ខេត្តបន្ទាយមានជ័យ​៖ បើយោងតាមសេចក្តីរាយការណ៍ កាលពីថ្ងៃទី២៧ ខែធ្នូ ឆ្នាំ២០២៤ មកថា ច្រករបៀង (ប៉ុស្តិ៍ទំនប់ដាច) គ្រប់គ្រងដោយកងកម្លាំងទាហានកងការពារព្រំដែនគោកលេខ៥០៣ កំពុងតែឃុបឃិតគ្នាជាមួយក្រុមមេខ្យល់ដែលរកស៊ីជូនពលករឆ្លងដែនទៅប្រទេសថៃ រួមនិងក្រុមមេឈ្មួញដឹកទំនិញគេចពន្ធឆ្លងដែនចូលមកកម្ពុជា ដោយខុសច្បាប់ យ៉ាងភ្លូកទឹកភ្លូកដីទាំងថ្ងៃទាំងយប់ តាមច្រករបៀងរបស់ខ្លួន ក្រោយបិទបានមួយរយ:ពេល..នេះសបញ្ជាក់ថា ទាហានកងការពារព្រំដែនគោគលេខ៥០៣ ប្រចាំការនៅទីនោះ កំពុងតែផ្ទើនទៅនិងបទបញ្ជារបស់សម្តេចក្រឡាហោម ស ខេង អតីត ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងថែមទាំងផ្គើនទៅនឹងប្រសាសន៍ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលទើបតែឡើងមកកាន់តំណែងថ្មី យ៉ាងគរគ្លើន។ ប្រភពពីប្រជាពលរដ្ឋរស់នៅទីនោះបន្តអោយដឹងថា៖ ច្រករបៀង(ប៉ុស្តិ៍ទំនប់ដាច់) គឺគ្រប់គ្រង់ដោយ លោកវរសេនិ៍យត្រី កែវ សារី ហើយប៉ុស្តិ៍មួយនេះ ស្ថិតនៅភូមិទំនប់ដាច់ ឃុំអូរបីជាន់​ ស្រុកអូរជ្រៅ​ ខេត្តបន្ទាយមានជ័យ។ បើយោងតាមគ្លីបវីដេអូ នូវសកម្មភាព មានទាំងម៉ូតូ.រឺម៉កកង់បី.និងរថយន្ត ដឹកពលករឆ្លងដែនចេញចូលទៅប្រទេសថៃទាំងថ្ងៃទាំងយប់ តាមច្រករបៀង ប៉ុស្តិ៍ទំនប់ដាច់ បានយ៉ាងរំភើយផងដែល ដោយមិនឃើញមានសមត្ថកិច្ចជំនាញពាក់ព័ន្ធប្រចាំការនៅទីនោះ កាក់ឃាត់សួរនាំមកពីណាទៅណានោះទេ? តើលោកវរសេនីយទោ រឿង សារិត មេបញ្ជាការ​កងការពារ​ព្រំដែន​គោកលេខ ៥០៣ លោកបានជ្រាបរឿងខាងលើនេះហើយឬនៅ ឬមួយលោកបានដឹងហើយ ធ្វើមិនដឹងឮ ឬយ៉ាងណា?។ ពាក់ព័ន្ធនិងព័ត៌មានខាងលើ សារព័ត៌មានយើងខ្ញុំនៅមិនទាន់បានការបកស្រាយពីលោកវរសេនីយ៍ត្រី កែវ សារី ដែលជាមេប៉ុស្តិ៍ទំនប់ដាច់ និងលោកវរសេនីយទោ រឿង សារិត ដែលជាមេបញ្ជាការ​កងការពារ​ព្រំដែន​គោកលេខ៥០៣ បាននៅឡើយទេ ហើយអង្គភាពយើងខ្ញុំរង់ចាំបកស្រាយបំភ្លឺពីសាមីដែលជាប់ពាក់ព័ន្ធ រៀងរាល់ម៉ោងធ្វើការ សូមអរគុណសន្តិភាព៕