ខេត្តបន្ទាយមានជ័យ៖ ក្រោយផ្លូវរអិលដូចខ្លាញ់ប្រជាពលរដ្ឋជួបការលំបាក់ទៅមកឯកឧត្តមបណ្ឌិត ប៉ាន់ ខែមប៊ុនថន ដឹកនាំអាជ្ញាធរ សមត្ថកិច្ច មន្ត្រីជំនាញ និងក្រុមហ៊ុនអានកូនាំយកគ្រឿងចក្រ៦ទៅ៧គ្រឿង ឈូសឆាយសម្រួលផ្លូវនៅរសៀលថ្ងៃទី១៩ ខែកក្តដា ឆ្នាំ២០២៤ ស្ថិតនៅភូមិសុខសាន្ត សង្កាត់និមិត្ត ក្រុងប៉ោយប៉ែត។ លោក គាត ហ៊ុល អភិបាលក្រុងប៉ោយប៉ែតបានប្រាប់ថា៖ ផ្លូវមួយខ្សែដែលប្រវែងជាង១០០០ម៉ែត្រ ស្ថិតភូមិសុខសាន្តដែលភ្ជាប់ពីក្រុងប៉ោយប៉ែតទៅស្រុកម៉ាឡៃត្រូវបានរងការខូចខាតបណ្តាលមានភក់រអិលដូចខ្លាញ់ និងកន្លែងខ្លះដីស្អិតរមួតប្រជាពលរដ្ឋទៅមកនិងសិក្សានុសិស្សជួបការលំបាកទៅមកហើយស្នើសុំពីប្រជាពលរដ្ឋឯកឧត្តមបណ្ឌិត ប៉ាន់ខែម ប៊ុនថន នាយរងខុទ្ទកាល័យសម្តេចបវរធិបតី ហ៊ុន ម៉ាណែត បាននាំយកគ្រឿងចក្រប្រមាណ ៦ ទៅ ៧គ្រឿង ធ្វើការឈូសឆាយនិងចាក់ទំទិចថ្មសម្រួលអោយប្រជាពលរដ្ឋទៅមកបានស្រួល។ ឯកឧត្តមបណ្ឌិត ប៉ាន់ ខែមប៊ុនថន បានបញ្ជាក់ថា៖ ផ្លូវ១ខ្សែប្រវែងជាង១គីឡូម៉ែត្រដែលរងការខូចខាតនិងមានភក់រអិលដូចខ្លាញ់ប្រជាពលរដ្ឋនិងសិក្សានុសិស្សជួបការលំបាកទៅមកក្នុងការសិក្សាទើបជាការយកចិត្តទុកដាក់ពីប្រមុខរាជរដ្ឋាភិបាលកម្ពុជាដែលមានសម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្រុមការងារថ្នាក់ជាតិចុះជួលមូលដ្ឋានក្រុងប៉ោយប៉ែតដោយឃើញពីទុក្ខលំបាករបស់ប្រជាពលរដ្ឋ ក្រុមការងារបាននាំយកគ្រឿងចក្រចុះឈូសឆាយនិងដាក់កំទិចថ្មដើម្បីសម្រួលចរាចរណ៍ដល់ប្រជាពលរដ្ឋមិនអោយជួបការលំបាកទៀតឡើយ។ ប្រជាពលរដ្ឋនិងអាជ្ញាធរមូលដ្ឋានភូមិសុខសាន្តបានថ្លែងអំណរគុណចំពោះឯកឧត្តមបណ្ឌិត ប៉ាន់ ខែមប៊ុនថន នាយរងខុទ្ទកាល័យសម្តេចបវរធិបតី ហ៊ុន ម៉ាណែត ដែលបានជួយធ្វើការជួសជុលឡើងវិញផ្លូវដែលជួបការលំបាកនេះបានស្រួលឡើងវិញដែលប្រជាពលរដ្ឋលេងជួបការលំបាកទៀតហើយអគុណសន្តិភាព៕