ក្រុងប៉ោយប៉ែត៖ បើយោងតាមបណ្តាញសារព័ត៌មានក្នុងស្រុក បានចុះផ្សាយនៅព្រឹកថ្ងៃទី០៣ ខែតុលា ឆ្នាំ២០១៩ រឿងលោកស្រី សុិន ពិស្ដា ម្ចាស់សណ្ឋាគារ រួមនិងប្រជាពលរដ្ឋបានសំណូមពរអោយអាជ្ញាធរក្នុងមូលដ្ឋានគ្រប់ជំនាញមានចំណាត់ការ លើលោក ជាតិ ហួន ដែរជាម្ចាស់គ្លីនិក នគររាជ ស្ថិតនៅភូមិក្បាលស្ពាន០១ សង្កាត់/ក្រុងប៉ោយប៉ែត ខេត្តបន្ទាយមានជ័យ បានយកចំណីផ្លូវរបស់រដ្ឋបើកអាជីវកម្មផ្ទាល់ខ្លួន ដោយមិនគិតពីពលរដ្ឋដែរនៅពីខាងក្រោយនោះទេ។ ពលរដ្ឋបានបន្តថា៖ ពួកគាត់បានសំណូមពរដល់អាជ្ញាធរជាច្រើនលើកមកហើយ ក៏ប៉ុន្តែនៅតែឃើញ ម្ចាស់គ្លីនិច នគររាជ ហ៊ានផ្គេីនច្បាប់បញ្ញាយតិរាជរដ្ឋាភិបាល ហៅជាងមកសាងសង់នៅលើចំណីផ្លូវរដ្ឋទាំងយប់ទាំងថ្ងៃដដែល រហូតទាល់តែរួចរាល។ ចំណែកអាជ្ញាធរមូលដ្ឋាន សង្កាត់ ក្រុង មិនឃើញមកបង្អាក់នូវសកម្មភាពរំលោភបំពានយកផ្លូវធ្វើជាកម្មសិទ្ធផ្ដាច់មុខនេះទាល់តែសោះ រហូត (ម្ចាស់គ្លីនិក នគររាជ) សាងសង់រួចរាល់ជាស្ថាពរ និងដាក់ជួលអោយអតិថិជនយកលុយដាក់ហោប៉ៅយ៉ាងរំភើយ មិនខ្វល់ពីពលរដ្ឋរស់នៅខាងក្រោយ និង អាជ្ញាធរក្នុងមូលដ្ឋានអីតិចសោះ។ តាមការលើកឡើងរបស់ លោកស្រី សុិន ពិស្ដា ម្ចាស់សណ្ឋាគារដែរនៅពីក្រោយ (គ្លីនិក នគររាជ) បានប្រាប់ដល់អង្គភាព ភ្នំពេញសន្តិភាពថា៖ លោកស្រីសុំសំណូមពរ ដល់លោក ជាតិ ហួន ដែលជាម្ចាស់គ្លីនិក នគររាជ ជាច្រើនដងមកហើយ តែម្ចាស់គ្លីនិចមិនព្រមរុះរើនោះទេ នៅតែសាងសង់សំណង់អនាធិបតេយ្យ នៅលើផ្លូវរបស់រដ្ឋនិងផ្លូវរួមតូចពលរដ្ឋដដែល តើថ្ងៃខាងមុខនៅពេលដែរសណ្ឋាគារលោកស្រី សាងសង់រួចបើកអាជីវកម្មទទួលភ្ញៀវតើអោយលោកស្រីគិតយ៉ាងម៉េចទៅ បើគ្លីនិកនគររាជ ហ៊ានយកចំណីផ្លូវរដ្ឋធ្វើជាកម្មសិទ្ធផ្ដាច់មុខទៅហើយហ្នឹង ថាពីមុនយកក៏យកទៅឥឡូវនេះយកថែមទៀត។ លោកស្រីបន្តថា៖ នៅពេលដែរលោកស្រីចាក់បេតុងតាំងពីក្រោយរហូតដល់ថ្នល់កៅស៊ូបានដឹងថាឈឺចាប់ ខំចំណាយលុយអស់រាប់មុឺនដុល្លារ ហើយដើម្បីចូលរួមចំណែកក្នុងការ អភិវឌ្ឍន៍សង្គមជាតិ តែដល់ពេលចាក់បេតុងទៅដល់គ្លីនិកនគររាជ គេប្រាប់ថាអោយចាក់វាងទៅគេមិនរុះរើទេ បើចង់ដាក់លូបង្ហូរទឹកទាល់តែពុះកណ្ដាលបេតុងហ្នឹងទៅ បានទៅដល់ផ្លូវកៅស៊ូ ហើយលោកស្រីបញ្ជាក់បន្ថែមផងដែរសូម្បីតែលូដាក់នៅគៀនគ្លីនិករបស់គេ ក៏លោក ជាតិ ហួន នាំគ្នីគ្នាទាំងមេឃកំពុងភ្លៀង រុញលូទំលាក់ចោលពាសវាលពាសកាល ពេញតែផ្លូវមិនខ្វល់ការខូចខាតរបស់អ្នកណាឡើយ ហេតុតែខ្លួនចង់បាន ហើយកុំគិតថាខ្ញុំចេះតែនិយាយមើលរូបភាពក្នុងការសាសង់លើទ្រូងផ្លូវនិងសកម្មភាពក្នុងវីដេអូនេះទៅដឹងហើយ។ ក្នុងរឿងរ៉ាវនេះដែរលោក អ៊ុយ ឆាយ បានបំភ្លឺដល់អង្គភាពយើងខ្ញុំដែរ លោកបញ្ជាក់ថា ចំពោះលោកវិញអត់បញ្ហានោះទេអោយតែរដ្ឋត្រូវការនិងពលរដ្ឋ លោកហ្នឹងរុះរើភ្លាមពីព្រោះផ្លូវតាំងពីមុខជាប់ផ្លូវកៅស៊ូរមកដល់ខាងក្រោយជាប់និងផ្ទះលោកផ្លូវជាអក្សរTទៅហើយវាគ្មានអ្វីពាក់ព័ន្ធនិងគាត់ទេ។ បើយោងតាមការបំភ្លឺរបស់លោក ជាតិ ហួន និងភរិយា ដែរជាម្ចាស់គ្លីនិកនគររាជ បានទទួលស្គាល់ថា៖ ខ្លួនបានសាងសង់នៅលើទ្រូងផ្លូវរបស់រដ្ឋមែន តែបើគេធ្វើបានគាត់ក៏ធ្វើបានដែរ ចង់អោយរើទាល់តែរើទាំងអស់គ្នា។បន្ទាប់ពីលោក ជាតិ ហួន បំភ្លឺរួចមក ស្រាប់តែភរិយារបស់លោក ជាតិ ហួន យកទូរស័ព្ឌនិយាយបកស្រាយជាមួយភ្នាក់ងាររបស់យើងខ្ញុំមួយសន្ទុះ ក៏បានជេប្រមាថធ្ងន់ៗយ៉ាងសាហាវមិនដែលធ្លាប់ជួប។ ប្រហែលជាងកន្លះម៉ោងក្រោយមកទៀតភរិយារបស់លោក ជាតិ ហួន ខលមកខាងភ្នាក់ងារយើងខ្ញុំបន្តទៀត ដោយប្ដូរលេខទូរស័ព្ឌ និយាយបកស្រាយដដែលរួចមក ស្រាប់តែជេម៉ែប្រាវៗនិងជេប្រមាថធ្ងន់ធ្ងរហើយដាក់បណ្ដាសាបន្ថែមទៀតផង តើកាជេទាំងអស់នេះដាក់អ្នកសារព័ត៌មាន ឫក៏ជេសំដៅទៅលើបុគ្គលណាមួយនោះទេ។ យោងតាមប្រភពពី លោក ប៊ុន សុវុទ្ធា សមាជិកក្រុមប្រឹក្សាសង្កាត់ប៉ោយប៉ែត ទទួលបន្ទុកខាងអភិវឌ្ឍន៍ បានលើកឡើងថា រឿងរ៉ាវរបស់ម្ចាស់គ្លីនិកនគររាជ ពិតជាបានសាងសង់សំណង់នៅលើផ្លូវរដ្ឋមែន ប៉ុន្តែម្ចាស់គ្លីនិចរូបនោះលោកធ្លាប់ណែនាំច្រើនលើកច្រើនសារមកហើយមិនព្រមរុះរើនោះទេ សូម្បីតែលោកចុះចូលរួមចាក់បេតុង ក៏ចាក់មិនហើយដែរព្រោះម្ចាស់គី្លនិចមិនព្រមរើជាដាច់ខាត បច្ចុប្បន្ន ចាក់បេតុងបានតែពាក់កណ្ដាលទេ ដែរលោកស្រី សុិន ពិស្ដា ជាអ្នកធ្វើនោះ។មិនតែប៉ុណោ្ណះពួកគាត់មិនដែរគោរពអាជ្ញាធរទេនៅតែត្រចេះនិងប្រព្រឹត្តការជេប្រមាថធ្ងន់ៗទៅលើគេ។ លោក ភោគ លន ចៅសង្កាត់ប៉ោយប៉ែត បានលើកឡើងផងដែរថា កន្លងមកលោកបានណែនាំរួចមកហើយ ឥឡូវលោកនិងហៅមកធ្វើកិច្ចសន្យាដើម្បីអោយរុះរើបើនៅតែមិនស្ដាប់លោកអោយកាត់ចេញតែម្ដង មិនមែនចេះតែធ្វើតាមអំពើចិត្តបានទេប្រទេសមានច្បាប់គ្រួសារមានវិន័យ។ ហើយលោកបានបញ្ជាក់ផងដែរក្នុងការជេប្រមាថតាមទូរស័ព្ឌនៅពេលអ្នកសារព័ត៌មានសុំការបំភ្លឺ លោកសុំអោយថតសម្លេងទុក្ខផង ពីព្រោះអ្នកសារព័ត៌មានមានសិទ្ធថតនិងសុំបទសម្ភាសតាមវិជ្ជាជីវៈរបស់ខ្លួន។ យោងតាមប្រសាសន៍លោក គាត ហុល អភិបាលនៃគណៈអភិបាលក្រុងប៉ោយប៉ែត លោកជាប់សិក្ខាសាលានៅខេត្តប៉ៃលិន ប៉ុន្តែលោកបានបញ្ជាក់មកថារឿងរ៉ាវដូចខាងលើលោកបានដឹងអស់ហើយ លោកនិងអោយមន្រ្តីជំនាញហៅមកអប់រំម្ដងជាពីរដងទៀតបើនៅតែបន្ត ខាងរដ្ឋបាលក្រុងនិងបញ្ជូនមន្ត្រីចុះទៅវាស់វែង បើឃើញថាចូលលើផ្លូវលោកអោយកាត់ចេញភ្លាមៗ។ យោងតាមបកស្រាយរបស់អាជ្ញាធរសង្កាត់ ក្រុង មូលដ្ឋាន ជំវិញរឿងរ៉ាវខាងលើនេះ សារព័ត៌មានក្នុងស្រុក និងប្រជាពលរដ្ឋរស់នៅក្រុងប៉ោយប៉ែត រងចាំមើលនូវចំណាត់ការរបស់អាជ្ញាធរ សង្កាត់ ក្រុង ថាតើមានវិធានការដូចដែលលោកបកស្រាយបានដែរឬទេ ក្នុងរឿងនេះ សូមរងចាំទស្សនានូវលេខបន្ទាប់៕ ដោយៈ លោក ហ៊ីម ឯល ទីព្រឹក្សា គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ឯកអគ្គរាជទូតអូស្រ្តាលី ជឿជាក់ថាក្រោមការដឹកនាំរបស់ឯកឧត្តមអភិសន្តិបណ្ឌិត ស សុខា ក្រសួងមហាផ្ទៃ នឹងបន្តសម្រេចបានសមិទ្ធផលធំធេងបន្ថែមទៀត! (គេហទំព័រ ប៉ោយប៉ែត ប៉ុស្តិ៍)
ជាង៥០០០គ្រួសារ ក្នុងករណីរឿងរ៉ាវវិវាទដីធ្លីត្រូវបានឯកឧត្តមបណ្ឌិត ប៉ាន់ខែម ប៊ុនថន រកដំណោះស្រាយជូនបងប្អូនប្រជាពលរដ្ឋ្ក្ក្កតាមបែបឈ្នះឈ្នះ ហើយបច្ចុប្បន្នសិល្បៈនៃការដោះស្រាយបែបនេះនៅតែជាតម្រូវការចាំបាច់សម្រាប់ប្រជាពលរដ្ឋ.!!! (គេហទំព័រ ប៉ោយប៉ែត ប៉ុស្តិ៍)
កិច្ចប្រជុំការងារក្រុងប៉ោយប៉ែត នៃក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ក្រោមអធិបតីភាពឯកឧត្តម ឌិត ទីណា ប្រធានក្រុមការងារ រាជរដ្ឋាភិបាលចុះមូលដ្ឋាន ខេត្តបន្ទាយមានជ័យ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា ៖ ប្រតិបត្តិការប្រឆាំងឧក្រិដ្ឋកម្មតាមប្រព័ន្ធអ៊ីនធឺណេតរបស់កម្ពុជា មានតម្លៃជាសាកល (គេហទំព័រ ប៉ោយប៉ែត ប៉ុស្តិ៍)
លោកវរៈសេនីយ៍ ឈឿន ប៊ុនថា អធិការរងនគរបាលផ្នែកចរាចរណ៍ក្រុងប៉ោយប៉ែត បានដឹកនាំកម្លាំងចុះអន្តរាគមន៍ និងសម្រួលចរាចរណ៍ បន្ទាប់ពីមានករណីគ្រោះថ្នាក់ចរាចរណ៍បុកបន្តកន្ទុយគ្នានៅម្តុំដើមពោធិ៍លោកយាយម៉ៅ លើផ្លូវជាតិលេខ៥.!!! (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា