់ទំនងមកការិយាល័យនិពន្ធ តាមរយៈលេខទូរស័ព្ទចំនួនពីរខ្សែTell.092190098_ 0886606773) ដែលមានទីតាំងស្នាក់ការ ភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ សូមអរគុណ៕
បើតាមរបាយការណ៍នៃអធិការដ្ឋាននគរបាលក្រុងប៉ោយប៉ែត យ៉ាងហោចណាស់ក្មេងទំនើង២នាក់ត្រូវបានជំនាញចាប់ខ្លួន នឹងបានសារភាពសកម្មភាពរបស់ខ្លួន ដែលបានប្រព្រឹត្តនាពេលកន្លងមក.!!!
Sun,29 December 2024 (Time 11:18 AM)
ដោយ ៖ ប៉ោយប៉ែតប៉ុស្តិ៍ (ចំនួនអ្នកអាន: 156នាក់)


ក្រុងប៉ោយប៉ែត៖ នៅថ្ងៃចន្ទ៨រោច ខែមិគសិរ ឆ្នាំរោង ឆស័ក ព.ស២៥៦៨ ត្រូវហ្នឹងថ្ងៃទី២៣ ខែធ្នូ ឆ្នាំ២០២៤នេះ ដោយមានការយកចិត្តទុកដាក់ពីលោកឧត្តមសេនីយ៍ទោ សិទ្ធិ ឡោះ ស្នងការខេត្តលោកវរៈសេនីយ៍ទោ ព្រហ្ម ពិសិដ្ឋ អធិការនៃអធិការដ្ឋាននគរបាលក្រុងប៉ោយប៉ែតបានដឹកនាំជំនាញផ្នែក ចុះអនុវត្តសិក្សាស្រាវជ្រាវ ជាលទ្ធផល នៅវេលាម៉ោង៩និង៥០នាទី កម្លាំងប៉ុស្តិ៍នគរបាលរដ្ឋបាលអូរជ្រៅបានទទួលបណ្ដឹងពីឈ្មោះម៉ា ចន្ទធឿន អាយុ១៩ឆ្នាំ ជនជាតិខ្មែរ ស្នាក់នៅភូមិព្រៃព្រិច សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ បានដាក់ពាក្យបណ្តឹងនិងរៀបរាប់ថា នៅថ្ងៃខែឆ្នាំដ៏ដែល វេលាម៉ោង៣និង០០នាទីទាបភ្លឺ ខ្លួនបានចេញពីធ្វើការហើយ ជិះម៉ូតូតែម្នាក់ឯងទៅផ្ទះ ពេលជិះតាមផ្លូវដល់កាស៊ីណូហ្គោលឌិនស្ទួចត្រី ស្រាប់តែក្មេងទំនើងមានគ្នាប្រហែល៦នាក់ ជិះម៉ូតូ៣គ្រឿង ប្រដាប់ដោយកំបិត បានដេញជិះ កាប់ខ្លួន ពេលនោះខ្លួនបានជិះដល់ផ្លូវបត់ចូលផ្ទះស្រាប់តែម៉ូតូដួល ហើយពួកបានតាមទាន់ កាប់មកលើខ្លួនចំខ្នង ហើយលើកម៉ូតូទៅបាត់។ម៉ូតូដែលពួកវាយកទៅ ម៉ាកហុងដាឌ្រីម ពណ៍ខ្មៅ ស៊េរីឆ្នាំ២០២៣ ពាក់ស្លាកលេខ 1AV-4180 លេខតួនិងលេខម៉ាស៊ីន០០៧៤១១៦។ ដើមបណ្ដឹងសំណូមពរសូមអោយសមត្ថកិច្ចជួយស្រាវជ្រាវរកម៉ូតូ និងចាត់ការតាមផ្លូវច្បាប់។ បន្ទាប់មកនៅថ្ងៃទី២៦ ខែធ្នូឆ្នាំ២០២៤ វេលាម៉ោង វេលាម៉ោង៩ព្រឹក កម្លាំងជំនាញ នៃអធិការដ្ឋាននគរបាលក្រុងប៉ោយប៉ែត បានស្រាវជ្រាវរកឃើញម៉ូតូ១គ្រឿងទុកប្លុងចោល នៅភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ បន្ទាប់មកទៀត នៅថ្ងៃទី២៧ ខែធ្នូ ឆ្នាំ២០២៤ វេលាម៉ោង២២និង៥០នាទី កម្លាំងជំនាញបានស្រាវជ្រាវនិងឃាត់ខ្លួនបានជនសង្ស័យចំនួន២នាក់ យកមកអធិការដ្ឋានដើម្បីសួរនាំ ។ ទី១ /.ជនសង្ស័យឈ្មោះឈិន សីហា ភេទប្រុស អាយុ១៦ឆ្នាំ ស្នាក់នៅភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត ខេត្ត បន្ទាយមានជ័យ បានឆ្លើយសារភាព កាលពីថ្ងៃទី២៣ ខែធ្នូ ឆ្នាំ២០២៤ វេលាម៉ោង៣ទាបភ្លឺ ខ្លួននិងបក្ខពួកចំនួន៦នាក់ មានឈ្មោះភុំ ភេទប្រុស អាយុប្រហែល១៥ឆ្នាំ ,ឈ្មោះអាឡិច ភេទប្រុស អាយុប្រហែល១៧ឆ្នាំ ,ឈ្មោះអាម៉ាប់ ភេទប្រុស អាយុប្រហែល១៧ឆ្នាំ និង២នាក់ទៀតពុំស្គាល់ឈ្មោះ ។ពេលនោះខ្លួនជិះខាងក្រោយអាភុំ កាន់កាំបិតផ្គាក់ខ្លី ហើយអាម៉ាប់កាន់កាំបិតផ្គាក់វែង ខ្លួននិងបក្ខពួកបានធ្វើសកម្មភាពកាប់យកម៉ូតូម៉ាកហុងដាឌ្រីម ពណ៍ខ្មៅ ស៊េរីឆ្នាំ២០២៣ ពេលបានហើយអាឡិចអ្នកយកម៉ូតូទៅទុក។ នៅថ្ងៃទី២៤ ខែធ្នូ ឆ្នាំ២០២៤ វេលាម៉ោង២ទាបភ្លឺ ខ្លួននិងបក្ខពួក ចំនួន៦នាក់ ម៉ូតូចំនួន៣គ្រឿង កាំបិត២ដើម បានធ្វើសកម្មភាពកាប់យកម៉ូតូ នៅខាងត្បួងវត្តថ្មី ។ ពេលកាប់យកម៉ូតូបានហើយ អាឡិចបានយកទៅលក់មិនដឹងលក់កន្លែងណា ហើយខ្លួនបានប្រាក់២០០០B(ពីរពាន់បាត)។ នៅថ្ងៃទី១៧ ខែធ្នូ ឆ្នាំ២០២៤ វេលាម៉ោង៣ទាបភ្លឺ ខ្លួននិងបក្ខពួក ចំនួន៤នាក់ ២ម៉ូតូ កាំបិត១ដើម កាប់បានម៉ូតូ១គ្រឿងម៉ាកហុងដាឌ្រីម ពណ៍ខ្មៅ ស៊េរីឆ្នាំ២០២៤ ខ្លួនបានលុយ៤០០០B(បួនពាន់បាត)។ រយៈពេល៥ខែមុន ខ្លួននិងបក្ខពួកចំនួន៦នាក់ ម៉ូតូ៣គ្រឿង   បានធ្វើសកម្មភាពភាព កាប់ម៉ូតូគេ ហើយដេញកាប់និងគប់ ក្រុមម្ខាងទៀតព្រោះវាឌឺមើលមុខ។ ខ្លួននិងបក្ខពួកធ្លាប់ធ្វើសកម្មភាពឆក់ទូរស័ព្ទនិងកាបូបលុយចំនួន៤លើក។ ទី២/.ជនសង្ស័យឈ្មោះ ហឹង ហ្វាន់ទី ភេទប្រុស អាយុ១៥ឆ្នាំ ជនជាតិខ្មែរ ស្នាក់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ បានឆ្លើយសារភាពថា កាលពីថ្ងៃទី២៤ ខែធ្នូ ឆ្នាំ២០២៤ វេលាម៉ោង២ទាបភ្លឺ ខ្លួននិងបក្សពួក មានឈ្មោះសីហា ,ឈ្មោះឡិ,ឈ្មោះសម្បត្តិ,ពីរនាក់ទៀតអត់ស្គាល់ឈ្មោះ បានធ្វើសកម្មភាពកាប់យកម៉ូតូគេនៅមុខវត្តថ្មី ពេលនោះបក្ខពួកជិះម៉ូតូ៣គ្រឿង កាំបិតចំនួន២ដើម ខ្លួនបានប្រាក់ចំនួន១០០០០០៛(ដប់ម៉ឺនរៀល)។ កាលពីអំឡុងខែកក្កដា ឆ្នាំ២០២៤ វេលាម៉ោងប្រហែល៩យប់ ខ្លួននិងបក្ខពួកចំនួន៤នាក់ មានអាសី,អាឡិនិងម្នាក់ទៀតពួកម៉ាកអាឡិ បានធ្វើសកម្មភាពឆក់កាបូបលុយគេ នៅចំនុចចំការស្វាយ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ចែកប្រាក់គ្នាខ្លួនបានចំនួន៣៥០០០៛(បីម៉ឺនប្រាំពាន់រៀល)។ សូមបញ្ជាក់ថា៖ ជនសង្ស័យទាំង២នាក់ខាងលើពិតជាបានធ្វើសកម្មភាពកាប់យកម៉ូតូគេនឹងកាប់ហើយគុបគេ យ៉ាងសកម្ម ក្នុងភូមិសាស្ត្រក្រុងប៉ោយប៉ែត ពិតប្រាកដមែននិងជាក្មេងទំនើងផងដែរ។ ចំណែកបក្ខពួកដែរបានរត់គេចខ្លួន កម្លាំងជំនាញបន្តកំពុងស្រាវជ្រាវដើម្បីយកមកចាត់ការតាមនីតិវិធី៕

ព័ត៌មានគួរចាប់អារម្មណ៍

ស.ស.យ.ក. ស្នើអ្នកសារព័ត៌មាន អ្នកផលិតមាតិការ និងមគ្គុទ្ទេសក៍ទេសចរណ៍ជួយជំរុញការផ្សព្វផ្សាយអំពីអង្គរសង្ក្រាន្តដើម្បីផ្សព្វផ្សាយគោលដៅទេចរណ៍របស់ខេត្តសៀមរាប និង សិល្បៈវប្បធម៌របស់ខ្មែរ (ប៉ោយប៉ែតប៉ុស្តិ៍)

ព័ត៌មានគួរចាប់អារម្មណ៍

ប្រមុខក្រសួងមហាផ្ទៃ ដាស់តឿនមន្ត្រីពាក់ព័ន្ធបទល្មើសគ្រឿងញៀន ប្រញាប់ដកខ្លួន បើមិនចង់ក្លាយជាសាច់ស្អុយ! (ប៉ោយប៉ែតប៉ុស្តិ៍)

ព័ត៌មានគួរចាប់អារម្មណ៍

អ្នកនាំពាក្យរងក្រសួងមហាផ្ទៃ ចាត់ទុកការបង្ក្រាបករណីគ្រឿងញៀន ក្បែរបឋមសិក្សាជម្ពូវ័ន ជាសកម្មភាពគំរូ និងលើកទឹកចិត្តខ្ពស់! (ប៉ោយប៉ែតប៉ុស្តិ៍)

ព័ត៌មានគួរចាប់អារម្មណ៍

ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីប្រុងពលី បើកការដ្ឋានសាងសង់សំណង់នៃព្រឹត្តិការណ៍អង្គរសង្ក្រាន្ត ឆ្នាំ២០២៥ (ប៉ោយប៉ែតប៉ុស្តិ៍)

ព័ត៌មានគួរចាប់អារម្មណ៍

អនុវត្តគោលការណ៍ឯកឧត្តមអភិសន្តិបណ្ឌិត៖ នគរបាលស្រុកលើកដែកឃាត់តៃកុងរថយន្តក្រុង ភ្នំពេញ-វៀតណាម ធ្វើកិច្ចសន្យា! (ប៉ោយប៉ែតប៉ុស្តិ៍)

វីដែអូ

ចំនួនអ្នកទស្សនា

ថ្ងៃនេះ :
122 នាក់
ម្សិលមិញ :
1508 នាក់
សប្តាហ៍នេះ :
4323 នាក់
ខែនេះ :
21581 នាក់
3 ខែនេះ :
76907 នាក់
សរុប :
1648885 នាក់