ខេត្តឧត្ដរមានជ័យ៖ លិខិតមួយសន្លឹកចេញដោយរដ្ឋបាលស្រុកអន្លង់វែង កាលពីអំឡុងថ្ងៃទី៤ ខែសីហា ឆ្នាំ២០២៣ ជូនដំណឹងទៅដល់ម្ចាស់សាងសង់ផ្ទះនិងកាំជណ្ដើររំលោភលើដីចំណីផ្លូវសាធណៈរបស់រដ្ឋដែលគេដឹងថា ម្ចាស់សាងសង់នោះឈ្មោះ គួយ គឹមឡេញ និងអ្នកស្រី គឹម មួយប៉ ដូចជាគ្មានប្រសិទ្ធិភាព និងជាការកំសោយក្នុងការអនុវត្តច្បាប់របស់សាលាស្រុកអន្លង់វែងតែម្ដង។ រហូតមកដល់ថ្ងៃទី២៥ ខែមករា ឆ្នាំ២០២៤ មានរយៈពេលជិតកន្លះឆ្នាំទៅហើយ ប្រព័ន្ធច្បាប់ក្នុងខេត្តឧត្ដរមានជ័យ នៅតែមិនអាចចាត់វិធានការតាមផ្លូវច្បាប់ ទៅលើលោក គួយ គឹមឡេញ និងអ្នក គឹម មួយប៉ ដែលជាម្ចាស់សាងសង់សំណងកាំជណ្ដើររំលោភបំពានយកដីចំណីផ្លូវសាធារណៈរបស់រដ្ឋធ្វើជាកម្មសិទ្ធិផ្ទាល់ខ្លួនបានយ៉ាងជោគជ័យ ស្ថិតនៅចំណុចភូមិ អូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្ដរមានជ័យ។ ពលរដ្ឋរំពឹងទុកថាលោក ងួន ទ្ធីរិទ្ធអភិបាលស្រុកអន្លង់វែង មន្ទីរជំនាញពាក់ព័ន្ធស្រុកខេត្ត ក៏ដូចជាប្រព័ន្ធ តុលាការខេត្តឧត្ដរមានជ័យ និងអនុវត្ដច្បាប់ ដោយមិនមានភាពលម្អៀង និងចាត់វិធានការទៅលើជនខិលខូចពីរនាក់ប្ដីប្រពន្ធខាងលើដែលហ៊ានរំលោភបំពានសាងសង់សំណង់កាំជណ្ដើរ លើដីចំណីផ្លូវសាធារណៈរបស់រដ្ឋធ្វើជាកម្មសិទ្ធិ ដើម្បីយកមកអប់រំផងចុះ។ កាលពីកន្លងទៅលោក ងួន ទ្ធីរិទ្ធអភិបាលស្រុកអន្លង់វែង បានបញ្ជាក់ប្រាប់អ្នកសារព័ត៌មានថា លោកបានធ្វើលិខិសុំកិច្ចអន្តរាគមន៍ទៅដល់ឯកឧត្តម ប៉ែន កុសល្យអភិបាលនៃគណៈអភិបាលខេត្តឧត្តរមានជ័យ និងជាគណៈបញ្ជាការឯកភាពខេត្តរួចហើយពាក់ព័ន្ធនិងចំណាត់ការទាំងនេះ តែរហូតមកដល់ពេលនេះដូចជាគ្មានប្រសិទ្ធភាពនោះទេ។ ហើយគេមិនដឹងថាលោក គួយ គឹមឡេញ និងអ្នកស្រី គឹម មួយប៉ សាងសង់សំណង់កាំជណ្ដើរ រំលោភលើដីចំណីផ្លូវសាធារណៈរបស់រដ្ឋ មានអំណាចខ្សែបក្សពួកប៉ុណ្ណានោះទេ ទើបអ្នកអនុវត្តច្បាប់ក្នុងខេត្តឧត្តរមានជ័យ មិនហ៊ានចាត់ការលើបុគ្គលទាំងពីរនាក់ប្ដីប្រពន្ធនោះសោះ! រីឯលោក គឹម គាវិន ប្រធានមន្ទីរសុរិយោដីខេត្តឧត្តរមានជ័យលោកបានបញ្ជាក់ថា ដីពាក់ព័ន្ធខាងលើដែលមានទំហំត្រឹម៥០០ម៉ែត្រ ការចុះជាដែនសមត្ថកិច្ចរបស់ស្រុក ចាប់ពី១០០០ម៉ែត្រ ទើបដែនសម្ថតិច្ចរបស់មន្ទីរដោះស្រាយ។ អាស្រ័យហេតុនេះ សូមឯកឧត្តម សាយ សំអាល់ ក្រសួងរៀបចំដែនដីនគរូបនីយកម្មនិងសំណង់មេត្តាជ្រាប់ជាព័ត៌មានផងទាន.! ព្រោះអ្នកមានអំណាចពីអ្នកប្ដីប្រពន្ធ អាចសាងសង់សំណង់កាំជណ្ដើរ រំលោភលើដីចំណីផ្លូវសាធារណៈបានយ៉ាងរលូន ព្រោះមន្រ្តីក្រោមឱវាទរបស់ឯកឧត្តម មិនហ៊ានប៉ះនោះទេ៕ ដោយ: សួន ចំណាប់ ប្រចាំឧត្តរមានជ័យ