ខេត្តបន្ទាយមានជ័យនៅព្រឹកថ្ងៃចន្ទ ទី២០ ខែកក្កដា ឆ្នាំ២០២០ មានការផ្ទុះជម្ងឺចម្លែកនៅក្រុងប៉ោយប៉ែតចំនួន២ភូមិ រហូតដល់ម៉ោងនេះ មានអ្នកជម្ងឺដែលសម្រាកព្យាបាល នៅក្នុងមន្ទីរពេទ្យមានតែ ៧នាក់ តែប៉ុណ្ណោះ។តែចំពោះអាការរះជម្ងឺគេសង្ស័យថាប្រហែលជាជម្ងឺ ស្អូច និងជម្ងឺកញ្ជិ្រល គ្មានពាក់ព័ន្ធនិងជម្ងឺកូវីដ-១៩នោះទេ។ លោក ឡេ ច័ន្ទសង្វាត ប្រធានមន្ទីរសុខាភិបាលខេត្តបន្ទាយមានជ័យ បានប្រាប់អ្នកយកព័ត៌មាន តាមទូរស័ព្ទថា៖ ប្រធានការិយាល័យស្រុក ប្រតិបត្ត ប្រធានមន្ទីរពេទ្យ មណ្ឌលសុខភាព បានចុះត្រួតពិនិត្យដល់តាមផ្ទះប្រជាពលរដ្ឋ នៅក្នុងភូមិក្បាលកោះសង្កាត់ប៉ោយប៉ែត ដែលអាជ្ញាធរមូលដ្ឋាន បានរាយការណ៍ ពីបញ្ហាសុខភាព មានដូចជា ក្តៅខ្លួន ស្នាមកន្ទួលរមាស់ ឈឺសន្លាក់ដៃជើង ជាដើម។ល។ លោកបានបញ្ជាក់អោយដឹងទៀតថា៖ ជារួមករណីអ្នកមានបញ្ហាសុខភាព ដែលក្រុមការងារ គ្រូពេទ្យ ចុះពិនិត្យ និងបញ្ជូនមកមន្ទីរពេទ្យបង្អែកប៉ោយប៉ែតសរុប៦០ នាក់ ស្រី៣៣នាក់ រួមនិងក្មេងផងដែរ និងបានបញ្ជូនមកសម្រាកនៅមន្ទីរពេទ្យបង្អែកប៉ោយប៉ែត ចំនួន៧នាក់មនុស្សធំ១នាក់ និងក្មេង៦នាក់។ ក្រុមការងារឆ្លើយតបបន្ទាន់និងកម្មវិធីជាតិ នឹងបន្តចុះតាមដាន និងបូមឈាមយក កុមារដែលមានបញ្ហាទាំង៦នាក់ យកទៅវិភាគ នៅរាជធានីភ្នំពេញ។ លោកបន្តថា៖ ក្រុមគ្រូពេទ្យមិនទាន់កំណត់បានថា ជាជម្ងឺអ្វីអោយបានច្បាស់លាស់នៅឡើយទេ រងចាំលទ្ធផលនៃការវិភាគឈាមសិន។ ជាការកត់សំគាល់ឃើញថា បរិស្ថាននៃការរស់នៅជុំវិញមិនមានអនាម័យល្អ ជាសំណង់មិនរៀបរយ ចំណុចអូរព្រំដែន និងក្បែស្ថានីយ៍រថភ្លើងកង្វះអនាម័យ រស់នៅ និងហូបចុក។ ក្នុងនោះលោកបានបន្តចុះអប់រំសុខភាពអំពីការរស់នៅស្អាត អនាម័យខ្លួនប្រាណ ការហូបចុក ធ្វើអនាម័យជុំវិញផ្ទះសម្បែង ត្រូវគេងក្នុងមុង អោយបានត្រឹមត្រូវ និងមានបញ្ហាសុខភាពត្រូវទៅពិគ្រោះ ព្យាបាលជាមួយគ្រូពេទ្យ នៅមណ្ឌលសុខភាព និងមន្ទីរពេទ្យ។ ចំពោះមន្ទីរសុខាភិបាលខេត្ត ត្រូវបន្តការតាមដាន និងស្រាវជ្រាវ កំណត់ប្រភេទជម្ងឺអោយបានឆាប់រហ័យ ចុះផ្តល់សារអប់រំសុខភាព និង ដាក់អាបែតសម្លាប់ដង្កូវទឹក ជាជម្រកមូសខ្លា និងត្រូវសហការគ្នាអោយបានល្អប្រសើរ ជាមួយអាជ្ញាធរមូលដ្ឋាន ហើយអន្តរាគមន៍អោយបានឆាប់រហ័ស និងមានប្រសិទ្ធភាព ដើម្បីថែរក្សាសុខភាពបងប្អូនប្រជាពលរដ្ឋផងដែរ៕ ដោយៈ លោក ជួង វិសិដ្ឋ និពន្ធនាយក គេហទំព័រ ប៉ោយប៉ែត ប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ឯកអគ្គរាជទូតអូស្រ្តាលី ជឿជាក់ថាក្រោមការដឹកនាំរបស់ឯកឧត្តមអភិសន្តិបណ្ឌិត ស សុខា ក្រសួងមហាផ្ទៃ នឹងបន្តសម្រេចបានសមិទ្ធផលធំធេងបន្ថែមទៀត! (គេហទំព័រ ប៉ោយប៉ែត ប៉ុស្តិ៍)
ជាង៥០០០គ្រួសារ ក្នុងករណីរឿងរ៉ាវវិវាទដីធ្លីត្រូវបានឯកឧត្តមបណ្ឌិត ប៉ាន់ខែម ប៊ុនថន រកដំណោះស្រាយជូនបងប្អូនប្រជាពលរដ្ឋ្ក្ក្កតាមបែបឈ្នះឈ្នះ ហើយបច្ចុប្បន្នសិល្បៈនៃការដោះស្រាយបែបនេះនៅតែជាតម្រូវការចាំបាច់សម្រាប់ប្រជាពលរដ្ឋ.!!! (គេហទំព័រ ប៉ោយប៉ែត ប៉ុស្តិ៍)
កិច្ចប្រជុំការងារក្រុងប៉ោយប៉ែត នៃក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ក្រោមអធិបតីភាពឯកឧត្តម ឌិត ទីណា ប្រធានក្រុមការងារ រាជរដ្ឋាភិបាលចុះមូលដ្ឋាន ខេត្តបន្ទាយមានជ័យ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា ៖ ប្រតិបត្តិការប្រឆាំងឧក្រិដ្ឋកម្មតាមប្រព័ន្ធអ៊ីនធឺណេតរបស់កម្ពុជា មានតម្លៃជាសាកល (គេហទំព័រ ប៉ោយប៉ែត ប៉ុស្តិ៍)
លោកវរៈសេនីយ៍ ឈឿន ប៊ុនថា អធិការរងនគរបាលផ្នែកចរាចរណ៍ក្រុងប៉ោយប៉ែត បានដឹកនាំកម្លាំងចុះអន្តរាគមន៍ និងសម្រួលចរាចរណ៍ បន្ទាប់ពីមានករណីគ្រោះថ្នាក់ចរាចរណ៍បុកបន្តកន្ទុយគ្នានៅម្តុំដើមពោធិ៍លោកយាយម៉ៅ លើផ្លូវជាតិលេខ៥.!!! (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា