ខេត្តបាត់ដំបង៖ ថ្ងៃសុក្រទី៣ ខែកក្កដា ឆ្នាំ២០២០ គោរពនិងអនុវត្តតាមបទបញ្ជារបស់ឯកឧត្តម ឧត្តមសេនីយ៍ទោ អ៊ុច សុខុនស្នងការនៃស្នងការដ្ឋាននគរបាលខេត្តបាត់ដំបង ព្រមទាំងយោបល់របស់លោកវរសេនីយ៍ទោ លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ឯក ឆាង វណ្ណឆៃ អធិការនគរបាលក្រុងបាត់ដំបង បានដឹកនាំកំលាំងធ្វេីការស្រាវជ្រាវនិងបង្ក្រាបករណី(លួចមានស្ថានទម្ងន់ទោស)គាស់ផ្ទះលួចទ្រព្យសម្បត្តិមួយករណី ក្នុងបទល្មេីសជាក់ស្តែង នៅសង្កាត់ចំការសំរោងក្រុងបាត់ដំបង បានសម្រេច ។ សមត្ថកិច្ចឃាត់ខ្លួនជនសង័្សយម្នាក់ឈ្មោះ រិទ្ធ សំផាន (ហៅ ពាវ) ភេទប្រុស អាយុ៣៧ឆ្នាំ មានទីលំនៅភូមិស្លាកែត សង្កាត់ស្លាកែត ក្រុងបាត់ដំបង ខេត្តបាត់ដំបង និងធ្វេីការដកហូតបាន៖ ទី១-ម៉ូតូម៉ាកZoomer-x ពណ៌ស-ក្រហម ចំនួន01គ្រឿង ទី២-ឡេបថប ចំនួន02គ្រឿង ទី៣-កូនសោរទ្វារចំនួនមួយចង្កោម ទី៤-កូនសោរម៉ូតូចំនួន 17កូន ទី៥-កាតគ្រីម៉ូតូចំនួន 07 ទី៦-កាតគ្រីឡានចំនួន 01 ទី៧-សៀវភៅធនាគារចំនួន 01 ទី៨-លិខិតឆ្លងដែនចំនួន 01 ទី៩-កាតអេសុីលីដាចំនួន 02 ទី១០-កាតសុីអាយអុឹមប៊ីចំនួន 01 ទី១១-មេម៉ូរី ចំនួន 01 ទី១២-ធុងហ្គាស ចំនួន01 ទី១៣-បំពង់ទីប ប្រវែងប្រហែល2ម៉ែត្រ ចំនួន01។ សូមបញ្ជាក់ផងដែរថា កាលពីថ្ងៃទី២ ខែកក្កដាឆ្នាំ២០២០ នៅក្នុងលំនៅដ្ឋានរបស់ជនរងគ្រោះឈ្មោះ សុិន ស្រីសក្តិ ភេទស្រី អាយុ៣២ឆ្នាំ មានទីលំនៅក្រុមទី១៩ ភូមិវត្តរំដួល សង្កាត់ចំការសំរោង ក្រុងបាត់ដំបង ខេត្តបាត់ដំបង ត្រូវបានជនសង័្សយមិនស្គាល់អត្តសញ្ញាណបានធ្វេីសកម្មភាពគាស់ផ្ទះចូលលួចយកទ្រព្យសម្បត្តិមួយចំនួនដូចខាងលេី។ បន្ទាប់ពីទទួលបាននូវព្រឹត្តិហេតុនេះតាមរយ:ជនរងគ្រោះឯកឧត្តម ស្នងការបានដាក់បទបញ្ជាជាបន្ទាន់ដល់ផែនជំនាញនិងអធិការនគរបាលក្រុងបាត់ដំបងធ្វេីការស្រាវជ្រាវលេីករណីនេះរហូតដល់ម៉ោង០៩និង១០នាទីព្រឹកថ្ងៃទី៣ ខែកក្កដាឆ្នាំ២០២០ សមត្ថកិច្ចបង្រ្កាបបាននិងឃាត់ខ្លួនជនសង័្សយដែលធ្វេីសកម្មភាព និងដកហូតទ្រព្យសម្បត្តិយកប្រគល់ជូនជនរងគ្រោះវិញ។ តាមប្រសាសន៍របស់លោក នួន សាន ព្រះរាជអាជ្ញាអមសាលាដំបូងខេត្តបាត់ដំបងបានបញ្ជាក់ថា ជនសង័្សយរូបនេះត្រូវបានកសាងសំណុំរឿងបញ្ជូនមកការិយាល័យជំនាញដេីម្បីចាត់វិធានការបន្តតាមផ្លូវច្បាប់៕ ដោយៈ ណុប ផល្គុន អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា