ខេត្តបាត់ដំបង៖ តាមប្រភពព័ត៌មានពីប្រជាពលរដ្ឋ មួយចំនួន រស់នៅក្នុងភូមិជីសាង ឃុំត្រែង ស្រុករតនៈមណ្ឌល ខេត្តបាត់ដំបង នាពេលថ្មីៗនេះបានប្រាប់អ្នកសារព័ត៌មានយើងឲ្យដឹងថា៖ ពួកគាត់មានដីមួយចំនួននិងបានប្រកប ផលកសិកម្មដាំដុះដំណាំពោត ដំឡូង ។ល។ ហើយនិងមានលិខិតកាន់កាប់ដីធ្លីនោះដោយស្របច្បាប់ផងដែរ ។ ប្រភពបានបន្តថា៖ ពួកគាត់ជាពលរដ្ឋបានយកលិខិតប្រកាន់ដៃដី នោះទៅដាក់បញ្ចាំ កម្ចីប្រាក់ពីធនាគារ និង ប្រកាន់ដៃដីខ្លះទៀត បាន យកទៅដាក់បញ្ចាំខ្ចីប្រាក់ពីអ្នកចងការប្រាក់ ឯកជន យកមកធ្វើជាដើមទុន ដើម្បីយកមកបង្កបង្កើនផលដាំណាំកសិកម្ម ផ្គត់ផ្គង់ជីវភាពក្នុងក្រុមគ្រួសាររបស់គាត់ ! ក៏ប៉ុន្តែការបង្កបង្កើនផលកសិកម្មរបស់ពួកគាត់ ត្រូវបានរាំងស្ទះមិនដំណើរការបានទេ ។ ដោយម្ចាស់បំណុលឯកជនមួយរូប យកការប្រាក់ខ្ពស់ពេក ធ្វើឲ្យគាត់មិនមានលទ្ឋិភាពបង់ទៅតាមតម្រូវការ ទើបខាងម្ចាស់បំណុលរូបនោះ គេបានដាក់ពាក្បបណ្តឹង ប្តឹងទៅសាលាឃុំត្រែង និង បានប្រើកម្លាំង សមត្ថកិច្ចប្រដាប់អាវុធ គំរាមកំហែង ធ្វើឲ្យពួកគាត់មានការខ្លាចរអា មិនហ៊ានចូលទៅបង្កបង្កើនផលអស់រយះពេលជិតបីឆ្នាំកន្លងមកហើយ ។ ប្រភពពីពលរដ្ឋរងគ្រោះបានបន្តថា ៖ នាពេលថ្មីៗក្នុងអំឡុងដើមខែកក្កដា ឆ្នាំ២០២០នេះ រូបគាត់បានលក់ដីចំនួន១០ហិកតា ស្ថិតនៅក្នុងភូមិជីសាង ឃុំត្រែង ស្រុករតនៈមណ្ឌល ខេត្តបាត់ដំបង ឲ្យទៅឈ្មោះប៉ាល់ ណារុន ភេទប្រុស អាយុ៤២ឆ្នាំ មានមុខរបរ ជាមន្រ្តីទាហ៊ាន ជិះរថយន្តម៉ាកRiVO ពាក់ស្លាកលេខ ខេមរភូមិន្ទ 06 2-4774 ពណ៍ត្រេអី ចង្កូតស្តាំ មួយគ្រឿង ។ ក៏ប៉ុន្តែការលក់ដូរដីរបស់គាត់ឈ្មោះ ឡិន គន្ឋា ភេទស្រី ជាម្ចាស់ដី មិនបានសម្យប្រកបដូចបំណងនោះទេ!។ ពលរដ្ឋរងគ្រោះជាស្រ្តី ម្ចាស់ដីឈ្មោះឡិន គន្ឋា បានបញ្ជាក់ឲ្យដឹងទៀតថា ពេលគាត់ទៅឲ្យលោកមេឃុំត្រែង ធ្វើលិខិតផ្ទេរសិទ្ឋិកាន់កាប់ដីឲ្យទៅអ្នកទិញ បែរជាលោកមេឃុំត្រែង បានប្រាប់ថា ដីនេះមិនអាចលក់ដូរផ្ទេរសិទ្ឋិកាន់កាប់បានទេ! ដោយមានគេប្តឹងហាមឃាត់ មិនឲ្យមានការលក់ដូរជាដាច់ខាត ។ ករណីខាងលើនេះ ស្រ្តីឈ្មោះឡិន គន្ឋា បានព្យាយាមរកដំណោះស្រាយជាមួយម្ចាស់បំណុល គ្រប់រូបភាព ទើបអាចរកច្រកចេញបាន ផងដែរ ! តែរហូតមកថ្ងៃទី១៤ ខែកក្កដា កន្លងមកនេះ មន្ត្រីទាហ៊ាន ឈ្មោះប៉ាល់ ណារុន ជាមួយនិងម្ចាស់បំណុលចងការប្រាក់ឯកជន ម្នាក់នៅក្នុងខេត្តបាត់ដំបង បានព្រមព្រៀងឯកភាពគ្នា កាត់យកដី ពីស្ត្រី ឈ្មោះឡិន គន្ឋា ចំនួន១០ហិកតា ! ហើយមិនទាន់បានទូទាត់ប្រាក់ឲ្យមកស្ត្រី ឈ្មោះ ឡិន គន្ឋា នោះគ្រប់ចំនួននៅឡើយទេ ។ ដោយការសន្យារបស់ឈ្មោះ ប៉ាល់ ណារុន ជាមន្រ្តីទាហ៊ានរូបនោះ បានធ្វើកិច្ចសន្យា និង ឲ្យម្ចាស់ដីឈ្មោះឡិន គន្ឋា កម្កល់ប្លង់ជាប្រកាន់ដៃដី ទុកនៅសាលាឃុំត្រែង ជាបណ្តោះអាសន្នសិន! ដោយមិនទាន់បានផ្ទេរសិទ្ឋិកាន់កាប់ នៅសាលាឃុំត្រែង នៅឡើយទេ ! ដោយរងចាំនៅថ្ងៃទី១៧ កក្កដានេះ និងប្រគល់លុយគ្រប់ចំនួនឲ្យមកម្ចាស់ដីឈ្មោះឡិន គន្ឋា នេះផងដែរ ។ ក៏ប៉ុន្តែ រហូតមកទល់ពេលនេះគេមិនទាន់ឃើញវត្តមាន មន្ត្រីទាហ៊ាន ជាអ្នកទិញដីរូបនោះចូលខ្លួនមកតាមកិច្ចសន្យា នោះឡើយទេ ! ។ ជុំវិញបញ្ហា ទាំងអស់ខាងលើ ប្រជាពលរដ្ឋដែលបានដឹងឮ នៅក្នុងករណីមួយនេះសង្ឃឹមថា លោកមេឃុំ រួមទាំងមន្ត្រីក្រុមប្រឹក្សា នៃសាលាឃុំត្រែង ដែលជាម៉ែ ជា ឪ របស់ប្រជាពលរដ្ឋ និង ជួយរកភាពយុត្តិធម៍ជូន ពួកគាត់បានយ៉ាងល្អប្រសើរជាក់ជាមិនខានឡើយ ៕ ដោយៈ លោក ណុប ផល្គុណ គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា