ខេត្តបន្ទាយមានជ័យ៖ ស្រុកម៉ាឡៃ លោកវរសេនីយ៍ឯកសួង សៅ មេបញ្ជាការវរសេនាតូចនគរបាលការពារព្រំដែនគោកលេខ៨១៥ប្រចាំស្រុកម៉ាឡៃ ខេត្តបន្ទាយមានជ័យ បានធ្វើការណែនាំដល់កម្លាំងមន្រ្តីប៉ុស្តិ៍តាមបណ្ដាលខ្សែបន្ទាត់ព្រំដែនអោយមានការរឹតបន្ដឹងនឹងធ្វើការទប់ស្កាត់រាល់បទល្មើសឆ្លងដែន ពិសេសទៅលើពលករខ្មែរដែលតែងលួចចំណាកស្រុកខុសច្បាប់។ យោងតាមរបាយការណ៍របស់កម្លាំងនគរបាលវរសេនាតូចការពារព្រំដែនគោកលេខ៨១៥ នៅព្រឹក ថ្ងៃសៅរ៍ ៦រោច ខែអាសាឍ ឆ្នាំជូតទោស័ក ព.ស ២៥៦៤ ត្រូវនិងថ្ងៃទី១១ ខែកក្កដា ឆ្នាំ២០២០ វេលាម៉ោង ០៨និង០០ នាទី បានអោយអ្នកសារព័ត៌មានដឹងថា៖កម្លាំងប៉ុស្ដិ៍ចំបក់ ដឹកនាំដោយ លោកអនុសេនីយ៍ ឯក ប៊ុនគុន នាយប៉ុស្តិ៍ បានសហការណ៍ជាមួយកម្លាំងយោធាផ្នែកសឹករងស្រុកម៉ាឡៃ និងកម្លាំងប៉ុស្ដិ៍រដ្ឋបាលឃុំបឹងបេង បានទប់ស្កាត់ពលករខ្មែរ ដែលបម្រុងឆ្លងដែនខុសច្បាប់ នៅចំណុចភូមិល្វា ឃុំបឹងបេង ស្រុកម៉ាឡៃ ខេត្ដបន្ទាយមានជ័យ។ របាយការណ៍របស់កម្លាំងសមត្ថកិច្ចបានបញ្ជាក់ថាពលករខ្មែរ ដែលបម្រុងឆ្លងដែនខុសច្បាប់ មកពីខេត្តចំនួន០៦រួមមាន៖ ទី១•ខេត្តបន្ទាយមានជ័យ ប្រុស១៧នាក់ ស្រី០៨នាក់។ ទី២• ខេត្ត បាត់ដំបង ០៩នាក់ ស្រី០៤នាក់។ ទី៣ •ខេត្តសៀមរាប០១នាក់។ ទី៤ • ខេត្តតាកែវ ០៤នាក់ស្រី០១នាក់។ ទូ៥ • ខេត្តព្រៃវែង០៧នាក់ ស្រី០៣នាក់។ ទី៦ • ខេត្តកំពង់ធំ ០៣នាក់ស្រី០១នាក់។ សមត្ថកិច្ចនៃនគរបាលវរៈសេនាតូចការពារព្រំដែនគោកលេខ ៨១៥ ក៏បានបញ្ជាក់បន្ថែមអោយអ្នកសារព័ត៌មានដឹងថា៖ ក្រោយពីទប់ស្កាត់ កម្លាំងសមត្ថកិច្ច ក៏បានធ្វើការអប់រំ ណែនាំស្ដីអំពីការឆ្លងរាលដាល ជំងឺកូវីដ-១៩ និងការធ្វើចំណាកស្រុកខុសច្បាប់ រួចក៏បញ្ជូនពួកគាត់ទៅអធិការដ្ឋាននគរបាល ស្រុកម៉ាឡៃ ដើម្បីបន្តស្រាវជ្រាវរកមុខសញ្ញាមេខ្យល់បន្តទៀតផងដែរ៕ ដោយៈ លោក ជួង វិសិដ្ឋ និពន្ធនាយក គេហទំព័រ ប៉ោយប៉ែត ប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា