ក្រុងប៉ោយប៉ែត៖ កាលពីវាលាម៉ោង០៥ជាងទាបភ្លឺឈានចូលថ្ងៃទី២៦ ខែមីនា ឆ្នាំ២០២៤ មានករណីគ្រោះថ្នាក់ចរាចរណ៍បុកបន្តកន្ទុយគ្នា បង្កអោយមនុស្សរងរបួសធ្ងន់ស្រាល៤នាក់ និងថែមទាំងបង្កការកកស្ទះចរាចរណ៍អស់រយៈពេលជាច្រើនម៉ោង ដែលហេតុការណ៍នេះកើតឡើងត្រង់ចំណុចដើមពោធិ៍លោកយាយម៉ៅ លើផ្លូវជាតិលេខ៥ ស្ថិតភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ តាមប្រភពពីកន្លែងកើតហេតុបានអោយដឹងថា មិនដំបូងគេឃើញមានរថយន្តតូយាតាព្រូស ពណ៌ឈាមជ្រូក មួយគ្រឿង បានបើកបរពីទិសខាងកើតមកទិសខាងលិច ក្នុងល្បឿនលឿន បានរ៉េចង្កូតទៅបុករថយន្តតូយាតាធុនត្រា ពណ៌សពេញទំហឹង ហើយរុលទៅបុកគោយន្តកន្ត្រៃដឹកធុងបាសពេញ ដែលបើកបរបញ្ច្រាស់ទិសគ្នាពីលិចទៅទិសខាងកើត បណ្តាលអោយមានអ្នករងគ្រោះ៤នាក់ របួសធ្ងន់ម្នាក់ ជាស្ត្រី។ ក្រោយកើតហេតុ លោកវរៈសេនីយ៍ ឈឿន ប៊ុនថា អធិការរងផ្នែកនគរបាលចរាចរណ៍ក្រុងប៉ោយប៉ែត បានដឹកនាំកម្លាំងចុះមកអន្តរាគមន៍ និងសម្រួលចរាចរណ៍ ហើយធ្វើការពិនិត្យនិងវាស់វែងនៅកន្លែងកើតហេតុ ដោយបានបញ្ជាក់ថា៖ មូលហេតុគ្រោះថ្នាក់ចរាចរណ៍កើតឡើងបង្កដោយរថយន្តព្រូសដែលបើកបរលឿនរ៉េចង្កូតទៅបុករថយន្តធុនត្រា ចំពីមុខពេញទំហឹង ហើយរុលទៅបុកគោយន្តកន្ត្រៃដឹកធុងបាស់បណ្តាលមានអ្នករងគ្រោះរបួស៤នាក់ ស្រាល៣នាក់ធ្ងន់ម្នាក់ ជាប្រពន្ធអ្នកបើកបរគោយន្តដឹកធុងបាស់ និងខូចខាតរថយន្ត២គ្រឿង គោយន្ត១គ្រឿង។ លោកវរៈសេនីយ៍ ឈឿន ប៊ុនថា អធិការរងផ្នែកនគរបាលចរាចរណ៍ក្រុងប៉ោយប៉ែតបានអោយសារព័ត៌មានយើងដឹងផងដែលថារថយន្ត២គ្រឿងនិងគោយន្ត១គ្រឿង ត្រូវបានយកទៅរក្សាទុកនៅអធិការដ្ឋាននគរបាលក្រុងប៉ោយប៉ែត ដើម្បីដោះស្រាយគ្នាតាមច្បាប់នៅពេលក្រោយ រីឯអ្នករងរបួស៤នាក់ក្រុមសង្គ្រោះបានបញ្ជូនទៅសង្គ្រោះនៅឯមន្ទីពេទ្យ៕
ព័ត៌មានគួរចាប់អារម្មណ៍
អ្នកអង្គម្ចាស់ ស៊ីសុវត្ថិ សិទ្ធីដែន ឧត្ដមប្រឹក្សាផ្ទាល់ សម្តេចព្រះមហាសង្ឃរាជ នៃព្រះរាជាណាចក្រកម្ពុជាទាំងពីរគណៈយាងចុះសួរសុខទុក្ខប្រជាពលករនៅច្រកទ្វារព្រំដែនអន្តរជាតិដូង ក្នុងស្រុកកំរៀង ខេត្តបាត់ដំបង (គេហទំព័រ ប៉ោយប៉ែត ប៉ុស្តិ៍)
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា