ខេត្តកំពង់ធំ៖ នៅថ្ងៃទី១៨ ខែមិថុនា ឆ្នាំ២០២៤ លោក កែវ សុឃឿន សង្កាត់រដ្ឋបាលជលផលបារាយណ៍(ប្រចាំស្រុកតាំងគោក) ចូលរួមជាមួយកម្លាំងទីបញ្ជាការស្រាលស្រុកតាំងគោក លោក គន ចាន់សីហា សង្កាត់រដ្ឋបាលជលផលស្រុកស្ទោង ចុះល្បាតដីព្រៃលិចទឹក (តំបន់៣) ជាក់ស្តែងពុំប្រទះមានបទល្មើសនោះទេ។ លោក កែវ សុឃឿន បានផ្សព្វផ្សាយសេចក្តីជូនដំណឹងពីរដូវបិទនេសាទ ទៅដល់អ្នកនេសាទ ដើម្បីទប់ស្កាត់កុំអោយនេសាទជាលក្ខណៈទ្រង់ទ្រាយធំ ធ្វើឱ្យផុតពូជត្រីផងដែរ។ លោក ហួន ផល សង្កាត់រដ្ឋបាលជលផលឃុំពាមបាង សហការជាមួយកម្លាំងជំនាញ បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផល នៅចំណុច ប្រលិចច្រកែង និងកន្លែងអភិរក្សជលផលបាឡត ឃុំពាមបាង ស្រុកស្ទោង ខេត្តកំពង់ធំ។ ក្រុមកម្លាំងចម្រុះបានចុះទប់ស្កាត់និងបង្ក្រាបបទល្មើសបញ្ជាក់ស្ដែងក្នុងនោះលទ្ឋផលអនុវត្តបាន(០២ករណី) បានរុះរើ បំផ្លាញចោលឧបករណ៍នេសាទខុសច្បាប់ និង ឧបករណ៍នេសាទជាលក្ខណៈគ្រួសារ មងរាយ នៅក្នុងកន្លែងអភិរក្សជលផលបាឡត នៅនឹងកន្លែងរួមមាន÷ របាំងស្បៃមុងចំនួន០៦របាំង ប្រវែង៥៥០ម៉ែត្រ ឡុកចំនួន០៦គ្រឿង លូចំនួន១២មាត់ បង្គោលចំនួន៤៥០ដើម ចាក់ត្រីប្រលែងចំនួន១០គីឡូក្រាម មងរាយប្រវែង៣២០០ម៉ែត្រ(ក្រឡា៦ ហ៊ុន សម្រុង ១,៥ ម៉ែត្រ)។ លោក ហួន ផល សង្កាត់រដ្ឋបាលជលផលឃុំពាមបាង បានផ្សព្វផ្សាយសេចក្តីជូនដំណឹងដល់សាធារណជន និងអ្នកនេសាទទាំងអស់គឺ នៅរដូវបិទនេសាទសម្រាប់ការធ្វើនេសាទក្នុងដែននេសាទទឹកសាប ត្រូវបានកំណត់ចាប់ពីថ្ងៃទី០១ ខែមិថុនា ដល់ថ្ងៃទី៣០ ខែកញ្ញា ឆ្នាំ២០២៤ ត្រូវយកចិត្តទុកដាក់និងចូលរួមអនុវត្តតាមគោលការណ៍របស់រាជរដ្ឋាភិបាល។ ចំពោះដែននេសាទទឹកសាបសម្រាប់ខេត្តកំពង់ធំ នៅក្នុងរយៈពេលបិទនេសាទនេះ អ្នកនេសាទទាំងអស់ត្រូវប្រើតែឧបករណ៍នេសាទជាលក្ខណៈគ្រួសារ ដើម្បីការពារពូជត្រីឱ្យបាននៅគង់វង្ស៕