ក្រុមការងារមន្ទីរធនធានទឹក និងឧតុនិយមខេត្តបន្ទាយ មានជ័យ ដឹកនាំដោយលោក យឹម ប៊ុនរ៉ុម ប្រធានមន្ទីរ បានបន្តចុះត្រួតពិនិត្យស្ថានភាពទឹកដែលបានបើកបង្ហូរពីអាងត្រពាំងថ្ម ដើម្បីឱ្យប្រជាពលរដ្ឋក្នុងស្រុកព្រះនេត្រព្រះប្រើប្រាស់ប្រចាំថ្ងៃ
ខេត្តបន្ទាយមានជ័យ៖ នៅថ្ងៃអង្គារ ១០កើត ខែផល្គុន ឆ្នាំថោះ បញ្ចាស័ក ពុទ្ធសករាជ ២៥៦៧ ត្រូវនឹងថ្ងៃទី ១៩ ខែមីនា ឆ្នាំ២០២៤ ដោយបានទទួលបទបញ្ជា ដ៏ខ្ពង់ខ្ពស់របស់ ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម ឯកឧត្តម ឈា ប៊ុនរិទិ្ឋ រដ្ឋលេខាធិការប្រចាំការ នៃក្រសួងធនធានទឹក និងឧតុនិយម បានបញ្ជាដោយផ្ទាល់ ដល់មន្ទីរធនធានទឹក និងឧតុនិយមខេត្តបន្ទាយមានជ័យ បន្តយកចិត្តទុកដាក់ខ្ពង់ ក្នុងការជួយដោះស្រាយបង្ហូរទឹកពីអាងត្រពាំងថ្ម មកជួយសង្រ្គោះផ្តល់ទឹកប្រើប្រាស់ ជូនដល់ប្រជាពលរដ្ឋ ចំនួន៨ភូមិ ក្នុងឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ។
ដូច្នេះក្រុមការងារមន្ទីរធនធានទឹក និងឧតុនិយម ដឹកនាំដោយលោក យឹម ប៊ុនរ៉ុម ប្រធានមន្ទីរ បានសហការជាមួយសហគមន៍ ចុះធ្វើការកាយផ្លូវទឹកដើម្បីបន្ថែមល្បឿនទឹកហូរនៅអូរភូមិរំដួល ឃុំភ្នំលៀប ស្រុកព្រះនេត្រព្រះ។
ខណៈពេលនេះអូរក្នុងភូមិរំដួលត្រូវបានទទួលទឹកពីអាងត្រពាំថ្ម ដែលបានបង្ហូរមក មានចម្ងាយ ២៥គ.ម សម្រាប់ឱ្យប្រជាពលរដ្ឋក្នុងឃុំភ្នំលៀប ស្រុកព្រះនេត្រព្រះចំនួន ៨ភូមិ ប្រើប្រាស់ប្រចាំថ្ងៃ៕
