ខេត្តរតនគិរី៖ មានរឿងភ្ញាក់ផ្អើលមួយបានកើតឡើងខណៈលោកនាយរងការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តរតនគិរី (ម្នាក់)ត្រូវបានក្រុមខ្មាន់កាំភ្លើងបាញ់ប្រហារបណ្ដាលអោយលោក នាយរងការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តរតនគិរី ស្លាប់ភ្លាមៗនៅក្នុងហាងកាហ្វេមួយកន្លែង កាលពីវេលាម៉ោងប្រមាណ០៩ព្រឹក ថ្ងៃទី០៣ ខែតុលា ឆ្នាំ២០១៩ នេះ ស្ថិតក្នុងភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគីរី។ បើយោងប្រភពពីសមត្ថកិច្ចបានបញ្ជាក់អោយដឹងថា៖ ជនរងគ្រោះឈ្មោះ ផន ទុំ មានតួនាទីជា នាយរងការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តរតនគិរី។ ប្រភពពីអ្នកឃើញហេតុការណ៍ បានអោយភ្នាក់ងារយើងដឹងថា៖ នៅមុនពេលកើតហេតុ ពួកគាត់ឃើញរថយន្តហ្វ័ររ៉ែនន័រ ១គ្រឿងជិះគ្នា៣-៤នាក់ បានបើកមកឈប់ពីរមុខហាងកាហ្វេខាងលើ ហើយបានចុះដើរតម្រង់ ទៅរកឈ្មោះ ផន ទុំុំ ដែលជាជនរងគ្រោះ និងបានបាញ់ជនរងគ្រោះចំក្បាល បណ្ដាលអោយស្លាប់ភ្លាមៗក្នុងថ្លុកឈាមតែម្តង រួចក្រុមជនសង្ស័យបានរត់ឡើងរថយន្តបើកគេចខ្លួនបាត់ស្រមោល។ ប្រភពពីសមត្ថកិច្ចបន្តអោយដឹងមុនបន្តិចថា៖ ក្រោយពីកើតហេតុរួច កម្លាំងសមត្ថកិច្ចជំនាញក្រុងបានលុង និង កម្លាំងរបស់ស្នងការដ្ឋាននគរបាលខេត្តរតនគីរី បានបន្តស្រាវជ្រាវស្វែងរកចាប់ជនដៃដល់បានមួយនាក់ ឈ្មោះ នួន មករា ភេទប្រុស អាយុ៣១ឆ្នាំ បានហើយនៅរសៀលថ្ងៃនេះ ចំណែកបក្សពួក៣នាក់ទៀត សមត្ថកិច្ចកំពុងស្រាវជ្រាវបន្ត ដើម្បីយកមកផ្តន្ទាទោសតាមផ្លូវច្បាប់នៅពេលក្រោយ៕ រាយការណ៍បឋម ដោយៈ លោក ស៊ុន វុទ្ធី ប្រធានគ្រប់គ្រងព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
អ្នកអង្គម្ចាស់ ស៊ីសុវត្ថិ សិទ្ធីដែន ឧត្ដមប្រឹក្សាផ្ទាល់ សម្តេចព្រះមហាសង្ឃរាជ នៃព្រះរាជាណាចក្រកម្ពុជាទាំងពីរគណៈយាងចុះសួរសុខទុក្ខប្រជាពលករនៅច្រកទ្វារព្រំដែនអន្តរជាតិដូង ក្នុងស្រុកកំរៀង ខេត្តបាត់ដំបង (គេហទំព័រ ប៉ោយប៉ែត ប៉ុស្តិ៍)
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា